အင်္ဂလန် လက်ရွေးစင် တိုက်စစ်မှူးဟောင်း ဝိန်း ရွန်နီက အာဆင်နယ် ကွင်းလယ်လူ ဒီကလန် ရိုက်စ်ဟာ မကြာခင်မှာ အင်္ဂလန် လက်ရွေးစင် အသင်းခေါင်းဆောင် ဖြစ်လာလိမ့်မယ်လို့ သုံးသပ် ပြောကြားလိုက်ပါတယ်။ ဒီကလန် ရိုက်စ်က လက်ရှိမှာ ပရီးမီးယားလိဂ် ကလပ် အာဆင်နယ်ရဲ့ အသင်းခေါင်းဆောင် မဟုတ်ပေမယ့် အသင်းကို အကောင်းဆုံး ဦးဆောင်ထားနိုင်သူ ဖြစ်ပါတယ်။
ရိုက်စ်က ပရီးမီးယားလိဂ် ထိပ်သီး ကလပ်မှာ ပြိုင်ပွဲစုံ ၁၂၇ ပွဲ ကစားပြီး ၁၈ ဂိုး သွင်းကာ၊ ဂိုးဖန်တီးမှု ၂၄ ကြိမ် ပြုလုပ်ထားပါတယ်။ ရိုက်စ်ဟာ အာဆင်နယ်ကို စတင်ရောက်ရှိတဲ့ ရာသီမှာတင် ပွဲပေါင်း ၅၁ ပွဲ ကစားခဲ့ပြီး ဒုတိယရာသီ မှာတော့ ၅၂ ပွဲ အထိ ကစားပေးခဲ့ပါတယ်။ ဒီရာသီ မှာတော့ ရိုက်စ်က ရာသီတစ်ဝက်ကျိုးချိန်မှာ ၂၄ ပွဲ အထိ ကစားထားသလို ၂ ဂိုးသွင်း ၅ ဂိုး ဖန်တီးထားပါတယ်။ အာဆင်နယ်မှာ နောက်ပိုင်း ရာသီတွေထဲ ရိုက်စ်ထက် ပွဲချိန် ပိုများများ ကစားထားတဲ့သူ မရှိသေးပါဘူး။
လက်ရှိအချိန်မှာ ဘောလုံးသုံးသပ်သူ အဖြစ် လုပ်ကိုင်နေတဲ့ ဝိန်း ရွန်နီက ၂၀၁၄ ကနေ ၂၀၁၇ ခုနှစ် အတွင်း အင်္ဂလန် လက်ရွေးစင် အသင်းခေါင်းဆောင် ဖြစ်ခဲ့ဖူးပြီး ယူရို ၂၀၁၆ ပြိုင်ပွဲမှာ အသင်းကို ဦးဆောင်ခဲ့ဖူးပါတယ်။ အင်္ဂလန် လက်ရွေးစင် အသင်းရဲ့ လက်ရှိ အသင်းခေါင်းဆောင် ကတော့ ဘေယန်မြူးနစ် တိုက်စစ်မှူး ဟယ်ရီကိန်း ဖြစ်ပြီးတော့ ၂၀၁၈ ခုနှစ် ကနေ လက်ရှိအချိန်ထိ တာဝန်ယူထားဆဲ ဖြစ်ပါတယ်။
လက်ရှိမှာ ဟယ်ရီ ကိန်းက အသက်အရွယ်အားဖြင့် ၃၂ နှစ်ထဲ ရောက်နေပြီ ဖြစ်တာကြောင့် ရွန်နီက ဟယ်ရီ ကိန်းသာ အနားယူသွားရင် အင်္ဂလန် လက်ရွေးစင် အသင်းရဲ့ အနာဂတ် အသင်းခေါင်းဆောင် ဖြစ်လာနိုင်သူ အဖြစ် ဒီကလန် ရိုက်စ်ကို ရည်မှန်းထားတာ ဖြစ်ပါတယ်။ ရွန်နီက ဒီကလန် ရိုက်စ်ဟာ မောင်းနှင်အား အပြည့်နဲ့ အသင်းကို ဦးဆောင်နိုင်သူ ဖြစ်တာကြောင့် ဟယ်ရီ ကိန်းဆီက အသင်းခေါင်းဆောင် ရာထူးကို လွှဲပြောင်း ရယူဖို့ ထိုက်တန်သူ တစ်ဦး ဖြစ်ကြောင်း သုံးသပ်ခဲ့ပါတယ်။ ဒါ့အပြင် ရွန်နီက အဲဗာတန်နဲ့ ပရီးမီးယားလိဂ် ပွဲက ဒီကလန် ရိုက်စ်ရဲ့ စွမ်းဆောင်ရည် ကိုလည်း ချီးကျူးခဲ့ပါတယ်။
မန်ချက်စတာယူနိုက်တက် တိုက်စစ်မှူးဟောင်းက BBC Sport ရဲ့ The Wayne Rooney Podcast မှာ “ကျွန်တော့် အတွက် ကတော့ ဟယ်ရီက တစ်ချိန်ချိန်မှာ အနားယူရတော့မယ့်သူပါပဲ။ သူက [အဲဗာတန် နဲ့ပွဲမှာ] ကွင်းထဲက နေရာအစုံမှာ ရှိနေခဲ့တယ်။ သူ့ရဲ့ ဆုံးဖြတ်ချက်ချပုံ – ဘယ်အချိန်မှာ ဘောလုံး ပေးရမလဲ၊ ဘယ်နေရာကို ပေးရမလဲ၊ ဘယ်ခြေထောက်နဲ့ ပေးရမလဲ၊ သူ့ရဲ့ ပေးပို့မှု အသေးစိတ် အချက်အလက်တွေကို ကြည့်ရတာ ပျော်စရာ ကောင်းပါတယ်။ သူက လုံးဝကို အံ့မခန်းပါပဲ။”
“သူက ဗဟိုနောက်ခံလူတွေကို ခွဲထုတ်ပြီး [အာဆင်နယ် ရဲ့] ဗဟိုနောက်ခံလူတွေဆီကနေပဲ ဘောလုံး ဆင်းယူတယ်။ တတိယ ဗဟိုနောက်ခံလူ ဖြစ်လာတယ်။ ပြီးတော့ နောက်တစ်မိနစ် အကြာမှာ ဂိုးဧရိယာထဲမှာ သူဂိုးသွင်းဖို့ ကြိုးစားတယ်။ တစ်ခါတလေ သူလုပ်တဲ့ အရာတချို့က လျှော့တွက်ခံရလေ့ ရှိပါတယ်။ သူက ကျွန်တော့်ရဲ့ စိတ်အားထက်သန်မှု၊ သူ့ရဲ့ စရိုက် လက္ခဏာကြောင့် ကိန်း နေရာ အတွက် အစားထိုးဖို့ သင့်တော်တဲ့သူပါ။ သူ့ကို သိတဲ့သူတိုင်း၊ သူနဲ့ နီးစပ်တဲ့သူတိုင်းက သူ့ကို ချစ်ကြပုံရတယ်။ သူက အင်္ဂလန်အတွက် အစားထိုးလို့ မရတဲ့ ကစားသမားပါ။” လို့ ရွန်နီက ဆိုပါတယ်။
ရိုက်စ်ဟာ အိုင်ယာလန် လက်ရွေးစင် ကစားသမား အဖြစ် ကနေ အင်္ဂလန် လက်ရွေးစင် ကစားသမား အဖြစ် ပြောင်းလဲ ကစားလိုက်ချိန်က စပြီး အသင်း အတွက် ၇၂ ပွဲ ကစားထားခဲ့ပါတယ်။ အသက် ၂၆ နှစ် အရွယ် ကွင်းလယ်လူက ၂၀၂၆ ကမ္ဘာ့ဖလား ပြိုင်ပွဲမှာ သောမတ်စ် တူချယ်ရဲ့ အသင်း အတွက် ချန်ပီယံဆုရရှိရေး မျှော်လင့်ချက်တွေ အတွက် မရှိမဖြစ် ကစားသမား ဆိုရင်လည်း မမှားပါဘူး။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
