ပရီးမီးယားလိဂ် ရာသီသိမ်းပြီးလို့ ရက်ပိုင်း အကြာမှာပဲ ၂၀၂၂-၂၀၂၃ ဘောလုံး ရာသီ အတွက် စူပါ ကွန်ပြူတာရဲ့ ဟောကိန်းတွေ ထွက်ပေါ်လာခဲ့ပါတယ်။
စူပါကွန်ပြူတာ ဟာ နှစ်စဉ် နှစ်တိုင်း ပရီးမီးယားလိဂ်မှာ ဘယ်အသင်း ချန်ပီယံ ဖြစ်မယ်၊ ဘယ်အသင်းတွေ ဥရောပ ပြိုင်ပွဲ ဝင်ခွင့်ရမယ်၊ ဘယ်အသင်းတွေ ကတော့ တန်းဆင်းရမယ် စသဖြင့် နှစ်စဉ် နှစ်တိုင်း ကြိုတင် တွက်ဆ ဟောကိန်း ထုတ်ပေးလေ့ ရှိပြီး ဒီတစ်ကြိမ်မှာ စူပါကွန်ပြူတာ ဘယ်လို တွက်ချက်ထားသလဲ။ ဘယ်လောက် အတိုင်းအတာအထိ ခန့်မှန်းမှုတွေ မှန်ကန်နိုင်မလဲ ဆိုတာ စောင့်ကြည့်ရဦးမှာ ဖြစ်ပါတယ်။
စူပါကွန်ပြူတာရဲ့ ဟောကိန်းထဲ မှာတော့ ပရီးမီးယားလိဂ် လက်ရှိ ချန်ပီယံ မန်ချက်စတာစီးတီး အနေနဲ့ ၃ နှစ် ဆက်တိုက် ချန်ပီယံ ဖြစ်မယ်လို့ ခန့်မှန်းထားခဲ့ပါတယ်။ အဲ့နောက် လစ်ဗာပူးလ်က ဒုတိယ နေရာနဲ့ ချဲလ်ဆီးနဲ့ တော့တင်ဟမ်ဟော့စပါး ကလည်း ဒီရာသီမှာ ရရှိခဲ့တဲ့ အဆင့်တွေ အတိုင်း ဆက်လက် ရပ်တည်နိုင်မယ်လို့လည်း တွက်ဆထားပါတယ်။
ဒီရာသီမှာ အဆင့် ၅ နေရာ ရရှိခဲ့တဲ့ မီခယ် အာတေးတားရဲ့ အာဆင်နယ် ကတော့ နောက်ရာသီမှာ ထပ်ပြီး ရုန်းကန်ရဖို့ ရှိပြီး အဆင့် ၇ နေရာ အထိ လျှောကျသွားမယ်လို့ ဟောကိန်းထုတ်ခဲ့ပါတယ်။ နည်းပြသစ် တန်ဟက်ဂ်ရဲ့ ယူနိုက်တက် ကတော့ ပရီးမီးယားလိဂ် အဆင့် ၆ နေရာ ကနေ အဆင့် ၅ နေရာကို တက်လှမ်းနိုင်မယ်လို့ ခန့်မှန်းထားပါတယ်။ ထူးခြားတာက လာမယ့် နွေရာသီ အပြောင်းအရွှေ့မှာ ငွေကြေး အမြောက်အမြား သုံးစွဲပြီး အင်အား ဖြည့်တင်းမှုတွေ ပြုလုပ်လာမယ့် နယူးကာဆယ်က အာဆင်နယ်ကို ကျော်ပြီး အဆင့် ၆ နေရာ ကနေ ဥရောပဝင်ခွင့် ရနိုင်မယ်လို့ တွက်ဆချက်ပေးထားတာ ဖြစ်ပါတယ်။
အာဆင်နယ်ရဲ့ အောက် အဆင့် ၈ နေရာမှာ ဒေးဗစ်မွိုက်စ်ရဲ့ ဝက်စ်ဟမ်းနဲ့ ဘရန်ဒန် ရော့ဒ်ဂျားစ်ရဲ့ လက်စတာစီးတီးတို့ အသီးသီး ရပ်တည်နိုင်လိမ့်မယ်လို့ ခန့်မှန်းထားခဲ့ပြီး ဂျရတ်ရဲ့ အက်စတွန်ဗီလာ ကလည်း အဆင့် ၁၀ အတွင်း ဝင်မယ်လို့ ဟောကိန်း ထုတ်ခဲ့ပါတယ်။ အဲ့နောက် အဆင့် ၁၁နဲ့ ၁၂ နေရာ တို့မှာ ဘရိုက်တန်၊ ခရစ္စတယ်ပဲလေ့စ် အသီးသီး ရပ်တည်နိုင်မယ်လို့ ဆိုထားပြီး ဒီရာသီမှာ အဆင့် ၈ နေရာ ရခဲ့တဲ့ ဝုဗ် ကတော့ အဆင့် ၁၃ နေရာသာ ရမယ်လို့ တွက်ဆထားခဲ့ပါတယ်။
အဲဗာတန်၊ ဆောက်သမ်တန်နဲ့ လိဒ်စ် တို့ကတော့ ပရီးမီးယားလိဂ်မှာ ဆက်လက် ရပ်တည်နိုင်ဦးမယ်လို့ ခန့်မှန်းထားခဲ့ပြီး ဒီနှစ်မှာ ထူးထူးခြားခြား ခြေစွမ်းပြခဲ့တဲ့ ဘရန့်ဖို့ဒ် ကတော့ အဆင့် ၁၇ နေရာ အထိ ရောက်ရှိသွားမယ်လို့ ဟောကိန်း ထုတ်ထားပါတယ်။
ဒီနှစ်မှာ တန်းတက်လာမယ့် ဖူလ်ဟမ်နဲ့ ဘုန်းမောက် တို့ကလည်း ရာသီအကုန်မှာ ချန်ပီယံရှစ် ဆီ ပြန်ဆင်းသွားရမယ်လို့ တွက်ဆခဲ့ပါတယ်။ ပရီးမီးယားလိဂ် တန်းတက်ခွင့် တစ်နေရာ အတွက် ပလေးအော့ဖ် ဗိုလ်လုပွဲမှာ နော့တင်ဟမ်ဖောရက်စ်တို့ ဟက်ဒါဖီးလ်ကို အနိုင်ရလိမ့်မယ်လို့ ခန့်မှန်းခဲ့ပြီး နော့တင်ဟမ်ဖောရက်စ် အနေနဲ့လည်း တစ်ရာသီသာ ကစားပြီး တန်းပြန်ဆင်းသွားရမယ်လို့ ခန့်မှန်းပေးထားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.