ပရီးမီးယားလိဂ် ကလပ် မန်ချက်စတာယူနိုက်တက်ရဲ့ ဒီနွေရာသီ ကွင်းလယ် ပစ်မှတ်က ပီအက်စ်ဂျီ အသင်းက မန်ဝဲလ် အူဂါတီ ဖြစ်ပါတယ်။ ဒါပေမယ့်လည်း ယူနိုက်တက် အနေနဲ့ ဒီဥရုဂွေး ကွင်းလယ် ခံစစ်ကစားသမားကို ခေါ်ယူနိုင်ဖို့ အတွက် ဆိုရင်တော့ အသင်းမှာ ရှိနေတဲ့ ကွင်းလယ်ခံစစ် ကစားသမား ကက်စ်မဲရိုးကို အရင်ဆုံး ရောင်းထုတ်သွားဖို့ လိုအပ်နေတယ်လို့ သတင်းတွေက ဖော်ပြလျက် ရှိပါတယ်။
ပရီးမီးယားလိဂ် ထိပ်သီး ယူနိုက်တက်ဟာ ကက်စ်မဲရိုး နေရာမှာ အစားထိုးဖို့ အတွက် ဘင်ဖီကာ ဆယ်ကျော်သက် ကွင်းလယ်လူ ကြယ်ပွင့် ယာအို နီးဗက်စ်ကို အစောပိုင်းမှာ ခေါ်ယူချင်ခဲ့တာ ဖြစ်ပါတယ်။ ဒါပေမယ့်လည်း နီးဗက်စ် အတွက် ပေါ်တူဂီ ကလပ် ဘင်ဖီကာ ဘက်က သတ်မှတ်ထားတဲ့ တန်ကြေးက တော်တော်လေး မြင့်မားနေတာကြောင့် ဥရုဂွေး ကွင်းလယ်လူ အူဂါတီ ကိုသာ ပိုမို ပစ်မှတ်ထားလာခဲ့ရတာ ဖြစ်ပါတယ်။ အသက် ၂၃ နှစ် အရွယ် ဥရုဂွေး လက်ရွေးစင် ကွင်းလယ်လူ အူဂါတီဟာ ပြီးခဲ့တဲ့ရာသီကမှ စပိုတင်းလစ္စဘွန်း ကနေ ပီအက်စ်ဂျီ အသင်းထံ ပြောင်းရွှေ့ ရောက်ရှိ လာခဲ့သူ ဖြစ်ပါတယ်။ ဒါပေမယ့်လည်း အူဂါတီက ပီအက်စ်ဂျီ ကွင်းလယ်မှာ ပုံမှန် ပွဲကစားခွင့်ရရှိဖို့ ရုန်းကန်နေရပြီး ဒီနွေရာသီမှာတော့ အသင်းပြောင်းရွှေ့ဖို့ စဉ်းစားလာခဲ့တာ ဖြစ်ပါတယ်။ ဒါ့အပြင် အူဂါတီကို ပီအက်စ်ဂျီ အသင်း ကလည်း ရောင်းထုတ်လိုနေတယ်လို့ သိရပါတယ်။
ဒီအခြေအနေကို စောင့်ကြည့်နေတဲ့ ပရီးမီးယားလိဂ် ကလပ်က အူဂါတီ အတွက် ကမ်းလှမ်းမှု လုပ်ဆောင်ခဲ့ပါတယ်။ ဒါပေမယ့်လည်း ပီအက်စ်ဂျီ အလိုရှိနေတဲ့ တန်ကြေးမျိုး ဖြစ်မနေခဲ့တာကြောင့် ယူနိုက်တက်ရဲ့ ကမ်းလှမ်းချက်က ချက်ချင်းဆိုသလို ပယ်ချခံခဲ့ရပါတယ်။ ဒါပေမယ့်လည်း လက်ရှိမှာတော့ နှစ်သင်းအကြား အူဂါတီရဲ့ အပြောင်းအရွှေ့နဲ့ ပတ်သတ်လို့ ဆွေးနွေးနေမှုတွေ ရှိနေဆဲ ဖြစ်တယ်လို့ သတင်းတွေက ဖော်ပြပါတယ်။ တစ်ဖက် မှာတော့ ယူနိုက်တက်က အူဂါတီကို ခေါ်ယူဖို့ အတွက် အသင်းရဲ့ ကွင်းလယ်လူ ကက်စ်မဲရိုးကို အရင်ဆုံး ရောင်းချပြီး အသုံးစရိတ် ရှာဖွေသွား ရဖို့ ရှိနေတယ်လို့လည်း သိရပါတယ်။
မန်ချက်စတာယူနိုက်တက်ရဲ့ အဓိက ကွင်းလယ်လူ တစ်ဦး ဖြစ်တဲ့ ကက်စ်မဲရိုးဟာ ပြီးခဲ့တဲ့ ဘောလုံးရာသီက စွမ်းဆောင်ရည်တွေ ကျဆင်းခဲ့သူ ဖြစ်ပါတယ်။ အသင်း အတွက် မကြာခဏ ဆိုသလို အမှားတွေ လုပ်ခဲ့တာကြောင့် ယူနိုက်တက် ဘက်ကနေ သူ့ကို ဒီနွေရာသီမှာပဲ ရောင်းထုတ်သွားဖို့ စီစဉ်လာခဲ့တာ ဖြစ်ပါတယ်။ အစောပိုင်းမှာ ကက်စ်မဲရိုးကို အဲလ်နာဆာ၊ အဲလ်အစ်တီဟတ်နဲ့ အဲလ်ဟီလယ် တို့လို ဆော်ဒီပရိုလိဂ် ကလပ်တွေက စိတ်ဝင်စားနေခဲ့တာ ဖြစ်ပါတယ်။ ဒါပေမယ့်လည်း အဲလ်အစ်တီဟတ်က ရိုးမား ကွင်းလယ်လူ ဟူစိန် အာဝါးကို ခေါ်ယူလိုက်သလို အယ်လ်ဟီလယ် ကလည်း ရူဘင် နီးဗက်စ်နဲ့ မီလန် ကိုဗစ် ဆာဗစ် တိုလို့ ထိပ်တန်း ကွင်းလယ်လူတွေ ရှိနေတာကြောင့် လက်ရှိမှာ ကက်စ်မဲရိုးကို စိတ်ဝင်စားနေတဲ့ အသင်း ဆိုလို့ အယ်လ်နာဆာ တစ်သင်းတည်းသာ ကျန်ရှိနေတော့တာ ဖြစ်ပါတယ်။လက်ရှိမှာ ကက်စ်မဲရိုးက အသက် အရွယ်အားဖြင့် ၃၂ နှစ် ရှိပြီ ဖြစ်တာကြောင့် ယူနိုက်တက် အနေနဲ့ ရေရှည်အတွက် လူငယ် ကစားသမား တစ်ဦး မဖြစ်မနေ အစားထိုးဖို့ လိုအပ်နေတာလည်း ဖြစ်ပါတယ်။ ကက်စ်မဲရိုးဟာ ၂၀၂၂ ခုနှစ် ဩဂုတ်လမှာ ယူနိုက်တက်ကို ရီးရဲလ်မက်ဒရစ်ကို ပြောင်းရွှေ့လာခဲ့ပြီးတော့ နှစ်ရာသီ အတွင်း ပွဲပေါင်း ၈၃ ပွဲ ကစားကာ ၁၂ ဂိုး သွင်းယူထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
