ဒီကနေ့ ညနေခင်းအထိ ရရှိထားသမျှ လာလီဂါ အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
ပီအက်စ်ဂျီ အသင်းဟာ ဒီနွေရာသီမှာ လာလီဂါ ကလပ် ဘာစီလိုနာ ကွင်းလယ်လူ ဖာမင်း လိုပက်ဇ်ကို ခေါ်ယူနိုင်ဖို့ မျှော်လင့်နေပါတယ်။ အဆိုပါ အပြောင်းအရွှေ့ အောင်မြင်ဖို့ အတွက် နောက်ခံလူ လူးကပ်စ် ဟာနန်ဒက်စ်နဲ့ တောင်ပံ ကစားသမား ဘရက်ဒ်လေ ဘာကိုလာ နှစ်ဦးလုံးကို အသင်း ကနေ ရောင်းထုတ် (အလိုက်ပေး) ဖို့ အထိ ပြင်ဆင်ထားပါတယ်။
ရီးရဲလ်မက်ဒရစ် ကနေ သေချာပေါက် ထွက်ခွာမှာ မဟုတ်တဲ့ ကစားသမား တစ်ဦး ကတော့ ဝေဖန်မှုတွေနဲ့ ရင်ဆိုင်နေရတဲ့ တိုက်စစ်မှူး ကီလီယန် အမ်ဘာပေးပဲ ဖြစ်ပါတယ်။ ဒီနွေရာသီမှာ ရီးရဲလ်မက်ဒရစ်ရဲ့ နည်းပြသစ် ဖြစ်လာဖို့ ရေပန်းစားနေတဲ့ ဟိုဆေး မော်ရင်ညိုဟာ အဆိုပါ ပြင်သစ် တိုက်စစ်မှူးကို အပြည့်အဝ ထောက်ခံအားပေးသွားဖို့ မျှော်လင့်ရပါတယ်။
နည်းပြ မော်ရင်ညို ဟာ လာမယ့် ရာသီ မတိုင်ခင် အသင်းရဲ့ ခံစစ်ပိုင်းကို ပိုမိုကောင်းမွန်အောင် မြှင့်တင်ဖို့ အတွက် ရီးရဲလ်မက်ဒရစ် ဥက္ကဋ္ဌ ဖလောရန်တီနို ပီရက်ဇ်ထံ တောင်းဆိုထားပါတယ်။
လာလီဂါ ချန်ပီယံ ဘာစီလိုနာ အသင်းဟာ မန်စီးတီး တိုက်စစ်မှူး အိုမာ မာမွတ်ရှ်ကို ခေါ်ယူဖို့ အပြိုင်အဆိုင် ဖြစ်နေတဲ့ အသင်းတွေ ထဲမှာ ရှေ့ကနေ ဦးဆောင်နေပါတယ်။ မန်စီးတီး ဘက်ကတော့ ယူရို ၆၅ သန်း (ပေါင် သန်း ၅၀ သန်း) ဝန်းကျင်ရှိတဲ့ ကမ်းလှမ်းမှုမျိုး ရရှိရင် မာမွတ်ရှ်ကို ရောင်းချဖွယ် ရှိနေပါတယ်။
အငှားနဲ့ လာရောက် ကစားနေတဲ့ တောင်ပံ ကစားသမား မာကပ်စ် ရက်ရှ်ဖို့ဒ်ရဲ့ အနာဂတ်နဲ့ ပတ်သက်ပြီး ဘာစီလိုနာနဲ့ မန်ချက်စတာ ယူနိုက်တက်တို့ အကြား ဆွေးနွေးမှုတွေကို လာမယ့် တပတ်မှာ ပြန်လည် စတင်တော့မှာ ဖြစ်ပါတယ်။ ဘာဆာ ကတော့ ရက်ရှ်ဖို့ဒ်ကို နောက်ထပ် တစ်ရာသီ အငှားစာချုပ်နဲ့ ဆက်ထိန်းထားနိုင်ဖို့ သဘောတူညီမှု ရရှိလိမ့်မယ်လို့ မျှော်လင့်နေပါတယ်။
ရာသီကုန်အထိ အနားယူရမယ့် ဘန်ဝှိုက် ရဲ့ ကွက်လပ်ကို ဂျူရီယန် တင်ဘာနဲ့ အချိန်မှီ ဖြည့်စွတ်နိုင်ဖို့ အာဆင်နယ် ဘက်က အပြည့်အဝ ယုံကြည်နေကြပါတယ်။ မတ်လ ၁၄ ရက်နေ့ နောက်ပိုင်း ကတည်းက အသင်း အတွက် ပါဝင်ကစားပေးနိုင်ခြင်း မရှိတော့တဲ့ တင်ဘာဟာ လက်ရှိ အချိန် မှာတော့ ကြံ့ခိုင်မှု ပြန်ပြည့်အောင် လေ့ကျင့်ခန်းတွေ ဆက်တိုက် လုပ်ဆောင်နေပါတယ်။ ဘင်ဝှိုက် မရှိတော့တဲ့ အသင်း ညာနောက်ခံ အစွန် နေရာ အတွက် အာဆင်နယ် အသင်း ဘက်က ရွေးချယ်စရာ မရှိ ဖြစ်နေပေမယ့် လာမယ့် ဘန်လေနဲ့ ပွဲ အမှီ တင်းဘားကို ပရိသတ်တွေ ပြန်လည် မြင်တွေ့လာနိုင်ပါတယ်။
ရီးရဲလ်မက်ဒရစ် တိုက်စစ်မှူး အမ်ဘာပေး ကတော့ သူဟာ အသင်းရဲ့ စတုတ္ထမြောက် ဦးစားပေး တိုက်စစ်မှူး အဆင့် မှာသာ ရှိနေကြောင်း သတင်းထောက်တွေကို ပြောဆိုခဲ့ပါတယ်။ အသင်း နည်းပြနဲ့ အဆင်မပြေ ဖြစ်နေတဲ့ အမ်ဘာပေးရဲ့ ယခုတစ်ခေါက် ပြောဆိုချက်က နှစ်ဦးနှစ်ဖက်ကြား ပိုမို ဆက်ဆံရေး တင်းမာလာစေနိုင်ပြီး ပြီးခဲ့တဲ့ အိုဗီယေဒိုနဲ့ ပွဲမှာလည်း လူစားဝင် အဖြစ်သာ ပါဝင်ခွင့်ရခဲ့ပါတယ်။ လာလီဂါ ဖလား မရတော့ပေမယ့် ရွှေဖိနပ်ဆုရဖို့ ထိပ်ဆုံးက ရေပန်းစားနေတဲ့ အမ်ဘာပေး အတွက် အခုလို ပွဲထွက်ခွင့် ကန့်သက်ခံထားရခြင်းက အတော်လေးကို စိတ်ပျက်စရာ အနေအထား တစ်ခု ဖြစ်နေပါတယ်။
ဘရိုက်တန် အသင်းရဲ့ ဂျပန် နာမည်ကျော် တိုက်စစ်ကစားသမား မီတိုမာဟာ တံကောက်ကြော ဒဏ်ရာကြောင့် လာမဲ့ ကမ္ဘာ့ဖလား ပြိုင်ပွဲကို လွဲချော်ဖို့ သေချာသွားပါပြီ။ အသက် ၂၈ နှစ် အရွယ် ရှိပြီ ဖြစ်တဲ့ မီတိုမာဟာ ပြီးခဲ့တဲ့ စနေနေ့တုန်းက ဝုဗ်ကို ၃-၀နဲ့ အနိုင်ရတဲ့ပွဲမှာ အဲဒီဒဏ်ရာရရှိခဲ့တာကြောင့် ၅၇ မိနစ်မှာ ဗဲလ်မန်းနဲ့ လူစားလဲခံခဲ့ရပြီး ဘရိုက်တန်ရဲ့ ရာသီလက်ကျန် ၂ ပွဲကို လွဲချော်မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
