ချန်ပီယံလိဂ် သမိုင်းတစ်လျှောက် သွင်းဂိုး အများဆုံး အသင်းများ

လက်ရှိမှာ အခုတစ်ခါ မှာတော့ ယူအီးအက်ဖ်အေ ချန်ပီယံလိဂ် သမိုင်းတစ်လျှောက် သွင်းဂိုး အများဆုံး အသင်းတွေကို ဖော်ပြပေးသွားမှာ ဖြစ်ပါတယ်။

ချန်ပီယံလိဂ် တစ်ရာသီအတွင်း သွင်းဂိုး အများဆုံး အသင်းများ

 

ဘာစီလိုနာ (၁၉၉၉-၀၀ ရာသီ) – ၄၅ ဂိုး

ဘာစီလိုနာဟာ ၁၉၉၉-၀၀ ရာသီတုန်းက ၄၅ ဂိုးအထိ သွင်းယူနိုင်ခဲ့ပြီး ချန်ပီယံလိဂ် တစ်ရာသီ အတွင်း သွင်းဂိုး အများဆုံး အသင်း အဖြစ် စံချိန်တင်ထားဆဲ ဖြစ်ပါတယ်။ အဲဒီတုန်းက ပြိုင်ပွဲပုံစံအရ ပွဲစဉ်အရေအတွက် ပိုမိုကစားခဲ့ရတာ ကလည်း သူတို့အတွက် အထောက်အကူဖြစ်စေခဲ့ပါတယ်။ သူတို့ရဲ့ သွင်းဂိုး ပမာဏ ကိုတော့ အဲဒီမတိုင်ခင်ကော၊ နောက်ပိုင်းမှာပါ ဘယ်အသင်းမှ မလိုက်နိုင်သေးပါဘူး။

ဘာစီလိုနာဟာ ဆီမီးဖိုင်နယ်မှာ ဗလင်စီယာကို ရှုံးနိမ့်ပြီး ပြိုင်ပွဲကနေ ထွက်ခဲ့ရပေမယ့် (OG မပါ) ကစားသမား ၁၃ ဦး အထိ ဂိုးသွင်းယူနိုင်ခဲ့ပါတယ်။ ချန်ပီယံလိဂ် သမိုင်းတစ်လျှောက်မှာ တစ်ရာသီ အတွင်း ဂိုးသွင်းသူ ကစားသမား အရေအတွက် ပိုမို စုံလင်ခဲ့တာဆိုလို့ ရီးရဲလ်မက်ဒရစ် (၂၀၀၁-၀၂ ရာသီက ၁၄ ဦး) နဲ့ ဒေါ့မန် (၂၀၁၆-၁၇ ရာသီက ၁၅ ဦး) သာ ရှိခဲ့ပါတယ်။ ရီဗယ်လ်ဒိုဟာ အဲဒီ ရာသီက ဘာစီလိုနာ အတွက် ၁၀ ဂိုး သွင်းယူပြီး ထိပ်တန်း ဂိုးသွင်းရှင် ဖြစ်ခဲ့သလို၊ ရီးရဲလ် ဂန္ထဝင် ရာအူးလ်၊ ပေါ်တိုက မာရီယိုဂျာဒယ် တို့နဲ့ အတူ ဂိုးသွင်း အများဆုံးဆုကို ပူးတွဲရရှိခဲ့ပါတယ်။

ပွဲစဉ်အရေအတွက် များပြားစွာ ကစားခဲ့ရတာကြောင့် ဘာစီလိုနာရဲ့ ပွဲစဉ်တွေမှာ စုစုပေါင်း ဂိုး ၆၈ ဂိုး အထိ ရှိခဲ့ပြီး ဒါဟာ ချန်ပီယံလိဂ် တစ်ရာသီ အတွင်း ကလပ် အသင်း တစ်သင်းရဲ့ ပွဲစဉ်တွေမှာ ဂိုးအများဆုံး ထွက်ပေါ်ခဲ့တဲ့ စံချိန်လည်း ဖြစ်ပါတယ်။

 

ပီအက်စ်ဂျီ (၂၀၂၅-၂၆ ရာသီ) – ၄၄ ဂိုး

၂၀၂၅-၂၆ ရာသီ ဆီမီးဖိုင်နယ်မှာ ဘေယန်မြူးနစ်ကို နှစ်ကျော့ပေါင်း ၆-၅ ဂိုးနဲ့ အနိုင်ရခဲ့တဲ့ ပီအက်စ်ဂျီဟာ မေလ ၃၀ ရက်နေ့ ဘူဒါပက်စ်မှာ အာဆင်နယ်နဲ့ ဗိုလ်လုပွဲ မကစားမီမှာတင် သွင်းဂိုး ၄၄ ဂိုး အထိ ရှိနေခဲ့ပြီ ဖြစ်ပါတယ်။

လီဂူးဝမ်း ကလပ်ဟာ ဘာစီလိုနာ ၁၉၉၉-၀၀ ရာသီက တင်ထားတဲ့ သမိုင်းတစ်လျှောက် တစ်ရာသီ အတွင်း သွင်းဂိုး အများဆုံး စံချိန် (၄၅ ဂိုး) ကို လိုက်မှီဖို့ တစ်ဂိုးသာ လိုပါတော့တယ်။ ပီအက်စ်ဂျီဟာ ပြိုင်ပွဲ ပုံစံသစ်ရဲ့ လိဂ်အဆင့်မှာ ထိပ်ဆုံး ၈ အတွင်း မဝင်ခဲ့တာကြောင့် ရှုံးထွက်အဆင့် ကစားခွင့် ရဖို့ ပလေးအော့ဖ် အဆင့်ကို ထပ်တိုးကစားခဲ့ရပါတယ်။ အဲဒီအဆင့်မှာ ပြည်တွင်း ပြိုင်ဘက် မိုနာကိုကို နှစ်ကျော့ပေါင်း ၅-၄ နဲ့ အနိုင်ရခဲ့တာကြောင့် သူတို့ အတွက် ဂိုးတွေ ပိုမို စုဆောင်းနိုင်ဖို့ ပွဲစဉ် ၂ ပွဲ ပိုမို ရရှိခဲ့တာ ဖြစ်ပါတယ်။

 

ဘေယန်မြူးနစ် (၂၀၂၅-၂၆ ရာသီ) – ၄၃ ဂိုး

ဘေယန်မြူးနစ်ဟာ ၂၀၂၅-၂၆ ရာသီ ချန်ပီယံလိဂ် ဆီမီးဖိုင်နယ်မှာ ပြိုင်ပွဲ ကနေ မထွက်ခွာရမီ အထိ ၁၄ ပွဲ ကစားပြီး ၄၃ ဂိုး သွင်းယူနိုင်ခဲ့ပါတယ်။ ဂျာမန် ဘွန်ဒက်စ်လီဂါ ကလပ်ဟာ ဆီမီးဖိုင်နယ်မှာ ဂိုးသွင်းအား ကောင်းတဲ့ ပြိုင်ဘက် ပီအက်စ်ဂျီနဲ့ တော်တော်လေး ကြည့်ကောင်းတဲ့ ပွဲစဉ် အဖြစ် ကစားခဲ့ရပြီး နှစ်ကျော့ပေါင်း ၆-၅ ဂိုးနဲ့ ရှုံးနိမ့်ကာ ထွက်ခဲ့ရတာ ဖြစ်ပါတယ်။ အင်္ဂလန် အသင်းခေါင်းဆောင် ဟယ်ရီကိန်းဟာ ဆီမီးဖိုင်နယ် အထိ ရောက်ရှိခဲ့တဲ့ ခရီးစဉ်တစ်လျှောက် ဘေယန်ရဲ့ သွင်းဂိုး စုစုပေါင်းရဲ့ ၃၂.၆ ရာခိုင်နှုန်း (၁၄ ဂိုး) အထိ သွင်းယူပေးခဲ့ပေမယ့်လည်း အသင်းကို ဖလားရအောင်တော့ မစွမ်းဆောင်ပေးနိုင်ခဲ့ပါဘူး။

 

ဘာစီလိုနာ (၂၀၂၄-၂၅ ရာသီ) – ၄၃ ဂိုး

ဘာစီလိုနာ အသင်းဟာ ၂၀၂၄-၂၅ ချန်ပီယံလိဂ် ရာသီမှာ ၄၃ ဂိုးအထိ သွင်းယူခဲ့ပြီး ဆီမီးဖိုင်နယ်မှာ အင်တာမီလန်ကို မရှုံးနိမ့်ခဲ့ရင် စံချိန်ဟောင်းကို ချိုးဖျက်နိုင်လောက်တဲ့ အနေအထား ဖြစ်ခဲ့ပါတယ်။ အမှန်အတိုင်း ပြောရရင် ပြိုင်ပွဲပုံစံသစ်အရ လိဂ်အဆင့်မှာ အသင်းတိုင်း ၆ ပွဲအစား ၈ ပွဲ အထိ တိုးမြှင့် ကစားခဲ့ရတာက သူတို့ရဲ့ ဂိုးအရေအတွက် အတွက် အများကြီး အထောက်အကူပြုခဲ့ပါတယ်။

သူတို့ရဲ့ ၄၃ ဂိုးထဲက ၇ ဂိုး ကတော့ အင်တာမီလန်နဲ့ ကစားခဲ့တဲ့ အကြိတ်အနယ် ရှိလှတဲ့ ဆီမီးဖိုင်နယ် ပွဲစဉ်တွေမှာ ရခဲ့တာ ဖြစ်ပါတယ်။ ပထမကျော့ အိမ်ကွင်းမှာ ၃-၃ နဲ့ သရေကျခဲ့ပြီး၊ ဆန်စီရိုကွင်းက ဒုတိယကျော့ မှာတော့ ၄-၃ နဲ့ ရှုံးနိမ့်ခဲ့တာကြောင့် နှစ်ကျော့ပေါင်း ၇-၆ ဂိုးနဲ့ ပြိုင်ပွဲ ကနေ ထွက်ခဲ့ရပါတယ်။

အဲဒီရာသီမှာ ရာဖင်ညာ ဟာ ၁၃ ဂိုးသွင်း၊ ၈ ဂိုး ဖန်တီး ပေးခဲ့လို့ အသင်းရဲ့ သွင်းဂိုး ၄၃ ဂိုးထဲက ၂၁ ဂိုးမှာ တိုက်ရိုက် ပါဝင်ပတ်သက်ခဲ့ပါတယ်။ ဒါဟာ ၂၀၁၃-၁၄ ရာသီ ရီးရဲလ်မက်ဒရစ်မှာ ခရစ္စတီယာနို ရော်နယ်ဒို တင်ထားတဲ့ ချန်ပီယံလိဂ် တစ်ရာသီ အတွင်း ကစားသမားတစ်ဦးရဲ့ ဂိုးပါဝင်ပတ်သက်မှု အများဆုံး စံချိန်ကို လိုက်မှီခဲ့တာ ဖြစ်ပါတယ်။

 

ဘေယန်မြူးနစ် (၂၀၁၉-၂၀ ရာသီ) – ၄၃ ဂိုး

ဘေယန်မြူးနစ်ဟာ ၂၀၁၉-၂၀ ရာသီတုန်းက ၇ နှစ် အတွင်း သူတို့ရဲ့ ပထမဆုံး ချန်ပီယံလိဂ် ဖလားကို ဆွတ်ခူးစဉ်မှာ ၄၃ ဂိုး သွင်းယူခဲ့ပါတယ်။ ကိုဗစ် ကပ်ရောဂါကြောင့် ပြိုင်ပွဲတွေ ရပ်နားခဲ့ရတဲ့ အဲဒီရာသီမှာ ပီအက်စ်ဂျီကို ၁-၀ နဲ့ နိုင်ခဲ့တဲ့ ဗိုလ်လုပွဲဟာ ချန်ပီယံလိဂ် သမိုင်းမှာ ပထမဆုံးအကြိမ် ကွင်းပိတ် ကစားခဲ့ရတဲ့ ပွဲဖြစ်သလို၊ သမိုင်းတစ်လျှောက် ရက်စွဲ အနောက်ကျဆုံး ကစားခဲ့ရတဲ့ ဗိုလ်လုပွဲလည်း ဖြစ်ခဲ့ပါတယ်။

သူတို့ သွင်းဂိုးတွေရဲ့ ၅၆ ရာခိုင်နှုန်း (၂၄ ဂိုး) ကို အုပ်စု အဆင့်မှာတင် သွင်းယူခဲ့တာ ဖြစ်ပါတယ်။ ပုံစံဟောင်း အုပ်စု အဆင့်ပြိုင်ပွဲတွေမှာ ပီအက်စ်ဂျီ (၂၀၁၇-၁၈ တွင် ၂၅ ဂိုး) ကလွဲရင် ဘေယန်ထက် ဂိုးပိုသွင်းနိုင်တဲ့ အသင်း မရှိသေးပါဘူး။ ရောဘတ် လီဝမ်ဒေါစကီးဟာ ၁၀ ပွဲ ကစားရာမှာ ၁၅ ဂိုး အထိ သွင်းယူခဲ့ပြီး အသင်း သွင်းဂိုး စုစုပေါင်းရဲ့ ၃၅ ရာခိုင်နှုန်းကို အရယူပေးခဲ့ပါတယ်။

ကိုဗစ်ကပ် ရောဂါကြောင့် အဲဒီရာသီရဲ့ ကွာတားဖိုင်နယ်နဲ့ ဆီမီးဖိုင်နယ်တွေကို တစ်ကျော့တည်းသာ ကစားစေခဲ့တာကြောင့် ဘေယန်ဟာ ၁၁ ပွဲပဲ ကစားခဲ့ရပါတယ်။ ဒါပေမယ့် သူတို့ရဲ့ တစ်ပွဲ ပျမ်းမျှ သွင်းဂိုး ၃.၉၁ ဂိုး ဆိုတာက ချန်ပီယံလိဂ် ရာသီ တစ်ခုလုံး အပြီးသတ်နိုင်ခဲ့တဲ့ အသင်းတွေထဲမှာ အမြင့်မားဆုံး ပျမ်းမျှနှုန်း ဖြစ်ပါတယ်။ အကယ်၍ သူတို့သာ ပုံမှန်အတိုင်း ၁၃ ပွဲ ကစားခဲ့ရမယ် ဆိုရင် ဒီထက်မက ဂိုးတွေ သွင်းပြီး သမိုင်းတစ်လျှောက် ဂိုးသွင်း အများဆုံး စံချိန်ကို ချိုးဖျက်နိုင်ခဲ့မှာ သေချာပါတယ်။

 

ရီးရဲလ်မက်ဒရစ် (၂၀၁၃-၁၄ ရာသီ) – ၄၁ ဂိုး

ရီးရဲလ်မက်ဒရစ် အသင်းဟာ ၂၀၁၃-၁၄ ရာသီ ဗိုလ်လုပွဲမှာ အက်တလက်တီကို မက်ဒရစ်ကို အချိန်ပိုမှာ ၄-၁ နဲ့ အနိုင်ရပြီး သူတို့ရဲ့ ၁၀ ကြိမ်မြောက် ချန်ပီယံလိဂ် ဖလားကို သိမ်းပိုက်နိုင်ခဲ့ပါတယ်။ သူတို့ဟာ ၁၉၉၃-၉၄ ရာသီက အေစီမီလန် နောက်ပိုင်း ဗိုလ်လုပွဲမှာ ၄ ဂိုးသွင်းနိုင်တဲ့ ပထမဆုံး အသင်း ဖြစ်ခဲ့ရုံတင်မကဘဲ တစ်ရာသီလုံးမှာ ၄၁ ဂိုးအထိ သွင်းယူနိုင်ခဲ့ပါတယ်။

သူတို့ရဲ့ သွင်းဂိုး ထက်ဝက်ကျော် (၂၁ ဂိုး) ကို ရှုံးထွက်အဆင့်တွေမှာ သွင်းခဲ့တာ ဖြစ်ပြီး ဒါဟာ အုပ်စု အဆင့် သွင်းဂိုး (၂၀ ဂိုး) ထက် ၁ ဂိုး ပိုများခဲ့ပါတယ်။ သွင်းဂိုး စုစုပေါင်းရဲ့ ၄၁ ရာခိုင်နှုန်း (၁၇ ဂိုး) ကိုတော့ ခရစ်စတီယာနို ရော်နယ်ဒို တစ်ဦးတည်းက သွင်းယူခဲ့ပြီး ချန်ပီယံလိဂ် တစ်ရာသီ အတွင်း ဂိုးအများဆုံး သွင်းသူ အဖြစ် စံချိန်တင်ခဲ့ပါတယ်။ အသင်းရဲ့ ဒုတိယဂိုး အများဆုံး သွင်းသူ ဂါရတ်သ် ဘေးလ် ကတော့ ၆ ဂိုးသာ သွင်းနိုင်ခဲ့တာကြောင့် ရော်နယ်ဒိုထက် ၁၁ ဂိုး အထိ နည်းပါးခဲ့ပါတယ်။

 

လစ်ဗာပူးလ် (၂၀၁၇-၁၈ ရာသီ) – ၄၁ ဂိုး

လစ်ဗာပူးလ် အသင်းဟာ ၂၀၁၇-၁၈ ရာသီ ချန်ပီယံလိဂ် ဗိုလ်လုပွဲကို တက်ရောက်စဉ်မှာ ၄၁ ဂိုး သွင်းယူနိုင်ခဲ့ပါတယ်။ သူတို့ဟာ အုပ်စုအဆင့် မှာတင် မာရီဘော အသင်းကို အဝေးကွင်းမှာ ၇-၀၊ နှစ်လ မပြည့်မီ အန်ဖီးလ်ကွင်းမှာ စပါးတပ်မော်စကို အသင်းကို ၇-၀ ဆိုပြီး ပွဲစဉ် နှစ်ပွဲတည်းမှာတင် ၁၄ ဂိုး အထိ သွင်းယူခဲ့ပါတယ်။ ဒီပွဲစဉ် နှစ်ခုလုံးဟာ ချန်ပီယံလိဂ် သမိုင်းတစ်လျှောက် ဂိုးပြတ်ဆုံး နိုင်ပွဲတွေ စာရင်းထဲမှာ ပါဝင်နေပါတယ်။အဲဒီရာသီက လစ်ဗာပူးလ်ရဲ့ အသက်ရှူမှားလောက်တဲ့ တိုက်စစ် အတွဲ ဖြစ်တဲ့ မိုဟာမက် ဆာလာ၊ ရိုဘတ်တို ဖေမီနိုနဲ့ ဆာဒီယို မာနေး (Sadio Mané) တို့ သုံးဦးစလုံးဟာ တစ်ဦးကို ၁၀ ဂိုးစီနဲ့ ဂိုးဆယ်ဂဏန်း ပြည့်ခဲ့ကြပါတယ်။ ဒါပေမယ့်လည်း ကိယက်ဗ် မြို့မှာ ကစားခဲ့တဲ့ ဗိုလ်လုပွဲမှာ ရီးရဲလ်မက်ဒရစ်ကို ၃-၁ နဲ့ ရှုံးနိမ့်ခဲ့ရလို့ လစ်ဗာပူးလ်တို့ ဖလားနဲ့ ဝေးခဲ့ရပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်