ရီးရဲလ်ဆိုစီဒက် ကွင်းလယ်လူ မာတင် ဇူဘီမန်ဒီ ကတော့ လာမယ့် ဇန်နဝါရီ အပြောင်းအရွှေ့ ကာလမှာ ပရီးမီးယားလိဂ် ကလပ် လစ်ဗာပူးလ်ရဲ့ ကမ်းလှမ်းမှု ပြန်လည် ရရှိဖို့ မျှော်လင့်နေတယ်လို့ သိရပါတယ်။
အသက် ၂၅ နှစ် အရွယ် စပိန် လက်ရွေးစင် ကွင်းလယ် ခံစစ်ကစားသမားဟာ ပြီးခဲ့တဲ့ နွေရာသီ အပြောင်းအရွှေ့ကာလမှာ ပရီးမီးယားလိဂ် ကလပ် လစ်ဗာပူးလ်ရဲ့ အဓိက ပစ်မှတ် ကစားသမား ဖြစ်ခဲ့သူပါ။ ဒါ့အပြင် အာနေး ဆလော့တ်ရဲ့ လစ်ဗာပူးလ် ဘက်က စာချုပ်လျော်ကြေး ပေးချေပြီး ဇူဘီမန်ဒီကို ခေါ်ယူဖို့လည်း ကမ်းလှမ်းခဲ့ပါသေးတယ်။ ဒါပေမယ့်လည်း ဇူဘီမန်ဒီက သူ့ရဲ့ ငယ်မွေးခြံပေါက် ကလပ် ဖြစ်တဲ့ ဆိုစီဒက်မှာ ဆက်နေလိုတာကြောင့် လစ်ဗာပူးလ်ထံ ပြောင်းရွှေ့ဖို့ ငြင်းဆန်ခဲ့တာ ဖြစ်ပါတယ်။
လက်ရှိမှာတော့ ဇူဘီမန်ဒီက သူ့ရဲ့ ကလပ်ဟာ လာလီဂါမှာ ရုန်းကန်နေရတဲ့ အတွက် ပရီးမီးယားလိဂ် ကလပ် လစ်ဗာပူးလ် ဆီသာ ပြောင်းရွှေ့ချင်လာတာ ဖြစ်ပါတယ်။ ဒါ့အပြင် သတင်းတွေရဲ့ ဖော်ပြချက်အရ ဇူဘီမန်ဒီက လာမယ့် ဆောင်းရာသီ အပြောင်းအရွှေ့မှာ လစ်ဗာပူးလ်ရဲ့ ကမ်းလှမ်းမှုကို ပြန်လည် ရရှိဖို့ မျှော်လင့်လျက် ရှိကြောင်း သိရပါတယ်။ လစ်ဗာပူးလ် ကတော့ ပြီးခဲ့တဲ့ အပြောင်းအရွှေ့မှာ မာတင် ဇူဘီမန်ဒီကို ခေါ်ယူနိုင်ခဲ့ခြင်း မရှိခဲ့တဲ့ အတွက် အသင်းမှာ ရှိပြီးသား ကွင်းလယ်လူ ရွိုင်ယန် ဂရာဗန်ဘက်ချ် ကိုသာ ကွင်းလယ် ခံစစ်ကစားသမား အဖြစ် အသုံးပြုနေခဲ့ရပါတယ်။ ဒါပေမယ့်လည်း အာနေး ဆလော့တ်ရဲ့ ဆုံးဖြတ်ချက် မှန်ကန်ခဲ့တယ်လို့ ဆိုရမှာ ဖြစ်ပြီး နယ်သာလန်သားက လစ်ဗာပူးလ် ကွင်းလယ်မှာ ခြေစွမ်းပြနေခဲ့ပါတယ်။
ဘောလုံး ဝေဖန်သုံးသပ်တွေ ကတော့ အာနေး ဆလော့တ်ရဲ့ အသင်းက ထိပ်တန်း ကွင်းလယ် ခံစစ်ကစားသမား တစ်ဦး မဖြစ်မနေ ခေါ်ယူဖို့ လိုအပ်နေဆဲဖြစ်ကြောင်း ထောက်ပြနေကြပါတယ်။ ဒါကြောင့် လစ်ဗာပူးလ် အနေနဲ့ လာမယ့် ဇန်နဝါရီ အပြောင်းအရွှေ့ကာလမှာ မာတင် ဇူဘီမန်ဒီ ဘက်ကသာ အသင်းပြောင်းဖို့ လိုလားခဲ့ရင် ခေါ်ယူဖို့ အတွက် ပြန်လည် စဉ်းစားဖွယ်ရှိနေတယ် လို့လည်း သိရပါတယ်။ ဇူဘီမန်ဒီ ကတော့ ရီးရဲလ်ဆိုစီဒက် အကယ်ဒမီထွက် ကစားသမား ဖြစ်ပြီးတော့ ၂၀၁၇ ခုနှစ် ကနေ ၂၀၂၀ ခုနှစ် အထိ လူငယ် အသင်းမှာ ကစားခဲ့သူ ဖြစ်ပါတယ်။ အဲဒီနောက် ၂၀၁၉ ခုနှစ် မှာတော့ ဆိုစီဒက် စီနီယာ အသင်းကြီး အတွက် ပါဝင်ကစားခွင့် ရရှိခဲ့ပြီးတော့ ၇ ရာသီ အတွင်း ပွဲပေါင်း ၁၉၅ ပွဲ ကစားကာ ၉ ဂိုး သွင်းယူခဲ့ပါတယ်။ ဇူဘီမန်ဒီဟာ ဗဟိုကွင်းလယ် အားသန်တဲ့ ကစားသမား ဖြစ်ပေမယ့် လိုအပ်ရင် လိုအပ်သလို ကွင်းလယ် ခံစစ်နေရာမှာလည်း ကစားနိုင်သူ ဖြစ်ပါတယ်။ ဒါ့အပြင် ဇူဘီမန်ဒီက ပရီးမီးယားလိဂ် ကလပ် အာဆင်နယ်ကို ပြောင်းရွှေ့သွားတဲ့ မီခဲလ် မာရင်နိုနဲ့လည်း ပြီးခဲ့တဲ့ ရာသီတွေတုန်းက အာဆင်နယ် အတွက် ခြေစွမ်းပြ ကစားနိုင်ခဲ့ပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
