မက်ဆီ ပေးတဲ့ တစ်ဦးချင်း အကောင်းဆုံးဆု ရထားတဲ့ ပါရီဒက်စ်၊ ပရီးမီးယားလိဂ်ကို ပြန်သွားဖွယ် ရှိနေတဲ့ အေစီမီလန် တိုက်စစ်မှူး (စီးရီးအေ နောက်ဆုံးရ သတင်းများ)

မက်ဆီ ပေးတဲ့ တစ်ဦးချင်း အကောင်းဆုံးဆု ရထားတဲ့ ပါရီဒက်စ်၊ ပရီးမီးယားလိဂ်ကို ပြန်သွားဖွယ် ရှိနေတဲ့ အေစီမီလန် တိုက်စစ်မှူး စတဲ့ သတင်းတွေ အပါအဝင် ဧပြီလ ၁၈ ရက်နေ့ရဲ့ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

မက်ဆီ ပေးတဲ့ တစ်ဦးချင်း အကောင်းဆုံးဆု ရထားတဲ့ ပါရီဒက်စ်

ပီအက်စ်ဂျီ ကနေ စီးရီးအေ ကလပ် ဂျူဗင်တပ်စ်မှာ အငှားနဲ့ သွားရောက် ကစားနေတဲ့ လီအန်ဒရို ပါရီဒက်စ်ဟာ လီယွန်နယ် မက်ဆီရဲ့ (၂၀၂၀-၂၁) အတွက် လာလီဂါ အကောင်းဆုံး ကစားသမားဆုကို လက်ဆောင် အဖြစ် ရရှိထားကြောင်း သိရပါတယ်။

ပါရီဒက်စ်က ရိုက်ကူးရေး အစီအစဥ် တစ်ခုမှာ ဒီအကြောင်းကို ဆုတံဆိပ် သက်သေနဲ့ တကွ ထုတ်ပြခဲ့တာ ဖြစ်ပြီး သူတို့ နှစ်ယောက်ဟာ အာဂျင်တီးနား လက်ရွေးစင် အသင်းဖော်တွေလည်း ဖြစ်ကြပါတယ်။

ဒါ့အပြင် မက်ဆီ ပီအက်စ်ဂျီကို စတင် ရောက်ရှိလာခဲ့တဲ့ ပြီးခဲ့တဲ့ ရာသီက စလို့ လက်ရှိ ပထမ ရာသီဝက် အထိလည်း ပီအက်စ်ဂျီမှာ အတူ တွဲဖက် ကစားခဲ့ဖူးပါတယ်။ ပါရီဒက်စ် ကတော့ မက်ဆီ ပဲရစ်မြို့ကို ရောက်ရှိလာချိန်မှာ သူ့ကို ဒီဆု လက်ဆောင်ပေးနိုင်မလားလို့ မေးမြန်းခဲ့ကြောင်း၊ မက်ဆီ ကလည်း ဒါကို လက်ဆောင် အဖြစ် ပေးအပ်သွားခဲ့ကြောင်း ဖွင့်ဟ ပြောကြားခဲ့ပါတယ်။

လာမယ့် နွေရာသီ အပြောင်းအရွှေ့ မှာတော့ မက်ဆီရော၊ ပါရီဒက်စ်ပါ ပီအက်စ်ဂျီနဲ့ အနာဂတ် မသေချာတော့ဘဲ ပါရီဒက်စ် ကလည်း ဂျူဗင်တပ်စ်နဲ့ အငှား စာချုပ်သက်တမ်း ကုန်ဆုံးပြီးနောက် အသင်းသစ် ရှာဖွေတော့မှာ ဖြစ်ပါတယ်။

လူကာကူရဲ့ ပွဲပယ် ပြစ်ဒဏ် အတွက် အယူခံဝင်မယ့် အင်တာမီလန်

ဂျူဗင်တပ်စ်နဲ့ တစ်ဖက် တစ်ဂိုးစီ သရေကျခဲ့တဲ့ ကိုပါအီတလီယာဖလား ဆီမီးဖိုင်နယ် ပထမအကျော့မှာ အနီကတ် ထိခဲ့တဲ့ ရိုမယ်လူ လူကာကူရဲ့ အနီကတ်ကို အင်တာမီလန် ဘက်က အယူခံဝင်သွားမှာ ဖြစ်ကြောင်း သိရပါတယ်။

အဲ့ဒီပွဲမှာ လူကာကူက စီးရီးအေရဲ့ အစဥ်အလာရှိ ဂျူဗင်တပ်စ် ပရိသတ်တွေရဲ့ လူမျိုးရေး ခွဲခြားမှုတွေနဲ့ ပွဲချိန်ပြည့် ရင်ဆိုင်ခဲ့ရပါတယ်။ နောက်ဆုံး မိနစ်မှာတော့ ပင်နယ်တီက တစ်ဆင့် အဖိုးတန် ချေပဂိုး သွင်းယူပြီးတဲ့နောက် လူကာကူက ဂျူဗင်တပ်စ် ပရိသတ်တွေကို ပါးစပ်ပိတ်ထားဖို့ ရည်ရွယ် အောင်ပွဲခံခဲ့ပြီး ဒီအောင်ပွဲခံဟန်ကြောင့် ကွင်းလယ်ဒိုင်က အဝါကတ် ထိပြီးသား လူကာကူကို နှစ်ဝါ တစ်နီနဲ့ ထုတ်ပယ်ခဲ့ပါတယ်။

အင်တာမီလန် ကတော့ ဒုတိယအကျော့မှာ လူကာကူ ပွဲပယ်ခံရမှာကို မလိုလားဘဲ ဒီပြစ်ဒဏ် အတွက် အယူခံ တင်သွင်းသွားမယ်လို့ သိရပါတယ်။ ဒုတိယအကျော့ ပွဲစဥ် ကိုတော့ ဧပြီလ (၂၆) ရက်နေ့၊ ဆန်စီရိုမှာ ကစားသွားမှာ ဖြစ်ပါတယ်။

ပရီးမီးယားလိဂ်ကို ပြန်သွားဖွယ် ရှိနေတဲ့ အေစီမီလန် တိုက်စစ်မှူး

အက်စတွန်ဗီလာ ဟာ စီးရီးအေ လက်ရှိ ချန်ပီယံ အေစီမီလန်ရဲ့ တိုက်စစ်မှူး ဒီဗော့ဂ် အိုရီဂီကို ခေါ်ယူနိုင်ဖွယ် ရှိတဲ့ အသင်း တစ်သင်း အဖြစ် သတ်မှတ်ခံထား‌ရကြောင်း သိရပါတယ်။

အဆိုပါ ဘယ်လ်ဂျီယံ တိုက်စစ်မှူးဟာ ပြီးခဲ့တဲ့ နွေရာသီကမှ အေစီမီလန်ကို အပြီးသတ် ပြောင်းရွှေ့လာခဲ့ပေမယ့် အသင်းမှာ ဒဏ်ရာ ပြဿနာတွေနဲ့ ပုံစံကောင်း မပြနိုင်တာကြောင့် လာမယ့် နွေရာသီမှာ ပြန်လည် ရောင်းချခံရတော့မှာပါ။

ဗြိတိန် အခြေစိုက် မီဒီယာတွေရဲ့ ဖော်ပြချက် အရတော့ အေစီမီလန်က အရောင်းစာရင်း တင်ထားတဲ့ ဒီတိုက်စစ်မှူးကို ခေါ်ယူဖို့ အတွက် ကစားသမားရဲ့ အေးဂျင့်တွေ ဘက်က အက်စတွန်ဗီလာကို ကမ်းလှမ်းထားကြောင်း သိရပါတယ်။ အိုရီဂီ ကိုယ်တိုင် ကလည်း သူနဲ့ ရင်းနှီးပြီးသား ပရီးမီးယားလိဂ်ကို ပြန်လည် ပြောင်းရွှေ့နိုင်ဖွယ် ရှိပြီး အူနိုင်း အမ်မရီရဲ့ အသင်းက အမှန်တကယ် အလိုရှိရင်တော့ အပြောင်းအရွှေ့က အထမြောက်လာနိုင်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.