ဒီကနေ့ ညနေခင်းအထိ ရရှိထားသမျှ ပရီးမီးယားလိဂ် အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
အင်တာမီလန် ညာနောက်ခံလူ ဒန်ဇဲလ် ဒမ်းဖရီးစ်ကို ခေါ်ယူနိုင်ဖို့ အတွက် ပရီးမီးယားလိဂ် ကလပ် အက်စတွန်ဗီလာနဲ့ မန်ချက်စတာယူနိုက်တက်တို့ အပြိုင်အဆိုင် ကြိုးစားနေကြပါတယ်။
ချဲလ်ဆီး ကတော့ အာဂျင်တီးနား တောင်ပံကစားသမား အလက်ဟန်ဒရို ဂါနာချိုကို အသင်းကို ရောက်ရှိပြီး (၁၂) လအကြာ မှာပဲ ပြန်လည် ရောင်းချဖို့ စဉ်းစားနေပါတယ်။ စတန်းဖို့ဒ်ဘရစ်ချ်မှာ သူဟာ မျှော်လင့်သလောက် ခြေစွမ်းမပြနိုင်ခဲ့ဘူးလို့ ကလပ် အသင်း ဘက်က လက်ခံထားတာကြောင့် အခု နွေရာသီမှာ ရောင်းချဖို့ လမ်းဖွင့်ထားတာပါ။
မန်ချက်စတာယူနိုက်တက် ကွင်းလယ်လူ ဘရူနို ဖာနန်ဒက်စ်ကို ခေါ်ယူဖို့ ဆော်ဒီပရိုလိဂ် ကလပ် အသင်း တော်တော်များများက ပစ်မှတ်ထားနေပြီး ပေါင် ၅၂ သန်း အထိ ပေးချေဖို့ ပြင်ဆင်နေကြပါတယ်။ တစ်ဖက်မှာလည်း တူရကီ ကလပ် ဂါလာတာဆာရေးက သူတို့ရဲ့ ရည်မှန်းချက် ကြီးမားတဲ့ လူသစ် စုဆောင်းမှု အစီအစဉ်ရဲ့ တစ်စိတ်တစ်ပိုင်း အဖြစ် ဘရူနိုကို ခေါ်ယူဖို့ ကြိုးပမ်းနေပါတယ်။
ဒေါ့မန် တောင်ပံ ကစားသမား ကာရင်မ် အဒီယီမီဟာ မန်ချက်စတာယူနိုက်တက်ရဲ့ နွေရာသီ အဓိက တိုက်စစ် ပစ်မှတ် ဖြစ်လာပါတယ်။ ဒါပေမယ့် ချဲလ်ဆီးနဲ့ နယူးကာဆယ်တို့ ကလည်း ခေါ်ယူဖို့ စောင့်ကြည့်နေသလို၊ ဘေယန်မြူးနစ်နဲ့ ပီအက်စ်ဂျီတို့ ကလည်း သူ့ကို စိတ်ဝင်စားနေကြပါတယ်။
အာဆင်နယ် နည်းပြ မီခဲလ် အာတေးတားဟာ ရီးရဲလ်မက်ဒရစ် နောက်ခံလူ အဲလ်ဗာရိုး ကာရီးရက်စ်ကို အခုနွေရာသီမှာ အသင်းသို့ပြောင်းလာဖို့ တိုက်တွန်းထားပါတယ်။ ပရီးမီးယားလိဂ် ကလပ် အာဆင်နယ်က ကာရီးရက်စ် ဘာနေဗျူးမှာ ရရှိတာထက် ပိုမိုတဲ့ ပွဲထွက်ခွင့် နေရာကို ပေးဖို့ ကတိပေးထားပါတယ်။
မန်ချက်စတာစီးတီး အသင်းဟာ နည်းပြ ပက် ဂွါဒီယိုလာကို အသင်းမှာ ဆက်ရှိနေအောင် ဆွဲဆောင်ဖို့ အတွက် ပီအက်စ်ဂျီ ကွင်းလယ်လူ ယာအို နီးဗတ်စ်ကို ခေါ်ယူပေးဖို့ ပြင်ဆင်နေပါတယ်။ မန်စီးတီးဟာ ကစားသမားရဲ့ တန်ဖိုး ဖြစ်တဲ့ ယူရို သန်း ၁၅၀ ကို ပေးချေဖို့လည်း ဝန်မလေးဘူးလို့ သိရပါတယ်။
လစ်ဗာပူးလ် နည်းပြ အာနေး ဆလော့တ်ဟာ ဒဏ်ရာရသွားတဲ့ ဟူဂို အီကီတီကေးရဲ့ နေရာမှာ အစားထိုးဖို့ အတွက် လက်ရှိ စပါးမှာ အငှားနဲ့ ကစားနေတဲ့ ရန်းဒဲလ် ကိုလို မူအာနီကို ခေါ်ယူဖို့ တိုက်တွန်းထားပါတယ်။ သူ့ကို ခေါ်ယူဖို့ ဂျူဗင်တပ်စ် ကလည်း အပြိုင်အဆိုင် စောင့်ကြည့်နေပါတယ်။
မစ်ဂျယ်လန်း အသင်းရဲ့ အသက် ၂၁ နှစ် အရွယ် တိုက်စစ်မှူး ဖရန်ကူလီနိုကို လစ်ဗာပူးလ်၊ အဲဗာတန်၊ ယူနိုက်တက်နဲ့ ဝက်စ်ဟမ်း တို့က စိတ်ဝင်စားနေကြပါတယ်။ သူ့ရဲ့ ပြောင်းရွှေ့ကြေးဟာ ပေါင် ၂၂ သန်းကျော် ရှိနိုင်ပါတယ်။
ဘုန်းမောက် တိုက်စစ်မှူး အီလီ ဂျူနီယာ ခရူပီဟာ သူ့ကို စိတ်ဝင်စားနေတဲ့ အာဆင်နယ်၊ လစ်ဗာပူးလ် ဒါမှမဟုတ် ယူနိုက်တက် အသင်းတွေဆီက ကမ်းလှမ်းမှုရရင် အသင်း ကနေ ထွက်ခွာဖို့ အဆင်သင့် ရှိနေပါတယ်။
ဆန်းဒါးလန်း ကွင်းလယ်လူ အန်ဇို လီဖီး ကတော့ လစ်ဗာပူးလ်နဲ့ ပရီးမီးယားလိဂ် ထိပ်တန်း ကလပ်တွေရဲ့ စိတ်ဝင်စားမှုကို ရရှိနေပါတယ်။ တော့တင်ဟမ်ဟော့စပါး အသင်းဟာ သူတို့ရဲ့ ဗဟိုနောက်ခံလူ ခရ္စရှန် ရိုမီယိုကို ပေါင် ၅၇ သန်း ဝန်းကျင် ရရှိရင် ရောင်းချဖို့ လမ်းဖွင့်ထားပါတယ်။ သူ့ကို အက်တလက်တီကိုမက်ဒရစ်၊ ရီးရဲလ်မက်ဒရစ်နဲ့ မန်ချက်စတာယူနိုက်တက် တို့က ခေါ်ယူလိုနေကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
