မန်စီးတီးရဲ့ ရှုံးထွက် ဖလား ၃ လုံး မျှော်လင့်ချက်ကို ငှက်ကြားတို့ ဒုက္ခပေးနိုင်မလား | အက်ဖ်အေဖလား (ပွဲကြိုသုံးသပ်ချက်)

နယူးကာဆယ် – မန်ချက်စတာစီးတီး 

နယူးကာဆယ်ယူနိုက်တက်နဲ့ မန်ချက်စတာစီးတီးတို့ဟာ ဒီရာသီအတွင်း ပြိုင်ပွဲစုံ ၅ ကြိမ်မြောက် တွေ့ဆုံမှု အဖြစ် အက်ဖ်အေဖလား ပဉ္စမအဆင့်မှာ ပြန်လည် ရင်ဆိုင်ရတော့မှာ ဖြစ်ပါတယ်။

 

နယူးကာဆယ်

နယူးကာဆယ်ဟာ ပြီးခဲ့တဲ့ ဗုဒ္ဓဟူးနေ့ညက မိုက်ကယ် ကာရစ်ခ်ရဲ့ မန်ချက်စတာယူနိုက်တက်ကို ၂-၁ နဲ့ အနိုင်ယူပြီး အိမ်ကွင်း ၃ ပွဲဆက် ရှုံးနိမ့်မှုကို အဆုံးသတ်နိုင်ခဲ့ပါတယ်။ နည်းပြ အက်ဒီဟောင်းဝ်ရဲ့ အသင်းဟာ လက်ရှိမှာ လိဂ် အဆင့် ၁၂ နေရာ ရောက်နေပြီး အဆင့် ၆ နဲ့ ၉ မှတ် ကွာဟနေတာကြောင့် လာမယ့် ရာသီ ဥရောပ ဝင်ခွင့် ရဖို့ ရုန်းကန်ရဦးမှာ ဖြစ်သလို၊ ချန်ပီယံလိဂ်နဲ့ အက်ဖ်အေဖလား မှာလည်း ခရီးဆက်နိုင်ဖို့ ကြိုးစားရမှာပါ။ 

နယူးကာဆယ်ဟာ ပြီးခဲ့တဲ့ ခရာဘောင်ဖလား ဆီမီးဖိုင်နယ်မှာ စီးတီးကို နှစ်ကျော့ပေါင်း ၅-၁ နဲ့ ရှုံးပြီး ဖလား လက်လွှတ်ခဲ့ရသလို၊ လွန်ခဲ့တဲ့ နှစ်ပတ်က ပရီးမီးယားလိဂ် မှာလည်း ၂-၁ နဲ့ ရှုံးထားပါတယ်။ အကယ်၍ စီးတီးသာ ဒီပွဲမှာ ထပ်နိုင်ခဲ့ရင် ဝင်ဘယ်လ်ဒန် (၁၉၈၇-၈၈) နဲ့ အာဆင်နယ် (၂၀၀၇-၀၈) တို့ပြီးနောက် နယူးကာဆယ်ကို တစ်ရာသီတည်းမှာ ပြည်တွင်း ဖလား နှစ်ခုလုံး ကနေ ဖယ်ရှားနိုင်တဲ့ တတိယမြောက် အသင်း ဖြစ်လာမှာပါ။ ဒါပေမယ့် နယူးကာဆယ်ဟာ အက်ဖ်အေဖလား ပဉ္စမအဆင့် နောက်ဆုံး ၁၀ ကြိမ်မှာ ၉ ကြိမ်အထိ နောက်တစ်ဆင့် တက်ထားတဲ့ မှတ်တမ်းကောင်း ရှိပြီး အဲဒီအထဲမှာ မန်စီးတီးကို ကျော်ဖြတ်ခဲ့တဲ့ ပွဲတွေလည်း ပါဝင်ပါတယ်။

 

မန်ချက်စတာစီးတီး 

နယူးကာဆယ်နဲ့ မတူတာက မန်ချက်စတာစီးတီးဟာ ဗုဒ္ဓဟူးနေ့ ပရီးမီးယားလိဂ်မှာ နော့တင်ဟမ်ဖောရက်စ်နဲ့ ၂-၂ သရေကျပြီး အမှတ်လျော့ခဲ့တာပါ။ ပပ် ဂွါဒီယိုလာရဲ့ မန်စီးတီးဟာ လက်ရှိမှာ ဇယားထိပ်က အာဆင်နယ်နဲ့ ၇ မှတ် အကွာကို ရောက်သွားခဲ့ပါပြီ။ လက်ကျန် တစ်ပွဲ ကစားဖို့ ရှိနေသေးပေမယ့် အခုအပတ်ဟာ အာတေးတားရဲ့ အာဆင်နယ် အတွက် အခွင့်အရေး ဖြစ်သွားနိုင်ပါတယ်။ မန်စီးတီးဟာ လာမယ့်အပတ် ချန်ပီယံလိဂ်မှာ ရီးရဲလ်မက်ဒရစ်နဲ့ မကစားခင် နယူးကာဆယ်နဲ့ အက်ဖ်အေဖလားမှာ ၁၁ ကြိမ်မြောက် ရင်ဆိုင်ရမှာပါ။ မန်စီးတီးဟာ အက်ဖ်အေဖလား မှတ်တမ်းကောင်းတွေ ပိုင်ဆိုင်ထားပြီး နောက်ဆုံး ၄ ရာသီအတွင်း ပွဲ ၂၀ မှာ ၁၈ ပွဲအထိ အနိုင်ရထားပါတယ်။ (၂၀၂၄ နဲ့ ၂၀၂၅ ဗိုလ်လုပွဲတွေမှာ ယူနိုက်တက်နဲ့ ပဲလေ့စ်ကို ရှုံးနိမ့်ခဲ့တာပဲ ရှိပါတယ်။) အထူးသဖြင့် တတိယ၊ စတုတ္ထနဲ့ ပဉ္စမအဆင့်တွေမှာ မန်စီးတီးဟာ ၂၃ ပွဲဆက်တိုက် အနိုင်ရထားပြီး သွင်းဂိုး ၈၉ ဂိုး၊ ပေးဂိုး ၁၁ ဂိုးဆိုတဲ့ အံ့မခန်း မှတ်တမ်းကို ပိုင်ဆိုင်ထားပါတယ်။

 

နှစ်ဖက်အသင်း သတင်းများ

အခုပွဲကိုတော့ နယူးကာဆယ် ဘက်က ဂျက်ကော့ဘ် ရမ်ဆေး (ပွဲပယ်)၊ တိုနာလီ (မသေချာ)၊ နစ်ခ် ဝေါလ်တီမာဒါ (မသေချာ)၊ ခရက်ဖ်၊ လစ်ဗရာမန်တို၊ ဂီမာရေးစ်၊ လီဝစ် မိုင်လီ တို့ လွဲချော်မှာ ဖြစ်ပါတယ်။ မန်စီးတီး ဘက်မှာတော့ နီကို အိုရွိုင်လီ၊ ဂဗာဒီယိုလ်၊ အယ်လေနီ၊ ကိုဗာချစ်တို့ လွဲချော်မှာပါ။

 

ဖြစ်နိုင်ဖွယ် လူစာရင်း 

နယူးကာဆယ် – ပုပ်၊ ထရစ်ပီယာ၊ သီယော၊ ဘော့တ်မန်း၊ ဘန်း၊ ဝေးလ်လော့ခ်၊ တိုနာလီ၊ ဂျိုးလင်တန်၊ အီလန်ဂါ၊ ဂေါ်ဒွန်၊ ဘန်းစ်

မန်ချက်စတာစီးတီး – ထရက်ဖို့ဒ်၊ နူနက်စ်၊ ကူဆာနော့ဗ်၊ ဂူဟီ၊ အစ်-နျူရီ၊ လီဝစ်၊ ဂွန်ဇာလက်ဇ်၊ ဘာနာဒို၊ ချာကီ၊ ဆီမီညို၊ မာမွတ်ရှ်

 

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ဒီရာသီ စိန့်ဂျိမ်းစ်ပတ်ခ် မှာတော့ အိမ်ရှင် နယူးကာဆယ်ဟာ မန်စီးတီး အပေါ် ရလဒ်ပိုင်း အရ ရောထွေးနေခဲ့ပါတယ်။ ပြီးခဲ့တဲ့ နိုဝင်ဘာလ ပရီးမီးယားလိဂ်မှာ ၂-၁ နဲ့ နိုင်ထားပေမယ့် နှစ်လအကြာ ခရာဘောင်ဖလား ဆီမီးဖိုင်နယ် ပထမအကျော့မှာတော့ ၂-၀ နဲ့ ပြန်လည် ရှုံးနိမ့်ထားခဲ့ပါတယ်။ အက်ဖ်အေဖလား မှာတော့ ပြီးခဲ့တဲ့ ၂၀၂၄ တုန်းက နောက်ဆုံး အကြိမ် တွေ့ဆုံထားပြီး မန်စီးတီးက အိမ်ကွင်း အဝေးကွင်း နှစ်ကျော့စလုံးမှာ ၂-၀ ရလဒ်တွေနဲ့ အနိုင်ရထားပါတယ်။

 

လောင်းကစားဆိုင်ရာ အကြံပြုချက်

SBOTOPရဲ့ 1X2 မှာ နယူးကာဆယ် နိုင်ရင် ၂.၉၆ ဆ၊ မန်ချက်စတာစီးတီး နိုင်ရင် ၂.၀၆ ဆ၊ သရေ ဆိုရင်တော့ ၃.၃၄ ဆ ရရှိမှာ ဖြစ်ပါတယ်။ ဟန်းဒီးကပ် မှာတော့ ဒဲ့ကြေးပေးထားသလို မန်စီးတီး ဘက်ကလည်း ကြေးဖွင့်ပေးထားပါတယ်။ နှစ်သင်းစလုံးဟာ လာမယ့် သီတင်းပတ်ကုန်မှာ ကျင်းပမယ့် ကွာတားဖိုင်နယ် အဆင့်ကို တက်လှမ်းနိုင်ဖို့အတွက် လိုအပ်တဲ့ ခြေစွမ်းကောင်းတွေ ထုတ်ပြနိုင်မယ်လို့ ယုံကြည်မှု အပြည့် ရှိနေကြပါလိမ့်မယ်။ ဒါပေမဲ့လည်း ဒါဟာ နည်းပြ အက်ဒီဟောင်းဝ်နဲ့ ဂွါဒီယိုလာတို့ အနေနဲ့ တခြားသော ပြိုင်ပွဲကြီးတွေကို ထည့်သွင်းစဉ်းစားပြီး အဓိက ကစားသမားတွေကို အနားပေးမလား၊ ဒါမှမဟုတ် အင်အားအပြည့်အစုံနဲ့ ပွဲထွက်လာမလား ဆိုတဲ့အပေါ်မှာ အများကြီး မူတည်နေပါတယ်။ ဘာပဲဖြစ်ဖြစ် အကြိတ်အနယ်ရှိလှတဲ့ အသင်းကြီး နှစ်သင်းရဲ့ ထိပ်တိုက်တွေ့ဆုံမှုဟာ ရင်ခုန်စိတ်လှုပ်ရှားစရာ ကောင်းမယ့် ပွဲစဉ်တစ်ပွဲ ဖြစ်လာမှာပါ။ မန်ချက်စတာစီးတီး အနေနဲ့ ကတော့ ၂၀၂၆ ခုနှစ်အတွင်း နယူးကာဆယ်ကို စတုတ္ထမြောက် အကြိမ်အဖြစ် ထပ်မံအနိုင်ယူဖို့ လုံလောက်တဲ့ အခွင့်အရေး ရှိနေပေမဲ့ ဂိုးပြတ်နိုင်ဖို့ထက် ကပ်နိုင်သွားဖို့ များနေပါတယ်။

ခန့်မှန်းရလဒ်

နယူးကာဆယ် ၁-၂ မန်ချက်စတာစီးတီး

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်