ဩဂုတ်လ ၁ ရက်နေ့ ညနေခင်း အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ချမ်ဘာလိန်ရဲ့ ဒဏ်ရာကြောင့် အင်တာ ကွင်းလယ်လူကို ပစ်မှတ်ထားလာတဲ့ လစ်ဗာပူးလ်
လစ်ဗာပူးလ် ကတော့ အသင်းရဲ့ ကွင်းလယ်လူ အဲလက်စ် အောက်စ်လိတ်ဒ် ချမ်ဘာလိန်ရဲ့ ဒဏ်ရာ အခြေအနေကြောင့် အင်တာမီလန် ကွင်းလယ်လူ ဟာကန် ချလနောဂလူကို ခေါ်ယူဖို့ စိတ်ဝင်စားနေတယ်လို့ သိရပါတယ်။
ချမ်ဘာလိန်ဟာ တံကောက်ကြော ဒဏ်ရာရရှိနေပြီး ဒီဒဏ်ရာကြောင့်ပဲ ကာလရှည် အနားယူရတော့မှာ ဖြစ်ပါတယ်။ ကလော့ပ်ဟာ ချလနောဂလူရဲ့ ပရိသတ် တစ်ယောက် ဖြစ်ပြီး ဒီနှစ် နွေရာသီ အစောပိုင်း မှာလည်း ဒီကစားသမားကို ခေါ်ယူဖို့ ချိတ်ဆက်ခဲ့ဖူးပါတယ်။
အသက် ၂၈ နှစ် အရွယ် တူရကီ ကွင်းလယ်လူ အတွက် စီးရီးအေ ကလပ် ဘက်က ပြောင်းရွှေ့ကြေး အနေနဲ့ ပေါင် ၃၁.၅ သန်း လိုချင်နေတယ်လို့ သိရပါတယ်။ ချလနောဂလူ ဟာ ပြီးခဲ့တဲ့ ရာသီက အင်တာမီလန် အတွက် စီးရီးအေ ပွဲစဉ် ၃၄ ပွဲ ကစား၊ ၇ ဂိုးသွင်းကာ ဂိုးဖန်တီးမှု ၁၃ ကြိမ် ပြုလုပ်နိုင်ခဲ့ပါတယ်။
အတ္တလန္တာ တိုက်စစ်မှူး ကိုလည်း ဆက်သွယ်ထားတဲ့ ဂျူဗင်တပ်စ်
တိုက်စစ်မှူး အသစ် ရှာဖွေနေတဲ့ ဂျူဗင်တပ်စ် ကတော့ စီးရီးအေ အတွေ့အကြုံရှိ တိုက်စစ်မှူး တစ်ဦး ဖြစ်တဲ့ အတ္တလန္တာက လူးဝစ် မူရီရယ်ကို ချိတ်ဆက်နေတယ်လို့ သိရပါတယ်။
အသက် ၃၁ နှစ် အရွယ် ကိုလံဘီယာ တိုက်စစ်မှူး ကိုတော့ ဂျူဗင်တပ်စ်တို့ အရင်တည်းက စိတ်ဝင်စားခဲ့တာပါ။ ဒါပေမယ့် မိုရာတာကို ဦးစားပေး ခေါ်ယူဖို့ ကြိုးစားခဲ့တာကြောင့် မူရီယယ်ကို စိတ်ဝင်စားမှု လျော့ကျသွားခဲ့ပြီး အခုချိန်မှသာ ပြန်လည် ဆက်သွယ်လာခဲ့တာ ဖြစ်ပါတယ်။
ဂျူဗင်တပ်စ် နည်းပြ အယ်လီဂရီဟာ အသင်းမှာ တိုက်စစ်မှူး ဗလာဟိုဗစ် ရှိနေပေမယ့် နောက်ထပ် တိုက်စစ်မှူး တယောက် အလိုရှိနေပြီး ဒီအတွက် ဘာစီလိုနာ တိုက်စစ်မှူး မမ်းဖစ် ဒီပိုင်းနဲ့လည်း သတင်းတွေ ထွက်ပေါ်နေပါတယ်။
အတ္တလန္တာ ဘက်ကတော့ သူတို့ရဲ့ တိုက်စစ်မှူး မူရီယယ်ကို သင့်တော်တဲ့ ပြောင်းရွှေ့ကြေး ရရင် ရောင်းချသွားမယ်လို့ သိရပါတယ်။ ဒါပေမယ့် အတ္တလန္တာ အနေနဲ့ စျေးပေါပေါနဲ့ ရောင်းချသွားမှာ မဟုတ်ဘဲ သူတို့ သတ်မှတ်ထားတဲ့ တန်ကြေးရမှသာ ရောင်းချသွားမယ်လို့ သိရပါတယ်။
အေစီမီလန် နိုင်ပွဲရပေမယ့် သရေနဲ့ပဲ ကျေနပ်ခဲ့ရတဲ့ နာပိုလီ
မနေ့ညက ယှဉ်ပြိုင်ကစားခဲ့တဲ့ ခြေစမ်းပွဲတွေ မှာတော့ စီးရီးအေ ချန်ပီယံ အေစီမီလန်တို့ နိုင်ပွဲ ရခဲ့ပေမယ့် နာပိုလီ ကတော့ သရေနဲ့ ကျေနပ်ခဲ့ရပါတယ်။ အေစီမီလန်က လီဂူးဝမ်း ကလပ် မာဆေးလ်ကို ၂ ဂိုးပြတ်နဲ့ အနိုင်ရရှိခဲ့ပြီး နာပိုလီက မာယော့ကာနဲ့ ၁ ဂိုးစီ သရေသာ ကစားနိုင်ခဲ့တာပါ။
လူစုံတက်စုံ ပွဲထွက်လာတဲ့ အေစီမီလန်က မက်ဆီးယက်စ်၊ ဂျရူး တို့ရဲ့ သွင်းဂိုးတွေနဲ့ မာဆေးလ်ကို အနိုင်ရရှိခဲ့တာ ဖြစ်ပါတယ်။ မက်ဆီးယက်စ် ကတော့ လက်ရှိ နွေရာသီ အပြောင်းအရွှေ့မှ အေစီမီလန်ကို ရောက်ရှိလာခဲ့တာ ဖြစ်ပြီး ဒီပွဲ မှာတော့ ၁ ဂိုး သွင်း၊ ၁ ဂိုး ဖန်တီးနိုင်ခဲ့တဲ့ အပြင် ရာသီကြို ခြေစမ်းပွဲ တလျှောက်လုံး မှာလည်း ခြေစွမ်းပြနိုင်ခဲ့ပါတယ်။
နာပိုလီ ကလည်း မာယော့ကာကို ဗစ်တာ အော့ဆီမန်ရဲ့ ဂိုးနဲ့ ဦးဆောင်နိုင်ခဲ့ပေမယ့် ဒုတိယပိုင်းမှာ ချေပဂိုး ပြန်ပေးလိုက်ရတာကြောင့် ၁ ဂိုးစီ သရေနဲ့သာ ကျေနပ်ခဲ့ရတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
