ဩစတြီးယား ၁-၃ ခရိုအေးရှား
နေးရှင်းလိဂ် (A) အုပ်စု (၁) ရဲ့ နောက်ထပ် ပွဲစဉ် တစ်ပွဲ အဖြစ် ဩစတြီးယားနဲ့ ခရိုအေးရှားတို့ ယှဉ်ပြိုင် ကစားခဲ့ရာ မှာတော့ ခရိုအေးရှားက အဝေးကွင်းမှာ ၁-၃ ရလဒ်နဲ့ အနိုင်ရသွားခဲ့ပါတယ်။
ပွဲစဉ်အကျဉ်း
အိမ်ရှင် ဩစတြီးယား တို့ ဒီနေ့ပွဲမှာ ဂိုးသမား လင့်ဒ်နာ၊ ခံစစ်မှာ ဒန်ဆို၊ အလာဘာနဲ့ ပေါ့ရှ် တို့ကို ကွင်းလယ်မှာ ရှလက်ဂါ၊ ဆာဘစ်ဇာ၊ ဆိဒ်ဝဲလ်၊ ထရင်းမဲလ်နဲ့ ဘမ်ဂတ်နာ၊ တိုက်စစ် မှာတော့ အာနူတိုဗစ်နဲ့ ဂရီဂေါ်ရစ် တို့နဲ့ ပွဲထွက်လာခဲ့ပါတယ်။ ခရိုအေးရှား ကတော့ ဂိုးသမား လစ်ဗာကိုဗစ်ချ်၊ ခံစစ်မှာ လိုဗရန်၊ ဂက်ဗာဒီယိုလ်၊ စတန်နီဆစ်နဲ့ ဘာရီဆစ် တို့ကို အသုံးပြုခဲ့ပြီး ကွင်းလယ် မှာတော့ မိုဒရစ်၊ ဘရိုဇိုဗစ်နဲ့ ကိုဗာချစ်တို့ကို ပွဲထုတ်လာခဲ့သလို တိုက်စစ် မှာတော့ ဘူဒီမီယာ၊ ဗလာဆစ်နဲ့ ပါရီဆစ် တို့ကို ကစားစေခဲ့ပါတယ်။
ပွဲချိန် ၆ မိနစ်မှာ ကတည်းက ခရိုအေးရှားတို့ အဖွင့်ဂိုး ရရှိခဲ့ပြီး ဒီဂိုးကိုတော့ ညာခြမ်း တစ်လျှောက် ထိုးဖောက်လာတဲ့ ဗလာဆစ်က ဧရိယာထဲကို မျှောပေးရာကနေ မိုဒရစ်ချ်က တစ်ချက် ထိန်းပြီး အနိမ့်ဘော ကန်သွင်းသွားခဲ့တာ ဖြစ်ပါတယ်။ ဧည့်သည် အသင်း ဦးဆောင်ဂိုး ရခဲ့ပေမယ့် ပွဲချိန် ၉ မိနစ် မှာတော့ အိမ်ရှင်တို့ ပြန်လည် ချေပနိုင်ခဲ့ကြပါတယ်။
![ရှုံးနိမ့်ခဲ့တဲ့ ဩစတြီးယား ကတော့ ရမှတ် ၄ မှတ်နဲ့ အဆင့် ၄ နေမှာသာ ရပ်တည်နိုင်ခဲ့လို့ နေးရှင်းလိဂ် (B) ကို တန်းဆင်းသွားခဲ့ပါတယ်။](https://narasibola.com/wp-content/uploads/2022/09/Austria-vs-Croatia-2.jpg)
ခရိုအေးရှား နောက်တန်းရဲ့ ရှင်းထုတ်ပုံ မသေသပ်မှုကြောင့် ပြန်ထွက်လာတဲ့ ဘောလုံးကို ဆာဘစ်ဇာက ထပ်ပြီး ဖြတ်တင်ပေးရာမှာ ဘမ်ဂတ်နာက ခေါင်းတိုက် အဆုံးသတ်ပေးခဲ့တာ ဖြစ်ပါတယ်။ အဲ့နောက် ခရိုအေးရှား တို့ပဲ ပွဲကို ဆက်ပြီး လွှမ်းမိုးထားနိုင်ခဲ့သလို ဩစတြီးယား ကလည်း တန်ပြန် တိုက်စစ် ကိုပဲ အားပြုသွားခဲ့ပါတယ်။
ဒါပေမယ့်လည်း ၁-၁ ရလဒ်နဲ့ ပထမပိုင်း ပြီးဆုံးခဲ့ပြီး ဒုတိယပိုင်းမှာလည်း အလားတူ အခြေအနေမျိုးပဲ ဆက်လက် မြင်တွေ့ခဲ့ရပါတယ်။ ခရိုအေးရှားက ဘောလုံးပိုင်ဆိုင်မှု အသာနဲ့ ကစားပြီး ဩစတြီယားက တန်ပြန် တိုက်စစ် ကိုပဲ အားကိုးခဲ့တာ ဖြစ်ပါတယ်။ လူစား အပြောင်းအလဲ တချို့လုပ်လိုက်ချိန်မှာတော့ ခရိုအေးရှားတို့ ကစားပုံ ပိုကောင်းလာခဲ့ပြီး ၆၉ မိနစ်မှာ ဦးဆောင်ဂိုး သွင်းယူနိုင်ခဲ့ပါတယ်။ ဒီဂိုး ကိုတော့ ပါရီဆစ်ရဲ့ ဖြတ်တင်ဘော ကနေ လူစားဝင် တိုက်စစ်မှူး လစ်ဗာယာ က ခေါင်းတိုက် သွင်းခဲ့တာ ဖြစ်ပါတယ်။ ပွဲချိန် ၇၂ မိနစ်မှာလည်း ခရိုအေးရှားတို့ အနိုင်သေချာစေမယ့် တတိယဂိုး သွင်းနိုင်ခဲ့ပြီး မေဘာရဲ့ ဖြတ်တင်ဘော ကနေ တစ်ဆင့် လိုဗရန်က အပိုင် ခေါင်းတိုက်
အဆုံးသတ်သွားခဲ့တာ ဖြစ်ပါတယ်။ ၁-၃ ရလဒ်နဲ့ပဲ ပွဲပြီးဆုံးခဲ့ပြီး အနိုင်ရခဲ့တဲ့ ခရိုအေးရှားတို့ နေးရှင်းလိဂ် (A) အုပ်စု (၁) ကနေ ဆီမီးဖိုင်နယ် အဆင့်ကို တက်လှမ်းသွားခဲ့ပါတယ်။
ရှုံးနိမ့်ခဲ့တဲ့ ဩစတြီးယား ကတော့ ရမှတ် ၄ မှတ်နဲ့ အဆင့် ၄ နေမှာသာ ရပ်တည်နိုင်ခဲ့လို့ နေးရှင်းလိဂ် (B) ကို တန်းဆင်းသွားခဲ့ပါတယ်။
ပွဲပြီးအချက်အလက်နဲ့ သုံးသပ်ချက်
![](http://blog.sbotop.com//wp-content/uploads/BlogGenerator_v2/default/standard%20logo.png)
![](https://narasibola.com//wp-content/uploads/BlogGenerator_v2/general/Leeds-United.png)
![](https://narasibola.com//wp-content/uploads/BlogGenerator_v2/default/200x200-b.png)
![](https://narasibola.com//wp-content/uploads/BlogGenerator_v2/general/Aston-Villa.png)
ခရိုအေးရှားရဲ့ အဓိက အသက်သွေးကြော ကတော့ မိုဒရစ် ဦးဆောင်တဲ့ ကွင်းလယ် ဖြစ်ပြီး ပါရီဆစ်နဲ့ ဗလာဆစ် တို့ရဲ့ တောင်ပံ နှစ်ဖက် ကလည်း ထိရောက်တဲ့ ဖြတ်တင်ဘောတွေနဲ့ ပြိုင်ဘက်ကို ခြိမ်းခြောက်နိုင်ခဲ့ပါတယ်။ ထူးခြားတာက ဒီနေ့ပွဲမှာ နှစ်ဖက် အသင်း သွင်းယူခဲ့တဲ့ သွင်းဂိုး ၄ ဂိုးမှာ ၃ ဂိုးက ခေါင်းတိုက် သွင်းယူခဲ့တာ ဖြစ်ပြီး ဒါကို ကြည့်ခြင်း အားဖြင့် ခရိုအေးရှားဟာ အမြင့်ဘောတွေကို အကောင်းဆုံး အဆုံးသတ်နိုင်တဲ့ အသင်းလို့တောင် ပြောလို့ ရပါတယ်။ ဇလတ်ကိုဒါးလစ် အသင်းရဲ့ ခြေစွမ်းကိုတော့ လာမယ့် ကမ္ဘာ့ဖလားမှာ ကျိန်းသေပေါက် စောင့်ကြည့်ရဦးမှာ ဖြစ်ပါတယ်။
လာမယ့်ပွဲစဉ်များ
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.