ကမ္ဘာ့ဖလား အတွက် အသင်းကို အပြီးသတ် ပြင်ဆင်နေတဲ့ နည်းပြ ကာလို အန်ဆယ်လော့တီရဲ့ ဘရာဇီးလ် ကတော့ ပထမဆုံး ခြေစမ်းပွဲ အဖြစ် အော်လန်ဒိုမှာ ပြင်သစ်နဲ့ ရင်ဆိုင် ကစားဖို့ ရှိနေပါတယ်။
အန်ဆယ်လော့တီဟာ ပြင်သစ်နဲ့ ကစားမယ့် ကမ္ဘာ့ဖလား အကြို ခြေစမ်းပွဲမှာ ဘရာဇီးလ်ရဲ့ ကိုယ်ပိုင်ဟန်နဲ့ သူ့ရဲ့ နည်းပြ အတွေးအခေါ်တွေ အကြား မှန်ကန်တဲ့ ဟန်ချက် တစ်ခုကို ရှာဖွေဖို့ ဆုံးဖြတ်ထားတာ ဖြစ်ပါတယ်။ ဘရာဇီးလ်ဟာ တောင်အမေရိကဇုန် ခြေစစ်ပွဲမှာ အဆင့် ၅ နေရာနဲ့ ကမ္ဘာ့ဖလား ဝင်ခွင့် ရရှိခဲ့တာပါ။ ဘရာဇီးလ်က အန်ဆယ်လော့တီ လက်ထက်မှာ ကစားခဲ့တဲ့ နောက်ဆုံး ၄ ပွဲမှာ ၂ ပွဲသာ အနိုင်ရခဲ့ပြီး (၁ ပွဲ သရေ၊ ၁ ပွဲ ရှုံး)၊ ထိပ်ဆုံးက အာဂျင်တီးနားနဲ့ ၁၀ မှတ် အကွာနဲ့ ခြေစစ်ပွဲ အောင်မြင်ခဲ့တာ ဖြစ်ပါတယ်။
ဘရာဇီးလ်က ဇွန်လ ၁၃ ရက်နေ့ မော်ရိုကိုနဲ့ ကစားရမယ့် ကမ္ဘာ့ဖလား အုပ်စု အဖွင့် ပွဲစဉ်မတိုင်ခင် မတ်လနဲ့ ဇွန်လ အတွင်း ခြေစမ်းပွဲ ၄ ပွဲ ကစားဖို့ စီစဉ်ထားပြီး ပြင်သစ် ပြီးရင် ခရိုအေးရှား၊ အီဂျစ် တို့နဲ့ ဆက်လက် ကစားမှာပါ။
အန်ဆယ်လော့တီဟာ သူ့ရဲ့ အသင်းကို တိုက်စစ်ဖွင့် ကစားစေလိုပြီး ရှေ့တန်း ကစားသမား ၄ ဦး အထိ ထည့်သွင်း ကစားဖို့ ပြင်ဆင်နေတာ ဖြစ်ပါတယ်။ ဒါပေမယ့်လည်း တိုက်စစ် တစ်ခုတည်း ကိုသာ အားကိုးလို့ မရတာ ကိုလည်း သူက ကောင်းကောင်း နားလည်ထားပါတယ်။
“ပြီးခဲ့တဲ့ လအနည်းငယ် အတွင်းမှာ ကစားသမားတွေရဲ့ အရည်အသွေး အပေါ် မူတည်ပြီး အသင်း အတွက် အကောင်းဆုံး ကစားဟန်ကို ကျွန်တော် စဉ်းစားခဲ့ပါတယ်။ ကျွန်တော်တို့ ရှေ့တန်းမှာ ၄ ယောက် ထားပြီး ကစားတာက အကောင်းဆုံး ဖြစ်မယ်လို့ ယူဆပါတယ်။ မနက်ဖြန် ပွဲဟာ အရေးကြီးတဲ့ စမ်းသပ်မှု တစ်ခု ဖြစ်လာပါလိမ့်မယ်။ ပွဲကို ထိန်းချုပ်ပြီး ကစားချင်သလို၊ ခံစစ် ကိုလည်း အကောင်းဆုံး ကစားနိုင်ဖို့ လိုပါတယ်။ အဓိက ကတော့ ဟန်ချက်ညီညီနဲ့ ရှေ့တန်း ၄ ယောက်ရဲ့ အရည်အသွေးကို ပြသနိုင်ဖို့ပါပဲ။” လို့ အန်ဆယ်လော့တီက ဆိုပါတယ်။
အန်ဆယ်လော့တီက သူ့ရဲ့ အသင်း အတွက် အကြီးမားဆုံး ခြိမ်းခြောက်မှုဟာ ပြင်သစ် တိုက်စစ်မှူး ကီလီယန် အမ်ဘာပေး ဖြစ်လာနိုင်ကြောင်း သတိပေးထားပါတယ်။ အမ်ဘာပေးဟာ မတ်လ အစောပိုင်းမှာ ဒူးဒဏ်ရာကြောင့် ၅ ပွဲ ဆက်တိုက် လွဲချော်ခဲ့ပေမယ့်လည်း ပြီးခဲ့တဲ့ တနင်္ဂနွေနေ့က အက်တလက်တီကိုမက်ဒရစ်နဲ့ ပွဲမှာ လူစားဝင် ကစားသမား အဖြစ် ပြန်လည် ပါဝင်လာနိုင်တာ တွေ့ရပါတယ်။
အမ်ဘာပေးဟာ ပြီးခဲ့တဲ့နှစ် ဖီဖာ ကလပ် ကမ္ဘာ့ဖလား ပြိုင်ပွဲပြီးကတည်းက ၃၅ ပွဲ ကစားရာမှာ ၃၈ ဂိုးသွင်း၊ ၅ ဂိုး ဖန်တီးထားနိုင်တဲ့ အထိ အားရစရာ ခြေစွမ်းမျိုး ပိုင်ဆိုင်ထားပါတယ်။ အန်ဆယ်လော့တီဟာ အမ်ဘာပေး ရီးရဲလ်မက်ဒရစ်ကို ပြောင်းရွှေ့စဉ်က အသင်းရဲ့ နည်းပြ အဖြစ် ရှိနေခဲ့သူ ဖြစ်တာကြောင့် အမ်ဘာပေးရဲ့ အန္တရာယ်ကို ကောင်းကောင်း သိရှိထားသူလည်း ဖြစ်ပါတယ်။
“ကီလီယန် အမ်ဘာပေးက ပြီးခဲ့တဲ့ နှစ်မှာ ဂိုးတွေ အများကြီး သွင်းခဲ့သူပါ။ အခုတော့ သူက ပြိုင်ဘက် ဖြစ်နေပါပြီ။ သူ့ကို ကျွန်တော်တို့ ခံစစ်ကောင်းကောင်းနဲ့ ဟန့်တားရပါမယ်။ သူက အရမ်း မြန်သလို အဆုံးသတ်လည်း သေချာတဲ့ ကစားသမားပါ။ ကျွန်တော်တို့ အတွက် ဟန်ချက်ညီညီ ကစားနိုင်ဖို့က အရမ်း အရေးကြီးသလို၊ ကျွန်တော်တို့ အသင်းရဲ့ မြင့်မားတဲ့ အရည်အသွေး ကိုလည်း အာရုံစိုက်ပြီး ပြသရပါမယ်။” လို့ အန်ဆယ်လော့တီက ထပ်လောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
