အင်္ဂလန် အသင်းဟာ ကော်စတာရီကာ အသင်းကို ပြတ်ပြတ်သားသား အနိုင်ယူပြီး ကမ္ဘာ့ဖလား ပြိုင်ပွဲ အတွက် ပြင်ဆင်မှုတွေကို အကောင်းဆုံး အဆုံးသတ်လိုက်နိုင်ပါတယ်။ ဒီပွဲဟာ မုန်တိုင်းထန်တဲ့ ရာသီဥတုကြောင့် ပွဲကစားချိန် တစ်နာရီနီးပါး နောက်ကျခဲ့ရတဲ့ ပွဲလည်း ဖြစ်ပါတယ်။
ဒီပွဲမှာ အန်သိုနီ ဂေါ်ဒွန်ဟာ ၁ ဂိုးသွင်း၊ ၁ ဂိုး ဖန်တီးပေးနိုင်ခဲ့တာကြောင့် ကမ္ဘာ့ဖလား အဖွင့်ပွဲစဉ်မှာ ပွဲထွက်ခွင့် ရဖို့ သူ့ရဲ့အရည်အချင်းကို ကောင်းကောင်း သက်သေပြသွားနိုင်ခဲ့ပါတယ်။ အော်လန်ဒိုမြို့ရဲ့ မုန်တိုင်းထန်တဲ့ ရာသီဥတု အခြေအနေကြောင့် ပွဲထွက်ခွင့် ၁ နာရီကြာ နောက်ကျခဲ့ရပေမယ့် အင်္ဂလန် အသင်း ကတော့ ကော်စတာရီကာကို အလွယ်တကူပဲ အနိုင်ယူနိုင်ခဲ့ပါတယ်။ ဒါကြောင့် လာမယ့် သီတင်းပတ်မှာ ကစားရမယ့် ခရိုအေးရှားနဲ့ ကမ္ဘာ့ဖလား အုပ်စု (L) အဖွင့် ပွဲစဉ်ဆီကို ၂ ပွဲဆက် အနိုင်ရလဒ်နဲ့ အတူ သွားရောက်နိုင်ခဲ့ပြီ ဖြစ်ပါတယ်။
Inter&Co Stadiumမှာ ကစားခဲ့တဲ့ ဒီပွဲစဉ်ရဲ့ ပွဲစလို့ ၉ မိနစ် မှာတင် အင်္ဂလန်အသင်း အဖွင့်ဂိုး ရရှိခဲ့တာပါ။ ဂေါ်ဒွန်က ကော်စတာရီကာ နောက်ခံလူ ရှောင် ဂျွန်ဆင်ကို ကျော်ဖြတ်ပြီး ဖြတ်တင်ပေးလိုက်ရာ ကနေ အာဆင်နယ် ကွင်းလယ်လူ ဒီကလန် ရိုက်စ်က လမ်းကြောင်းပြောင်းသွားတဲ့ ဘောလုံးကို ဂိုးရဲ့အောက်ခြေ ညာဘက်ထောင့်ထဲသို့ ပိတ်သွင်းယူခဲ့တာ ဖြစ်ပါတယ်။
အင်္ဂလန် အသင်းရဲ့ တိုက်စစ်ဆင်မှုတွေက ဆက်တိုက်ဆိုသလို ရှိနေခဲ့ပြီး ရိုက်စ်ရဲ့ အလွတ်တည်ကန်ဘော ကနေ ဟယ်ရီ ကိန်း ခေါင်းတိုက်လိုက်တဲ့ ဘောလုံးကိုတော့ ကော်စတာရီကာ ဂိုးသမား ပက်ထရစ် ဆီကွေရာ ပုတ်ထုတ်ပြီး အံ့ဩဖွယ် ကာကွယ်သွားနိုင်ခဲ့ပါတယ်။ ပထမပိုင်းပြီးခါနီး ၁၀ မိနစ် အလိုမှာ နိုနီ မာဒူအေခေ တစ်ယောက် ဂိုးသမား ဆီကွေရာကို ကျော်ဖြတ်ပြီး ဂိုးအလွတ်ထဲ ကန်သွင်းခွင့်ရခဲ့ပေမယ့် တိုင် ထိမှန်ခဲ့တာကြောင့် အင်္ဂလန်တို့ ဒုတိယဂိုးရမယ့် အခွင့်အရေး လက်လွတ်ခဲ့ရပါတယ်။ အဲဒီနောက် ဖျတ်လတ် တက်ကြွနေတဲ့ ဂေါ်ဒွန်ကို ဂျွန်ဆင်က တွန်းလှဲခဲ့တာကြောင့် ပင်နယ်တီ ရရှိခဲ့တယ်လို့ ထင်မှတ်ခဲ့ရပေမယ့် VAR ပြန်ကြည့်ပြီးနောက် ဆုံးဖြတ်ချက် ပယ်ဖျက်ခြင်း ခံခဲ့ရပါတယ်။
ဒါပေမယ့် ပွဲချိန် ၆၈ မိနစ်မှာတော့ အီဗီရီချီ အက်ဇေးရဲ့ ဂိုးပေါက်ကန်ချက်ကို ဒါရီလ် အာရာယာက လက်နဲ့ ပိတ်ဆို့ခဲ့တာကြောင့် အင်္ဂလန်တို့ ပင်နယ်တီ ရရှိခဲ့ပြီး၊ ဂေါ်ဒွန် ကပဲ ဒုတိယပိုင်း လူစားဝင် ဂိုးသမား အေဘရာဟမ် မက်ဒရစ်ကို ကျော်ဖြတ်ကာ အားပြင်းပြင်း ကန်သွင်းယူခဲ့ပါတယ်။
အဲဒီနောက် မော်ဂန် ရော်ဂျာစ် တစ်ယောက် ဂိုးသမားနဲ့ တစ်ဦးချင်းတွေ့တဲ့ အခွင့်အရေးမှာ ဂိုးလွဲချော်ခဲ့ပေမယ့် အင်္ဂလန် အသင်းရဲ့ တတိယဂိုး ကတော့ သူ့ရဲ့ကန်ချက်ကနေပဲ စတင်ခဲ့တာပါ။ ရော်ဂျာစ် ကန်သွင်းလိုက်တဲ့ ဘောလုံးကို ကော်စတာရီကာ ဂိုးသမား ပုတ်ထုတ်လိုက်ရာ ကနေ အိုလီ ဝက်ကင်းစ်က အနီးကပ် ခေါင်းတိုက်သွင်းယူပြီး ပွဲကို အပြတ်အသတ် အနိုင်ရလဒ်နဲ့ အဆုံးသတ်ပေးခဲ့ပါတယ်။
ဂေါ်ဒွန်ဟာ နယူးကာဆယ်ယူနိုက်တက် ကနေ ဘာစီလိုနာ အသင်းဆီ ယူရို သန်း ၈၀ (ပေါင် ၆၉.၃ သန်း) နဲ့ ပြောင်းရွှေ့မှု ပြီးမြောက်ထားသူ ဖြစ်ပြီး၊ ဒီပြောင်းရွှေ့မှုဟာ အဆိုပါ တောင်ပံကစားသမားရဲ့ တိုးတက်မှုကို ပိုမိုအထောက်အကူပြုလိမ့်မယ်လို့ နည်းပြ သောမတ်စ် တူချယ်က ယုံကြည်နေပါတယ်။ အင်္ဂလန် နည်းပြ တူချယ်အနေနဲ့ အဲဗာတန် ကစားသမားဟောင်း ဂေါ်ဒွန်ရဲ့ အခုလို ခြေစွမ်းပြမှု အပေါ် အလွန်ကျေနပ်မိမှာ သေချာပါတယ်။
သူ့ရဲ့ အခုပွဲက ၁ ဂိုးသွင်း၊ ၁ ဂိုးဖန်တီးမှုဟာ အင်္ဂလန် အသင်း အတွက် သူကစားပေးခဲ့တဲ့ ပြီးခဲ့တဲ့ ၁၈ ပွဲက စွမ်းဆောင်ရည်နဲ့ ညီမျှသွားခဲ့တာ ဖြစ်ပြီး၊ ပြိုင်ဘက် ဂိုးဧရိယာ အတွင်း ဘောလုံးထိချက် အများဆုံး (၆ ကြိမ်) နဲ့ ဒရစ်ဘဲလ်ဆွဲမှု အများဆုံး (၄ ကြိမ်) အဖြစ် အသင်းမှာ အမြင့်ဆုံး မှတ်တမ်း ရရှိခဲ့ကာ ကော်စတာရီကာရဲ့ ပွဲဦးထွက် နောက်ခံလူ ဂျွန်ဆင်ကို ကောင်းကောင်း ဒုက္ခပေးနိုင်ခဲ့ပါတယ်။
ဂေါ်ဒွန် အနေနဲ့ လာမယ့် ခရိုအေးရှားနဲ့ ကမ္ဘာ့ဖလား အဖွင့်ပွဲစဉ်မှာ ပွဲထွက်ခွင့်ရဖို့ ရုန်းကန်နေရဆဲ ဖြစ်နိုင်ပါတယ်။ ဒါပေမယ့်၊ နော့တင်ဟမ်ဖောရက်စ် အသင်းရဲ့ ကွင်းလယ်လူ အဲလီယော့တ် အန်ဒါဆန် ကတော့ ကွင်းလယ် နေရာမှာ ပွဲထွက်ခွင့် ရဖို့ သေချာသလောက် ရှိနေပါတယ်။ ဒီပွဲမှာ ဘယ်ကစားသမားထက်မဆို ဘောလုံးထိချက် အများဆုံး (၉၄ ကြိမ်)၊ တိကျတဲ့ ပေးပို့မှုအများဆုံး (၇၄ ကြိမ်)၊ ဖျတ်ထုတ်မှု အနိုင်ရရှိမှု အများဆုံး (၁၀ ကြိမ်) နဲ့ ဘောလုံး ပြန်လည် သိမ်းပိုက်နိုင်မှု အများဆုံး (၇ ကြိမ်) အထိ စွမ်းဆောင်ပေးနိုင်ခဲ့ပါတယ်။
အန်ဒါဆန်ရဲ့ အခုလို ထူးချွန်တဲ့ စွမ်းဆောင်ရည်ဟာ မန်ချက်စတာစီးတီး အသင်းက သူ့ကို ပေါင် ၁၀၆ သန်း ကနေ ပေါင် သန်း ၁၂၀ အထိ တိုးမြှင့် ကမ်းလှမ်းခဲ့မှုကို ဖောရက်စ် အသင်း ဘက်က ပယ်ချခဲ့တယ် ဆိုတဲ့ သတင်းတွေ ထွက်ပေါ်လာပြီးနောက် ပေါ်ထွက်လာတာလည်း ဖြစ်ပါတယ်။
အင်္ဂလန် အသင်းရဲ့ မဟာဗျူဟာမြောက် ခြေစမ်းပွဲဟာ စကတည်းက ဆုံးအထိ ပွဲကို လွှမ်းမိုးထားနိုင်ခဲ့ပေမယ့်၊ နည်းပြ တူချယ် ကတော့ သူ့ရဲ့ ကစားသမားတွေကို တိုက်စစ်ပိုင်းမှာ အခုထက် ပိုပြီး ထက်မြက်စေချင်မှာပါ။ မာဒူအေခေနဲ့ ရော်ဂျာစ် တို့ဟာ ဂိုးပြတ်နိုင်မယ့် အခွင့်အရေးကြီးတွေကို ဖြုန်းတီးခဲ့ကြတာကြောင့် ဖြစ်ပါတယ်။ အင်္ဂလန်အသင်းဟာ ဒီပွဲမှာ ကန်ချက် ၂၇ ကြိမ် အထိ ရှိခဲ့ပြီး မျှော်မှန်းဂိုး (xG) ၄.၅၅ အထိ ရှိခဲ့ပေမယ့်လည်း၊ ကော်စတာရီကာ အသင်း ကတော့ တစ်ပွဲလုံးမှာ ကန်ချက် ၁ ကြိမ်သာ ရှိခဲ့ပြီး မျှော်မှန်းဂိုး (xG) ၀.၀၃ သာ ရှိခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
