နော့တင်ဟမ်ဖောရက်စ် ကတော့ ချဲလ်ဆီးကို အဝေးကွင်းမှာ အနိုင်ယူခဲ့ပြီးနောက် ပရီးမီးယားလိဂ်မှာ ဆက်လက် ရပ်တည်နိုင်ဖို့ အခြေအနေကောင်းတွေ ပိုင်ဆိုင်သွားခဲ့ပါတယ်။ ဒီပွဲစဉ်မှာ ဂိုးသမား မတ်ဇ် ဆဲလ်စ်က အဓိက အခန်းကဏ္ဍ ကနေ ပါဝင်ခဲ့ပါတယ်။
နော့တင်ဟမ်ဖောရက်စ် ဂိုးသမား မတ်ဇ် ဆဲလ်စ်က “ကျွန်တော်တို့ ရည်မှန်းချက်နား ရောက်ခါနီးပါပြီ” လို့ ပြောကြားရင်း ပရီးမီးယားလိဂ်မှာ နောက်ထပ် တစ်ရာသီ ဆက်လက် ရပ်တည်နိုင်ရေး အတွက် အသင်းဖော်တွေကို တိုက်တွန်းခဲ့ပါတယ်။ စတမ်းဖို့ဒ်ဘရစ်ခ်ျမှာ ချဲလ်ဆီးကို ၃-၁ နဲ့ အနိုင်ရရှိခဲ့ပြီးနောက် ဖောရက်စ်က ပွဲစဉ် (၃) ပွဲသာ ကျန်ရှိတော့ချိန်မှာ တန်းဆင်းဇုန်ကို (၆) မှတ် အထိ ဖြတ်တောက်ထားနိုင်ခဲ့ပြီ ဖြစ်ပါတယ်။ ဒီပွဲတွင် တိုင်ဝို အေဝိုနီယီက နှစ်ဂိုး သွင်းယူပေးခဲ့ပြီး အီဂေါ် ဂျေဇုစ်က ပယ်နယ်တီ ကနေ တစ်ဂိုး သွင်းယူပေးခဲ့ပါတယ်။ အိမ်ရှင် အသင်း အတွက် ချေပဂိုး ကိုတော့ ယာအို ပက်ဒရိုက ပွဲပြီးခါနီးမှာ သွင်းယူပေးခဲ့ပါတယ်။
ဖောရက်စ်ဟာ လက်ရှိမှာ ပြိုင်ပွဲစုံ ၁၀ ပွဲဆက် ရှုံးပွဲ မရှိ ရလဒ်ကို ပိုင်ဆိုင်ထားပြီး ခြေစွမ်းပြနေပါတယ်။ ဒါဟာ သစ်တောတွေ အတွက် ၂၀၁၆ ခုနှစ် ဇန်နဝါရီလ (၁၃ ပွဲ) နောက်ပိုင်း ပထမဆုံးအကြိမ် ဖြစ်ပြီး၊ ထိပ်တန်းလိဂ် အဆင့်မှာ ၁၉၉၅ ခုနှစ် နိုဝင်ဘာလ (၁၀ ပွဲ) နောက်ပိုင်း ပထမဆုံးအကြိမ် ဖြစ်ပါတယ်။
၂-၀ နဲ့ ဦးဆောင်နေချိန်မှာ ကိုးလ် ပါးလ်မားရဲ့ ပင်နယ်တီကို ကာကွယ်ပေးခဲ့တဲ့ ဆဲလ်စ်ဟာ ဒီနိုင်ပွဲ အတွက် အဓိက နေရာ ကနေ ပါဝင်ခဲ့ပြီး တန်းဆင်းဇုန် အန္တရာယ် ကနေ လွတ်မြောက်ဖို့ တော်တော်လေး စိတ်အားထက်သန်နေပါတယ်။ ဆဲလ်စ်က Sky Sports နဲ့ အင်တာဗျူးမှာ “အရေးကြီးတဲ့ အချိန်အခိုက်အတန့်မှာ အသင်းကို ကူညီပေးနိုင်ခဲ့လို့ ပျော်ပါတယ်။ ဒီနိုင်ပွဲက ကျွန်တော်တို့ အတွက် အရမ်းပဲ အရေးကြီးပါတယ်။ ပွဲစဉ် ၃ ပွဲ ကျန်သေးတော့ အရာအားလုံး မပြီးဆုံးသေးပေမယ့် ကျွန်တော်တို့ ပန်းတိုင်နား ရောက်ခါနီးပါပြီ။”
“ပြီးခဲ့တဲ့ သီတင်းပတ်တွေမှာ ကျွန်တော်တို့ အကောင်းဆုံး ကစားနိုင်ခဲ့ပြီး ရှုံးပွဲလည်း နည်းပါတယ်။ အသင်းက ကောင်းမွန်နေပြီး နည်းပြ ကလည်း အပြုသဘောဆောင်တဲ့ စွမ်းအင်တွေကို ယူဆောင်လာပေးပါတယ်။ နည်းပြက လူစာရင်းကို အများကြီး ပြောင်းလဲခဲ့ပေမယ့် ဒီလန်း ဘာကွာနဲ့ တိုင်ဝို အေဝိုနီယီ တို့က တကယ်ကို ကောင်းကောင်း ကစားပြသွားပါတယ်။ သူတို့ ပုံမှန် မကစားရတာ ကြာပြီ ဖြစ်ပေမယ့် အကောင်းဆုံး ခြေစွမ်းပြနိုင်ခဲ့လို့ သူတို့ အတွက် အရမ်း ပျော်ပါတယ်။” လို့ ဆဲလ်စ်က ပြောပါတယ်။
လာမည့် ကြာသပတေးနေ့မှာ အက်စတွန်ဗီလာနဲ့ ကစားရမယ့် ယူရိုပါလိဂ် ဆီမီးဖိုင်နယ် ဒုတိယအကျော့ ပွဲစဉ် ရှိနေတာကြောင့် နည်းပြ ဗစ်တာ ပါရဲရားက ပွဲထွက်လူစာရင်းကို ၈ နေရာ အထိ အပြောင်းအလဲ ပြုလုပ်ခဲ့ပါတယ်။ အေဝိုနီယီကို ပွဲထွက် လူစာရင်းမှာ ထည့်သွင်းခဲ့ပြီး သူဟာ ကလပ် အသင်း အတွက် ပွဲ ၁၀၀ မြောက် ပါဝင် ကစားခြင်း ဖြစ်ပါတယ်။
အေဝိုနီယီဟာ ပရီးမီးယားလိဂ်မှာ (၃) ကြိမ်မြောက် နှစ်ဂိုး သွင်းယူနိုင်ခဲ့ပြီး အဲဒီအထဲက နှစ်ကြိမ်ဟာ ချဲလ်ဆီး အိမ်ကွင်းမှာ ဖြစ်နေပါတယ်။ သူဟာ ပရီးမီးယားလိဂ် သမိုင်းမှာ ချဲလ်ဆီးကို အိမ်ကွင်းမှာ နှစ်ကြိမ်တိုင်တိုင် ၂ ဂိုးနဲ့ အထက် သွင်းယူနိုင်ခဲ့တဲ့ တတိယမြောက် ကစားသမား ဖြစ်လာခဲ့ပါတယ်။
အေဝိုနီယီက သူ့ရဲ့ ခံစားချက်နဲ့ ပတ်သတ်ပြီး အခုလိုပဲ ပြောကြားခဲ့ပါတယ်။ “ဘောလုံးက အသင်းလိုက် ကစားရတဲ့ ကစားနည်းပါ။ လူတိုင်း အသင့်ဖြစ်နေဖို့ လိုအပ်ပါတယ်။ ပွဲထွက်ကစားဖို့ထက် အသင်း အတွက် အရေးကြီးတာပါ။ နည်းပြနဲ့ ဝန်ထမ်းတွေကို ကျေးဇူးတင်ပါတယ်။ ကွင်းထဲက လူတွေတင်မကဘဲ အာဟာရပညာရှင်တွေ၊ ကာယပညာရှင်တွေ အားလုံးကိုပါ။ အရာအားလုံးက အသင်း အတွက်ပဲ ဖြစ်ပြီး နောက်ပွဲ ကိုပဲ အာရုံစိုက်နေပါတယ်။ ကျွန်တော်တို့ အတွက် ဒီရာသီက အံ့သြစရာကောင်းတဲ့ ရာသီ ဖြစ်လာမယ်လို့ ယုံကြည်နေပါတယ်။” လို့ အေဝိုနီယီက ဆိုပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
