ဘရာဇီးလ် ကတော့ အုပ်စု (C) ရဲ့ နောက်ဆုံး ပွဲစဉ်မှာ စကော့တလန်ကို ဂုဏ်သိက္ခာရှိရှိ အနိုင်ယူပြီး အုပ်စုပထမနေရာနဲ့ ကမ္ဘာ့ဖလား ရှုံးထွက်အဆင့်ကို တက်လှမ်းသွားခဲ့ပါပြီ။
မိုင်ယာမီမှာ ကစားခဲ့တဲ့ ပွဲစဉ်မှာ ဘရာဇီးလ်လ် အသင်းဟာ ပထမပိုင်းမှာတင် ပြတ်သားတဲ့ ခြေစွမ်းနဲ့ အတူ စကော့တလန်ကို ၃ ဂိုး ဂိုးမရှိနဲ့ အပြတ်အသတ် အနိုင်ရရှိခဲ့တာပါ။ ဒီနိုင်ပွဲကြောင့် ဘရာဇီးလ်ဟာ မော်ရိုကိုရဲ့ အထက် အုပ်စုပထမနေရာနဲ့ ကမ္ဘာ့ဖလား ၃၂ သင်း အဆင့်ကို တက်လှမ်းနိုင်ခဲ့ပါတယ်။
ပွဲထွက်ကစားသမား စာရင်းမှာ ထူးခြားချက်အနေနဲ့ ဘရာဇီးလ်ရဲ့ နာမည်ကျော် ကစားသမားကြီး နေမာဟာ ဒဏ်ရာ ကနေ သက်သာလာပြီးနောက် ကမ္ဘာ့ဖလား သမိုင်းတစ်လျှောက် ပထမဆုံးအကြိမ် အဖြစ် အရန်ခုံကနေ လူစားဝင် ပါဝင်ကစားပေးခဲ့ပါတယ်။ ဒီပွဲမှာ ဘရာဇီးလ် အတွက် အဖွင့်ဂိုးကို ပွဲချိန် ၇ မိနစ် မှာတင် ရရှိခဲ့တာပါ။ စကော့တလန် နောက်ခံလူ စကော့တ် မက်ကင်နာရဲ့ ဘောလုံး ကန်တင်မှု နှေးကွေးသွားတာကို ရာယန်က ဖြတ်လုပြီး ဗင်နီးစီးယပ်စ်ဆီ ချပေးခဲ့ရာ မှာတော့ ဗင်နီက ဂိုးသမား အန်းဂတ်စ် ဂန်းကို ကျော်ဖြတ်ပြီး အလွတ် ကန်သွင်းယူခဲ့ပါတယ်။
အဲဒီနောက် ဗင်နီးစီးယပ်စ် ဒုတိယဂိုး ထပ်သွင်းခဲ့ပေမယ့် VAR က ပြိုင်ဘက် နောက်ခံလူ ဂျက် ဟင်ဒရီကို ကျူးလွန်ခဲ့တယ်လို့ သတ်မှတ်ခဲ့တာကြောင့် ဂိုးအဖြစ် အသိအမှတ်မပြုခဲ့ပါဘူး။ ဒါပေမယ့် ပထမပိုင်း နာကျင် အချိန်ပို မှာတော့ ဘရူနို ဂီမာရေ့စ်ရဲ့ ဖြတ်တင်ဘောကနေ တစ်ဆင့် ဗင်နီးစီးယပ်စ် ကပဲ ခေါင်းတိုက်ပြီး ဒုတိယဂိုးကို အပိုင်သွင်းယူပေးခဲ့ပါတယ်။
ဒုတိယပိုင်း မှာလည်း ဘရာဇီးလ် တို့ပဲ ဆက်လက် ဖိအားပေးခဲ့ပြီး ပွဲချိန် မိနစ် ၆၀ မှာတော့ တတိယဂိုး ရရှိသွားခဲ့ပါတယ်။ ကွင်းလယ်လူ ဂီမာရေ့စ်ရဲ့ အသင်းဖော် အတွက် အတ္တမပါဘဲ ဖန်တီး ပေးပို့မှု ကနေ တစ်ဆင့် တိုက်စစ်မှူး မားတီးယပ်စ် ကူညာက ဂိုးသမားကို ကျော်ဖြတ်ပြီး အေးအေးဆေးဆေး ပိတ်သွင်းယူခဲ့တာပါ။
စကော့တလန် အသင်း ကလည်း အရှုံးမပေးဘဲ ချေပဂိုး ရဖို့ ကြိုးစားခဲ့ပြီး ကွင်းလယ်လူ စကော့တ် မက်တော်မီနေးရဲ့ ခေါင်းတိုက်ချက်၊ ကန်ချက်တွေကို ဘရာဇီးလ် ဂိုးသမား အလီဆွန် ဘက်ကာက အကောင်းဆုံး လက်စွမ်းပြ ကာကွယ်သွားခဲ့လို့ စကော့တလန်တို့ ဂိုးမရခဲ့တာ ဖြစ်ပါတယ်။ ပွဲပြီးခါနီးမှာ နေမာရဲ့ ဖန်တီးပေးမှု ကနေ တစ်ဆင့် ဗင်နီးစီးယပ်စ် ဟက်ထရစ်ရဖို့ အခွင့်အရေး ရခဲ့ပေမယ့် စကော့တလန် ဂိုးသမား ကာကွယ်နိုင်ခဲ့လို့ ဗင်နီ တစ်ယောက် ဟက်ထရစ်နဲ့ လွဲချော်ခဲ့ရပါတယ်။
ဒီပွဲမှာ ခြေစွမ်းပြခဲ့တဲ့ ဗင်နီးစီးယပ်စ်ဟာ ဘရာဇီးလ်ရဲ့ ကမ္ဘာ့ဖလား သမိုင်းတစ်လျှောက် အုပ်စု ပွဲစဉ် (၃) ပွဲစလုံးမှာ ဂိုးသွင်းနိုင်တဲ့ ၅ ယောက်မြောက် ကစားသမား အဖြစ် မှတ်တမ်းဝင်သွားခဲ့ပါတယ်။ သူ့မတိုင်ခင် ဒီလိုစံချိန်မျိုးကို ဂျာဇင်ဟို (၁၉၇၀)၊ ရိုမာရီယို (၁၉၉၄)၊ ရော်နယ်ဒို နာဇာရီယိုနဲ့ ရီဗဲလ်ဒို (၂၀၀၂) တို့ကပဲ ရရှိခဲ့ဖူးတာပါ။ ထူးခြားချက် ကတော့ အဲဒီလို စံချိန်ရခဲ့တဲ့ ယခင် ၃ ကြိမ်စလုံးမှာ ဘရာဇီးလ် အသင်း ကမ္ဘာ့ဖလား ချန်ပီယံ ဖြစ်ခဲ့ဖူးပါတယ်။ ဒါ့အပြင် ဗင်နီးစီးယပ်စ်ဟာ ပြီးခဲ့တဲ့ ကမ္ဘာ့ဖလား ပြိုင်ပွဲနဲ့ ယခုပြိုင်ပွဲ ၂ ခုပေါင်းမှာ ဘရာဇီးလ် အသင်း သွင်းယူခဲ့တဲ့ သွင်းဂိုး ၁၅ ဂိုးအနက် ၈ ဂိုး အထိ (၅ ဂိုးသွင်း၊ ၃ ဂိုးဖန်တီး) တိုက်ရိုက် ပါဝင် ပတ်သက်ပေးထားနိုင်ခဲ့ပါတယ်။
နည်းပြ ကာလို အန်ဆယ်လော့တီရဲ့ ဘရာဇီးလ် အသင်းဟာ ဒီပွဲမှာ ကန်သွင်းခွင့် ၂၁ ကြိမ် အထိ ပြုလုပ်ခဲ့ပြီး ဂိုးရနိုင်ချေ မျှော်မှန်းချက် (xG) ၄.၄၆ အထိ ရှိခဲ့တာကြောင့် ၃ ဂိုးပြတ် ရလဒ်နဲ့ ထိုက်တန်မှု ရှိခဲ့ပါတယ်။ တစ်ဖက်က စကော့တလန် အသင်း ကတော့ ဘရာဇီးလ်ကို ကြောက်မနေဘဲ ကန်သွင်းခွင့် ၁၄ ကြိမ် (xG) ၁.၁၃ အထိ ပြန်လည် တုံ့ပြန်နိုင်ခဲ့ပေမယ့် အဆုံးသတ် မသေချာခဲ့တာကြောင့် ဂိုးမရခဲ့ပါဘူး။ ဒီရှုံးနိမ့်မှုကြောင့် စကော့တလန် တို့ဟာ ဂိုးကွာခြားချက် ထိခိုက်သွားခဲ့ရပြီး၊ အုပ်စု တတိယ ရတဲ့ အကောင်းဆုံး အသင်း ၈ သင်းထဲမှာ ပါဝင်နိုင်မလား ဆိုတာ ကိုတော့ ရင်တမမနဲ့ ဆက်လက် စောင့်ကြည့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
