နယ်သာလန် ၁-၀ ဘယ်ဂျီယံ
နေးရှင်းလိဂ် (A) အုပ်စု (၄) ရဲ့ နောက်ဆုံး ပွဲစဉ် မှာတော့ ဘယ်ဂျီယံတို့ နယ်သာလန်ကို အကောင်းဆုံး ရင်ဆိုင်ကစားသွားခဲ့ပေမယ့် ဗန်ဒိုက်ခ်ရဲ့ တစ်လုံးတည်းသော သွင်းဂိုးကြောင့် ဆီမီးဖိုင်နယ် တက်လှမ်းခွင့် မျှော်လင့်ချက်တွေ ပျက်ပြယ်သွားခဲ့ရပါတယ်။
ပွဲစဉ်အကျဉ်း
အိမ်ရှင် နယ်သာလန်တို့ ဂိုးမှာ ပတ်စ်ဗီယာ၊ ခံစစ်မှာ ဗန်ဒိုက်၊ အေခီနဲ့ တင်ဘာ ကွင်းလယ် မှာ ဒီရွန်း၊ ဘာ့ဟာ့စ်၊ ကလာ့စ်ဆန်၊ ဘလင်းဒ်နဲ့ ဒမ်းဖရီးစ်နဲ့ တိုက်စစ် မှာတော့ ယန်ဆန် ဘာ့ဂ်ဗိုင်း တို့နဲ့ ပွဲထွက်လာခဲ့ကြပါတယ်။ ဧည့်သည် ဘယ်ဂျီယံ ကတော့ ဂိုးသမား အဖြစ် တီဘို ကော့တွာစ်၊ ခံစစ်မှာ ဗာတွန်ဂန်၊ အန်ဒါဝီရယ်၊ ဒီဘတ်စ်၊ ကွင်းလယ်မှာ ဝစ်ဆယ်လ်၊ အိုနာနာ၊ ကက်စတန်ညီနဲ့ မူနီယာ တို့ကို အသုံးပြုခဲ့ပြီး တိုက်စစ်မှာတော့ ဒီဘရိုင်းနား၊ ဟာဇတ်နဲ့ ဘက်ရှုဝါရီတို့ကို ပွဲထုတ်ခဲ့ပါတယ်။
ခြေစွမ်းနဲ့ စုဖွဲ့မှုအရ အနည်းငယ် ပိုသာခဲ့တဲ့ ဘယ်ဂျီယံတို့ ပွဲစကတည်းက နယ်သာလန်ကို ဖိအားပေး ကစားနိုင်ခဲ့ပါတယ်။ ပွဲချိန် ၄ မိနစ်မှာ ဟာဇက် အပိုင်အခွင့်အရေး တစ်ကြိမ် ဖြုန်းတီးခဲ့ပြီး အဲ့နောက်ပိုင်း ဘတ်ရှူဝါရီ ကလည်း ရတဲ့ အခွင့်အရေးကို အသုံးမချနိုင်ခဲ့ပါဘူး။ နယ်သာလန် တို့ ကစားပုံ နိမ့်နေတာကို ပြုပြင်ဖို့ ပွဲချိန် ၃၁ မိနစ်မှာ ဂတ်ခ်ပိုကို ထည့်သွင်း ကစားစေခဲ့ပါတယ်။
![ပွဲအပြီးမှာ မဖြစ်မနေ နိုင်ပွဲ လိုအပ်နေတဲ့ ဘယ်ဂျီယံ တို့ အားမတန် မာန်လျှော့ခဲ့ရပြီး နေးရှင်းလိဂ် ဆီမီးဖိုင်နယ်နဲ့ လွဲချော်ခဲ့ပြီး ရမှတ် ၁၀ မှတ်နဲ့ အုပ်စု ဒုတိယနဲ့ပဲ ကျေနပ်ခဲ့ရပါတယ်။](https://narasibola.com/wp-content/uploads/2022/09/Netherlands-vs-Belgium.jpg)
ဒါပေမယ့် နယ်သာလန်ရဲ့ ကစားပုံက တိုးတက်လာခြင်း မရှိသလို စိတ်ဝင်စားစရာလည်း မကောင်းခဲ့ပါဘူး။ ဒါပေမယ့်လည်း ဘယ်ဂျီယံတို့ ဘယ်လောက်ပဲ ကစားပုံ ကောင်းကောင်း ဂိုးရသွားခဲ့တာက အိမ်ရှင် နယ်သာလန် တို့ပဲ ဖြစ်ပါတယ်။ ပွဲချိန် ၇၃ မိနစ်မှာ ထောင့်ကန်ဘော ကနေ ဂက်ခ်ပို ကန်တင်ပေးတာကို ဗန်ဒိုက်က တစ်ယောက်တည်း အပိုင် ခေါင်းတိုက် အဆုံးသတ်ပေးခဲ့တာ ဖြစ်ပါတယ်။
လက်ကျန်ပွဲချိန်တွေမှာ ဘယ်ဂျီယံ ဘက်က အိုနာနာနဲ့ ကက်စတန်ညီတို့ အစား တေးလီးမန်းစ်နဲ့ လူကေ ဘာကီယို တို့ကို ထည့်သွင်းပြီး ချေပဂိုးရဖို့ ကြိုးစားခဲ့ပေမယ့် နယ်သာလန်က တန်ပြန် တိုက်စစ်နဲ့ တုန့်ပြန်သွားခဲ့လို့ ဘယ်ဂျီယံတို့ ခက်ခဲခဲ့ပါတယ်။ နယ်သာလန် ဘက်က လူငယ် ကစားသမားလေး ဂက်ခ်ပိုရဲ့ ဖန်တီးမှုတွေ ကောင်းမွန်ခဲ့ပေမယ့် တွဲဖက် ကလာ့စ်ဆန် တို့တွေ အဆုံးသတ် ညံ့ဖျင်းခဲ့လို့သာ ဂိုးထပ်မရခဲ့တာ ဖြစ်ပါတယ်။ ဒါ့အပြင် မာတီနက်ဇ်ရဲ့ အသင်း ကွင်းလယ်နဲ့ တိုက်စစ်က နယ်သာလန် ခံစစ်တန်းကို မကျော်နိုင်ခဲ့လို့ ၁-၀ ရလဒ်နဲ့ ပြီးဆုံးခဲ့ပြီး လိမ္မော်ရောင်တွေ အောင်ပွဲခံနိုင်ခဲ့ပါတယ်။
ပွဲပြီးသုံးသပ်ချက်
![](http://blog.sbotop.com//wp-content/uploads/BlogGenerator_v2/default/standard%20logo.png)
![](https://narasibola.com//wp-content/uploads/BlogGenerator_v2/general/Arsenal.png)
![](https://narasibola.com//wp-content/uploads/BlogGenerator_v2/default/200x200-b.png)
![](https://narasibola.com//wp-content/uploads/BlogGenerator_v2/general/Tottenham-Hotspur.png)
ပွဲအပြီးမှာ မဖြစ်မနေ နိုင်ပွဲ လိုအပ်နေတဲ့ ဘယ်ဂျီယံ တို့ အားမတန် မာန်လျှော့ခဲ့ရပြီး နေးရှင်းလိဂ် ဆီမီးဖိုင်နယ်နဲ့ လွဲချော်ခဲ့ပြီး ရမှတ် ၁၀ မှတ်နဲ့ အုပ်စု ဒုတိယနဲ့ပဲ ကျေနပ်ခဲ့ရပါတယ်။ နယ်သာလန် ကတော့ အုပ်စုတွင်း ၆ ပွဲမှာ ရှုံးပွဲ မရှိခဲ့ဘဲ ၅ ပွဲနိုင်၊ ၁ ပွဲ သရေ၊ ရမှတ် ၁၆ မှတ်နဲ့ နေးရှင်းလိဂ် ဆီမီးဖိုင်နယ်ကို တက်လှမ်းသွားနိုင်ခဲ့ပါတယ်။ နယ်သာလန်တို့ ခြေစွမ်းပိုင်း သိပ်ပြီး အားရစရာ မရှိခဲ့ပေမယ့် နိုင်ပွဲ ရအောင် ယူနိုင်ခဲ့တာ ကတော့ မဆိုးဘူးလို့ ပြောရပါမယ်။ အဓိက နည်းပြ ဗန်ဟားလ်ရဲ့ ဆုံးဖြတ်ချက်တွေ မှန်ကန်ခဲ့ပြီး လူငယ် ကစားသမားတွေ ကလည်း အခွင့်အရေး ရရင် ရသလို ခြေစွမ်းပြနိုင်နေတာ ကတော့ အားရစရာ ဖြစ်ပါတယ်။ ဒီလို အနေအထားတွေကြောင့် နယ်သာလန်တို့ လာမယ့် ကာတာ ကမ္ဘာ့ဖလားရဲ့ မဖြစ်မနေ စောင့်ကြည့်ရမယ့် အသင်း အဖြစ် ရေပန်းစားမှုလည်း မြင့်တက်လာခဲ့ပြီ ဖြစ်ပါတယ်။
လာမယ့် ပွဲစဉ်များ
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.