အာဂျင်တီးနား ကတော့ အင်္ဂလန်ကို နောက်ကနေ လိုက်ကစားကာ အနိုင်ယူပြီး ကမ္ဘာ့ဖလား ဗိုလ်လုပွဲဆီ နှစ်ကြိမ် ဆက်တိုက် တက်လှမ်းထားနိုင်ခဲ့ပါပြီ။ ဒီလို အာဂျင်တီးနားရဲ့ အောင်ပွဲမှာ အသင်းခေါင်းဆောင် လီယွန်နယ် မက်ဆီက အဓိက အခန်းကဏ္ဍ ကနေ ပါဝင်ခဲ့ပါတယ်။
ဗုဒ္ဓဟူးနေ့က ကစားခဲ့တဲ့ ကမ္ဘာ့ဖလား ဆီမီးဖိုင်နယ် ပွဲစဉ်မှာ အာဂျင်တီးနားဟာ အင်္ဂလန်ကို ၂ ဂိုး ၁ ဂိုးနဲ့ အနိုင်ရရှိခဲ့ပြီး ဥရောပချန်ပီယံ စပိန်အသင်းနဲ့ ဗိုလ်လုပွဲမှာ ရင်ဆိုင်ရတော့မှာပါ။ ဒီပွဲမှာ မက်ဆီက အန်ဇို ဖာနန်ဒက်ဇ်နဲ့ လော်တာရို မာတီနက်ဇ်တို့ သွင်းယူခဲ့တဲ့ ဂိုးတွေကို ဖန်တီးပေးခဲ့တာ ဖြစ်ပါတယ်။ အာဂျင်တီးနား အသင်းခေါင်းဆောင် မက်ဆီ ကတော့ အခုလို ကမ္ဘာ့ဖလား ဗိုလ်လုပွဲကို နှစ်ကြိမ် ဆက်တိုက် တက်လှမ်းနိုင်ခဲ့တဲ့ သူတို့ အသင်းရဲ့ အောင်မြင်မှုဟာ “ရူးသွန်းစရာကောင်းလောက်အောင် အံ့ဩဖို့ကောင်းတယ်” လို့ မှတ်ချက်ပေးခဲ့ပါတယ်။
အခုပွဲ အပြီး မှာတော့ မက်ဆီဟာ ကလပ်နဲ့ လက်ရွေးစင် အသင်း အတွက် ကစားခဲ့တဲ့ နောက်ဆုံး ၁၃ ပွဲ ဆက်တိုက် ဂိုးသွင်းတာ ဒါမှမဟုတ် ဂိုးဖန်တီးမှု ပြုလုပ်နိုင်ခဲ့တာ ဖြစ်ပါတယ်။ ဒါဟာ ၂၀၁၁ ခုနှစ် မတ်လက စံချိန်တင်ခဲ့တဲ့ ၁၄ ပွဲ ဆက်တိုက် စံချိန်ပြီးရင် သူ့ရဲ့ ကစားသမား သက်တမ်း တစ်လျှောက် ဒုတိယမြောက် အရှည်ကြာဆုံး စံချိန်လည်း ဖြစ်လာပါတယ်။
အာဂျင်တီးနား အသင်း အတွက် ကတော့ ဒါဟာ သမိုင်းတစ်လျှောက် ဒုတိယမြောက်အဖြစ် ကမ္ဘာ့ဖလား ဗိုလ်လုပွဲကို နှစ်ကြိမ်ဆက်တိုက် တက်လှမ်းနိုင်ခြင်း ဖြစ်ပါတယ်။ အာဂျင်တီးနားက ၁၉၈၆ နဲ့ ၁၉၉၀ ခုနှစ်တွေတုန်းက အခုလို နှစ်ကြိမ်ဆက် တက်လှမ်းနိုင်ခဲ့ဖူးပါတယ်။ ဒါ့အပြင် ကမ္ဘာ့ဖလား ဗိုလ်လုပွဲကို ၇ ကြိမ်မြောက် တက်လှမ်းနိုင်ခဲ့တာ ဖြစ်ပြီး ဂျာမနီ (၈ ကြိမ်) ပြီးရင် ဒုတိယမြောက် ဗိုလ်လုပွဲ အများဆုံး တက်လှမ်းနိုင်တဲ့ အသင်းလည်း ဖြစ်လာခဲ့ပါတယ်။
ဒီပွဲမှာ အာဂျင်တီးနားဟာ ပွဲချိန် ၈၅ မိနစ် အထိ ၁-၀ နဲ့ ရှုံးနိမ့်နေခဲ့တာ ဖြစ်ပါတယ်။ ကမ္ဘာ့ဖလား ဆီမီးဖိုင်နယ် သမိုင်းတစ်လျှောက်မှာ ပွဲချိန် ၈၅ မိနစ် အထိ ရှုံးနေပြီးမှ မိနစ် ၉၀ အတွင်း ပြန်လည် အနိုင်ရခဲ့တဲ့ ပထမဆုံး အသင်း အဖြစ်လည်း မှတ်တမ်းဝင်သွားခဲ့ပါတယ်။
ပွဲအပြီးမှာ မက်ဆီက TyC ရုပ်သံလိုင်းကို အခုလိုပဲ ရင်ဖွင့်ခဲ့ပါတယ်။ “ဒီကမ္ဘာ့ဖလားက တကယ့်ကို မယုံနိုင်စရာပါပဲ၊ ဗိုလ်လုပွဲကို နောက်တစ်ကြိမ် ထပ်တက်ရတာ အံ့ဩဖို့ကောင်းပါတယ်။ အာဂျင်တီးနား ပြည်သူတွေကို ကာတာတုန်းက ပြောခဲ့တဲ့အတိုင်းပဲ ထပ်ပြောချင်ပါတယ်၊ ပျော်ပျော်ရွှင်ရွှင်သာ ဖြတ်သန်းကြပါ၊ ဒီအသင်းက ခင်ဗျားတို့ကို ဘယ်တော့မှ စိတ်ပျက်အောင်လုပ်မှာ မဟုတ်ပါဘူး။”
“ကမ္ဘာ့ဖလား ဗိုလ်လုပွဲကို နှစ်ကြိမ် ဆက်တိုက် ကစားရမှာက တကယ့်ကို ရူးသွန်းစရာပါပဲ၊ ဒီကစားသမား စုစုစည်းစည်းက တကယ့်ကို အံ့မခန်းပါပဲ။ ရိုးရိုးသားသား ပြောရရင် ကမ္ဘာ့ဖလား မစခင်ကတည်းက ကျွန်တော် ဒီအသင်းကို ယုံကြည်ခဲ့ပြီး ထိပ်ဆုံး ၄ သင်း စာရင်းထဲ ပါမယ်ဆိုတာ သိနေခဲ့ပါတယ်။”
“ကျွန်တော်တို့ဟာ ပြီးခဲ့တဲ့ ၄ နှစ်တာလုံးလုံး အကောင်းဆုံး အသင်း ဖြစ်ခဲ့တာပါ။ ကျွန်တော်တို့ သက်သေပြခဲ့ပြီးပါပြီ။ ဘယ်သူကမှ ကျွန်တော် တို့ကို လွယ်လွယ်နဲ့ ပေးခဲ့တာ မဟုတ်ဘူး၊ ကျွန်တော်တို့ ရရှိခဲ့တဲ့ အောင်မြင်မှု အားလုံးက ကွင်းထဲမှာ ကိုယ်တိုင် ကြိုးစားယူခဲ့တာပါ။ ဘယ်သူတွေပဲ နာကျင်နာကျင်၊ ဘာတွေပဲပြောပြော၊ ဒီအသင်းကို ဘယ်သူကမှ အလကား ပေးခဲ့တာ မဟုတ်ပါဘူး။” လို့ ပြောကြားသွားခဲ့ပါတယ်။
လာမယ့် ၂၀၂၆ ကမ္ဘာ့ဖလား ဗိုလ်လုပွဲ မှာတော့ လက်ရှိ ယူရိုချန်ပီယံ စပိန် အသင်းနဲ့ လက်ရှိ ကိုပါအမေရိက ချန်ပီယံ အာဂျင်တီးနား အသင်းတို့ ထိပ်တိုက်တွေ့ဆုံကြမှာ ဖြစ်ပါတယ်။ ဒါဟာ ကမ္ဘာ့ဖလား သမိုင်းတစ်လျှောက် ဥရောပချန်ပီယံနဲ့ ကိုပါအမေရိက ချန်ပီယံတို့ ပထမဆုံးအကြိမ် ဆုံတွေ့ကြမယ့် ဗိုလ်လုပွဲကြီး ဖြစ်လာတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
