ဇူလိုင်လ ၃၁ ရက်နေ့ ညနေခင်း အချိန်အထိ ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ဖေမီနိုကို လက်လွှတ်ရရင် အင်တာ တိုက်စစ်မှူးကို ပြန်ခေါ်မယ့် လစ်ဗာပူးလ်
လီဗာပူးဟာ တိုက်စစ်မှူး ရော်ဘတ်တို ဖေမီနိုကို လက်လွှတ်ရမယ်ဆိုရင် စီးရီးအေ ကလပ် အင်တာမီလန်ရဲ့ တိုက်စစ်မှူး လော်တာရို မာတီနက်ဇ်နဲ့ အစားထိုးဖို့ စီစဥ်ထားကြောင်း သိရပါတယ်။
ကလော့ပ်က တော့ ဖေမီနိုကို လက်မလွှတ်လိုပေမယ့် မဖြစ်မနေ လက်လွှတ်ရတော့မယ် ဆိုရင်လည်း စီးရီးအေရဲ့ ထိပ်တန်း တိုက်စစ်မှူး တစ်ဦး ဖြစ်တဲ့ လော်တာရို မာတီနက်ဇ်ကို ပြန်လည် ခေါ်ယူသွားဖို့ ဆန္ဒ ရှိနေတယ်လို့ သိရပါတယ်။ စီးရီးအေ ကလပ် အင်တာမီလန်ဟာ ဘဏ္ဍာရေး ပြဿနာကြောင့် ကစားသမား တချို့ကို ရောင်းထုတ်ဖို့ စီစဥ်ထားတဲ့ အသင်းလည်း ဖြစ်ပါတယ်။
ယူနိုက်တက်ရဲ့ ပစ်မှတ် စာရင်းထဲ ပါလာတဲ့ နာပိုလီ ကွင်းလယ်လူ
ယူနိုက်တက်ဟာ ဖရန်ကီ ဒီဂျောင်ကို မရတဲ့ အဆုံးမှာတော့ စီးရီးအေ ကလပ် နာပိုလီရဲ့ ကွင်းလယ်လူ ဖေဘီယန် ရူအစ်ဇ်ကို ခေါ်ယူဖို့ ကြိုးစားနေတယ်လို့ အီတလီ အခြေစိုက် သတင်းဌာနတွေက ဖော်ပြထားပါတယ်။
ဖေဘီယန် ရူအစ်ဇ်ဟာ အသင်းနဲ့ စာချုပ်သက်တမ်း နောက်ဆုံးနှစ် အတွင်းကို ရောက်ရှိလာခဲ့ပြီး နာပိုလီနဲ့ စာချုပ်သစ် မချုပ်ဖြစ်ခဲ့ရင် လာမယ့် နွေရာသီမှာ အလွတ်ပြောင်းရွှေ့ကြေးနဲ့ ရရှိမယ့် ကစားသမားလည်း ဖြစ်ပါတယ်။ ဒီကစားသမား အတွက် ကိုတော့ နာပိုလီက ပြောင်းရွှေ့ကြေး ပေါင် ၃၈ သန်း တောင်းဆိုသွားဖွယ် ရှိပါတယ်။ ယူနိုက်တက်ဟာ ဘာစီလိုနာ ကွင်းလယ်လူ ဖရန်ကီ ဒီယောင်ကို စောင့်ဆိုင်းနေပေမယ့် လက်ရှိအချိန်ထိ တိကျသေချာတဲ့ အဖြေကို မရရှိသေးပါဘူး။
ယူနိုက်တက်ဟာ ဖေဘီယန် ရူအစ်ဇ် အပြင် လာဇီယို ကွင်းလယ်လူ မီလန်ကိုဗစ် ဆာဗစ် ကိုလည်း ပစ်မှတ်ထား စောင့်ကြည့်နေပြီး ဒီကစားသမား အတွက်လည်း ပြောင်းရွှေ့ကြေး ပေါင်သန်း ၄၀ ဝန်းကျင် အသုံးပြုရဖွယ် ရှိပါတယ်။
စပါးကို နိုင်တဲ့ ရိုးမားနဲ့ နိုင်ပွဲ ပျောက်ခဲ့ကြတဲ့ အင်တာနဲ့ ဂျူဗင်တပ်စ်
မနေ့ညက ကစားခဲ့တဲ့ တော့တင်ဟမ်ဟော့စပါးနဲ့ ရိုးမား တို့ရဲ့ ခြေစမ်းပွဲ မှာတော့ မော်ရင်ဟိုရဲ့ အသင်းက ၀-၁ ရလဒ်နဲ့ အနိုင်ရရှိခဲ့ပါတယ်။ ရိုးမား အတွက် တစ်လုံးတည်းသော အနိုင်ဂိုးကို အသင်း အတွက် ပထမဆုံး ပွဲထွက်လာတဲ့ ပေါ်လို ဒီဘားလားရဲ့ ထောင့်ကန်ဘောကနေ တဆင့် နောက်ခံလူ အီဘာနက်ဇ်က ခေါင်းတိုက် သွင်းယူခဲ့ပါတယ်။
နောက်ထပ် စီးရီးအေ ကလပ် အသင်း တစ်သင်း ဖြစ်တဲ့ အင်တာမီလန်ကတော့ လီယွန်ကို နှစ်ဂိုးစီ သရေကျသွားခဲ့ပါတယ်။ အင်တာမီလန် အတွကိ ဂိုးတွေကို ရိုမယ်လူ လူကာကူ၊ ဘာရယ်လာ တို့က သွင်းယူပေးခဲ့ပြီး လီယွန် အတွက် လာကာဇက်နဲ့ ချာကီ တို့က သွင်းယူပေးခဲ့ပါတယ်။
ဒီကနေ့ မနက်မှာ ကစားခဲ့တဲ့ ရီးရဲယ်မက်ဒရစ်နဲ့ ဂျူဗင်တပ်စ် တို့ရဲ့ ခြေစမ်းပွဲ မှာတော့ ရီးရဲလ်မက်ဒရစ်က ၂ ဂိုးပြတ်နဲ့ အနိုင်ရသွားခဲ့ပါတယ်။ ရီးရဲလ်မက်ဒရစ် အတွက် ဂိုးတွေကို ဘန်ဇီမာနဲ့ အဆန်စီယို တို့က သွင်းယူပေးခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
