ဆော်ဒီပရိုလိဂ် ပြိုင်ပွဲရဲ့ အားကစား ဒါရိုက်တာ ဖြစ်တဲ့ မိုက်ကယ် အီမန်နယ်လို ကတော့ မကြာခင်မှာ မိုဟာမက် ဆာလာနဲ့ ဗစ်တာ အိုဆင်မ်ဟန် တို့ကို ခေါ်ယူဖို့ ဆုံးဖြတ်ထားတယ်လို့ သိရပါတယ်။ လက်ရှိ လစ်ဗာပူးလ်ရဲ့ တောင်ပံ တိုက်စစ် ကစားသမား မိုဟာမက် ဆာလာနဲ့ ဂါလာတာဆာရေးမှာ အငှားနဲ့ သွားရောက် ကစားနေတဲ့ နာပိုလီ တိုက်စစ်မှူး ဗစ်တာ အိုဆင်မ်ဟန် တို့ကိုတော့ ဆော်ဒီပရိုလိဂ် အသင်းတွေက ယခင် ကတည်းက ခေါ်ယူဖို့ စိတ်ဝင်စားနေခဲ့ကြတာ ဖြစ်ပါတယ်။
ဆော်ဒီပရိုလိဂ် ကလပ်တွေ အနေနဲ့ ၂၀၂၂ ခုနှစ် ဒီဇင်ဘာလမှာ ကမ္ဘာကျော် တိုက်စစ်မှူး ခရစ္စတီယာနို ရော်နယ်ဒိုကို ခေါ်ယူခဲ့ပြီးနောက် အခြားသော နာမည်ကျော်တွေ ကိုလည်း ဆက်တိုက် ခေါ်ယူခဲ့တာ ဖြစ်ပါတယ်။ ဆော်ဒီပရိုလိဂ် ကလပ်တွေ အနေနဲ့ အစိုးရရဲ့ ထောက်ပံ့ ကူညီပေးမှုနဲ့ နေမာ၊ ကာရင်မ် ဘန်ဇီမာ၊ မာနေး၊ ဖေမီနို၊ မီလင်ကိုဗစ်၊ အလက်ဇန္တား မီထရိုဗစ် တို့လို ထိပ်တန်း ကစားသမားတွေကို များပြားတဲ့ လစာငွေတွေ ပေးချေကာ ခေါ်ယူခဲ့တာ ဖြစ်ပါတယ်။
ဆော်ဒီပရိုလိဂ် တာဝန်ရှိတွေ အနေနဲ့ နာမည်ကျော် ကစားသမားတွေကို ခေါ်ယူကာ သူတို့ရဲ့ ပြိုင်ပွဲကို ကမ္ဘာ့ထိပ်တန်းလိဂ် ဖြစ်လာဖို့ ရည်မှန်းထားတယ်လို့လည်း သိရပါတယ်။ လက်ရှိမှာ ဆော်ဒီပရိုလိဂ်က အောင်မြင်မှုတွေ ရရှိနေပြီးတော့ ပြိုင်ပွဲ တာဝန်ရှိသူတွေ အနေနဲ့ ဥရောပ ထိပ်တန်း ကစားသမားတွေကို ထပ်မံ ခေါ်ယူသွားဖို့ စီစဉ်နေတယ်လို့လည်း သိရပါတယ်။
ဆော်ဒီပရိုလိဂ် ကလပ်တွေ အနေနဲ့ ပြီးခဲ့တဲ့ နွေရာသီ အပြောင်းအရွှေ့ ကာလမှာ အီဂျစ် လက်ရွေးစင် တိုက်စစ်မှူး မိုဟာမက် ဆာလာနဲ့ နိုင်ဂျီးရီးယား လက်ရွေးစင် တိုက်စစ်မှူး ဗစ်တာ အိုဆင်မ်ဟန် တို့ကို ခေါ်ယူဖို့ ကြိုးပမ်းခဲ့ကြောင်းလည်း သိရပါတယ်။ သို့သော် ဆာလာ အနေနဲ့ လစ်ဗာပူးလ် အသင်းမှာ ဆက်နေဖို့ ဆုံးဖြတ်ခဲ့ပြီးတော့ အိုဆင်မ်ဟန် အနေနဲ့လည်း ဥရောပမှာ ဆက်လက် ကစားလိုတဲ့ အတွက် ဂါလာတာဆာရေး အသင်းဆီ တစ်ရာသီ အငှားနဲ့ ပြောင်းရွှေ့သွားခဲ့တာ ဖြစ်ပါတယ်။ မိုဟာမက် ဆာလာနဲ့ အိုဆင်မ်ဟန်တို့ အနေနဲ့ ဥရောပမှာ ဆက်လက် ကစားနေကြပေမယ့်လည်း ဆော်ဒီပရိုလိဂ် အားကစား ဒါရိုက်တာ အီမန်နယ်လိုက ဒီကစားသမား တို့အား ခေါ်ယူမယ့် အစီအစဉ်ကို လက်လျှော့မှာ မဟုတ်ကြောင်း ပြောကြားခဲ့တာ ဖြစ်ပါတယ်။
အီမန်နယ်လိုက “အပြောင်းအရွှေ့ ဖြစ်၊ မဖြစ်က မိုဟာမက် (ဆာလာ) အပေါ်မှာ မူတည်ပါတယ်။ ပြီးခဲ့တဲ့ နွေရာသီက သူ့ကို ကျွန်တော်တို့ ဆော်ဒီပရိုလိဂ် ကလပ်တွေ ခေါ်ယူဖို့ ကြိုးစားခဲ့တယ် ဆိုတာ မှန်ပါတယ်။ အိုဆင်မ်ဟန် လိုပဲ ဆာလာ ကိုလည်း ခေါ်ယူဖို့ ကျွန်တော်တို့ စိတ်ဝင်စားပါတယ်။ ဒါပေမယ့် သူတို့ရဲ့ ကလပ်တွေ သူတို့ကို ရောင်းချဖို့ လိုပါတယ်။ ဒီလိုမှ မဟုတ်ရင် အဆင်ပြေမှာ မဟုတ်ပါဘူး။ ကျွန်တော်တို့ အနေနဲ့ ကစားသမားတွေကို ပြောင်းရွှေ့ကြေး အဆမတန် ပေးပြီး ခေါ်ယူမှာ မဟုတ်ပါဘူး။ ကစားသမားတွေ ကိုယ်တိုင်က ဒီကို လာချင်ဖို့ လိုအပ်ပါတယ်။ ဆာလာနဲ့ အိုဆင်မ်ဟန် တို့က ဆော်ဒီကို လာဖို့ အသင့်မဖြစ်သေးဘူးလို့ ထင်ပါတယ်။” လို့ ပြောကြားခဲ့သည်။
လက်ရှိမှာ အသက် ၃၂ နှစ် အရွယ် ရှိပြီ ဖြစ်တဲ့ မိုဟာမက် ဆာလာ ကတော့ အခုရာသီအကုန်မှာ လစ်ဗာပူးလ်နဲ့ စာချုပ်သက်တမ်း ကုန်ဆုံးမှာ ဖြစ်ပြီး ဆော်ဒီကို ပြောင်းရွှေ့ဖွယ် ရှိကြောင်း သုံးသပ်မှုတွေလည်း ရှိနေပါတယ်။ အိုဆင်မ်ဟန် ကတော့ ဥရောပထိပ်တန်း လိဂ်မှာ ဆက်ကစားဖို့ ဆန္ဒရှိနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
