ရိုးမား ၁ – ၀ တိုရီနို
တိုရီနိုရဲ့ ခြေစွမ်းကြောင့် ရိုးမားအတွက် ခက်ခဲတဲ့ စီးရီးအေ ပွဲစဉ်တစ်ပွဲ ဖြစ်ခဲ့ပါတယ်။ အိမ်ကွင်း ဖြစ်ပေမယ့် တိုရီနိုရဲ့ အကောင်းဆုံး ပုံစံနဲ့ တုံ့ပြန်မှုကို ခက်ခက်ခဲခဲကို ရင်ဆိုင်ခဲ့ရတာပါ။ တိုရီနို တိုက်စစ် ထက်မြတ်ခဲ့သလို ဘောလုံး ပိုင်ဆိုင်မှု အသာစီးရယူ ကစားနိုင်ခဲ့ပေမယ့် အဆုံးအဖြတ်ပိုင်း လိုအပ်ချက် ရှိခဲ့ပါတယ်။ ရိုးမား ကတော့ လိုအပ်နေတဲ့ အနိုင် ၃ မှတ်ကို အိမ်ကွင်းမှာ အရ ယူနိုင်ခဲ့တယ်လို့ပဲ ဆိုရမှာပါ။
ပွဲစဉ်အကျဉ်း
စီးရီးအေရဲ့ အစဉ်အလာရှိ အသင်းနှစ်သင်းရဲ့ တွေ့ဆုံမှု ဖြစ်လို့ ပြိုင်ဆိုင်မှု ပြင်းထန်ခဲ့ပါတယ်။ အေဘရာဟမ်၊ ဇာနီအိုလို၊ အမ်ခီတာရန်၊ ပယ်လီ ဂရီနီ၊ ဒီရာဝါရာ၊ အယ်လ်ရှာရာဝီ တို့နဲ့အတူ ရိုးမားတို့ ပွဲထွက်လာခဲ့ပါတယ်။ ၃-၄-၂-၁ နဲ့ ပွဲထွက်လာတဲ့ တိုရီနို အသင်းမှာတော့ ဘယ်လော့တီ၊ ဘရီကာလို၊ ပါရက်တ်၊ လူကစ်၊ ဘရီမာ၊ ဆာဗစ်တို့နဲ့ လူစုံခဲ့တာပါ။ အထနှေးနေတဲ့ ရိုးမားရဲ့ အားနည်းချက်ကို တိုရီနိုတို့ အခွင့်ကောင်း ယူနိုင်ခဲ့ပါတယ်။ ပွဲအစောပိုင်း ကတည်းက ဂိုးရနိုင်မယ့် အခြေအနေတွေကို တိုရီနိုတို့ ပိုင်ဆိုင်ခဲ့တာလည်း ဖြစ်ပါတယ်။ ဘယ်လော့တီသာ အဆုံးသတ်ပိုင်း သေချာခဲ့ရင် တိုရီနိုတို့ အားသာချက် ဖြစ်လာနိုင်သလို ပွဲအဖြေလည်း တစ်မျိုးတစ်မည် ဖြစ်လာနိုင်ပါတယ်။ ဒါပေမယ့် တိုက်စစ်ဆင်ရင်းနဲ့သာ တိုရီနိုတို့ အချိန်ကုန်ခဲ့ပြီး တကယ်တမ်း ဂိုးရသွားတာက ရိုးမား ဖြစ်နေခဲ့ပါတယ်။ အမ်ခီတာရန်ရဲ့ တစ်ကိုယ်တော် ထိုးဖောက်မှု ကနေ ဖန်တီးပေးတာကို ဇာနီအိုလိုက အလိုက်သင့် ဟန်ပြ ကျော်ဖြတ်ရင်း အေဘရာဟမ်က အဆုံးသတ်ပေးခဲ့တာပါ။ ဒီဂိုးက အိမ်ရှင်အသင်း အတွက် အရေးပါဆုံး ဂိုးတစ်ဂိုးလည်း ဖြစ်သွားခဲ့ပါတယ်။ ဒုတိယပိုင်း မှာတော့ တိုရီနိုတို့ အပြောင်းအလဲများစွာ ပြုလုပ်ခဲ့ပြီး ချေပဂိုးရဖို့ အားစိုက်လာခဲ့ပါတယ်။ တိုရီနိုရဲ့ တိုက်စစ် အကြိမ်ကြိမ် ထိုးဖောက်ခဲ့ပေမယ့် ရိုးမား ခံစစ် အမှားမရှိခဲ့ပါဘူး။ ဘောလုံး ပိုင်ဆိုင်မှု ၃၂-၆၈ ရာခိုင်နှုန်း ရှိတဲ့အထိ တိုရီနိုတို့ အသာရခဲ့ပါတယ်။ ဂိုးပေါက် ကန်သွင်းမှု ၁၇ ကြိမ်အထိ လုပ်ခဲ့ပေမယ့် ဂိုးမရခဲ့တဲ့ တိုရီနိုတို့ ပွဲပြီးတဲ့အထိ ချေပဂိုး မရခဲ့လို့ ရိုးမားတို့ အနိုင်ရသွားခဲ့ပါတယ်။ အေဘရာဟင်ရဲ့ တစ်ဦးတည်းသော ဂိုးနဲ့ ရိုးမားတို့ အိမ်ကွင်း အဖိုးတန် သုံးမှတ် ရရှိခဲ့တာလည်း ဖြစ်ပါတယ်။
ပွဲပြီးသုံးသပ်ချက်
တိုရီနိုရဲ့ မထင်မှတ်ထားတဲ့ တုံ့ပြန်မှု ပုံစံကောင်းက ရိုးမားကို တော်တော်လေး ဖိအားပေးနိုင်ခဲ့ပါတယ်။ ကစားသမား အင်အားအရ ရိုးမားတို့ အသာရခဲ့တယ် ဆိုပေမယ့် အသင်းလိုက် စုဖွဲ့မှုမှာ တိုရီနိုတို့ ပိုကောင်းခဲ့တာပါ။ အထူးသဖြင့် အခွင့်အရေး ဖန်တီး ရယူနိုင်မှု အပိုင်းမှာ ရိုးမားတို့ အနည်းငယ် အားနည်းခဲ့တာလည်း ဖြစ်ပါတယ်။ ဒါကလည်း အသင်းခေါင်းဆောင် ပယ်လီဂရီနီ ဒဏ်ရာကြောင့် စောစီးစွာ ထွက်လိုက်ရတဲ့ အခြေအနေကြောင့်လည်း ဖြစ်နိုင်ပါတယ်။ ကွင်းလယ်ပိုင်း အားပြိုင်မှုမှာ တကယ်တမ်း အသာရခဲ့တာ တိုရီနို ဖြစ်နေခဲ့တာပါ။ ဒါပေမဲ့ ဘယ်လော့တီဦးဆောင်တဲ့ တိုက်စစ်ပိုင်းက အခွင့်အရေး ဖြုန်းတီးမှုတွေကြောင့် အဝေးကွင်း ရှုံးပွဲနဲ့ ရင်ဆိုင်ခဲ့ရတာလည်း ဖြစ်ပါတယ်။ အနိမ့်ဆုံး သရေရလဒ် ရယူနိုင်တဲ့ အထိ ခြေစွမ်းကောင်းခဲ့တဲ့ တိုရီနို အတွက်ကတော့ ပွဲပြီးရလဒ်က မျှတမှု မရှိခဲ့ဘူးလို့ပဲ ဆိုရမှာပါ။ ရိုးမား အတွက်ကတော့ ပွဲအဖြေ ပြောင်းလဲနိုင်တဲ့ ကစားသမားကောင်း အစုအဖွဲ့ကြောင့် အသင်းလိုက်ကစားပုံ မကောင်းပေမယ့် ရလဒ် ကောင်းခဲ့တယ်လို့ပဲ သတ်မှတ်ရမှာ ဖြစ်ပါတယ်။
လာမယ့်ပွဲစဉ်များ
ရိုးမား အနေနဲ့ လာမယ့် စီးရီးအေ ပွဲစဉ်မှာ ဘိုလော့ဂ်နာရဲ့ အိမ်ကွင်းမှာ သွားရောက် ယှဉ်ပြိုင်ရဖို့ ရှိနေပြီး တိုရီနို ကတော့ အိမ်ကွင်းမှာ အမ်ပိုလီကို ဧည့်ခံ ရင်ဆိုင်ရဖို့ ရှိနေတာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
