ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
မိုဟာမက် ဆာလာ ကတော့ သူ့ရဲ့ စာချုပ်သက်တမ်း ကုန်ဆုံးချိန်မှာ လစ်ဗာပူးလ် ကနေ ထွက်ခွာဖို့ ဆုံးဖြတ်ခဲ့ကြောင်း သိရပါတယ်။ ဒါကြောင့် ပရီးမီးယားလိဂ် ကလပ်က ရီးရဲလ်ဆိုစီဒက် ကစားသမား တာကာဖူဆာ ကူဘိုနဲ့ ပြန်လည် အစားထိုးဖို့ ဖြစ်နိုင်ချေ ရှိတဲ့ အပြောင်းအရွှေ့ အဖြစ် သတ်မှတ်ထားကြောင်း Fichajes က ဖော်ပြလာခဲ့ပါတယ်။
တခြားသော ဆိုစီဒက် ကွင်းလယ် ကြယ်ပွင့် ကစားသမား မာတင်ဇူဘီမန်ဒီ အနေနဲ့ အခုနွေရာသီမှာ ရီးရဲလ်မက်ဒရစ်ကို ပြောင်းရွှေ့လိုနေပေမယ့် အာဆင်နယ်က သူ့ကို ခေါ်ယူဖို့ ပိုမို အားထုတ်လျက် ရှိနေကြောင်း Defensa Central က ဖော်ပြပါတယ်။ အာဆင်နယ်ဟာ ပြီးခဲ့တဲ့ ဆောင်းရာသီ အပြောင်းအရွှေ့မှာ ကတည်းက ဇူဘီမန်ဒီကို ခေါ်ယူဖို့ ပုဂ္ဂိုလ်ရေး အရ သဘောတူညီမှု ရရှိထားပြီး ဖြစ်ကြောင်း သတင်းတွေ ထွက်ခဲ့တာပါ။ ဒါပေမယ့်လည်း စပိန်သားက ရီးရဲလ်မက်ဒရစ်က စိတ်ဝင်စားလာချိန်မှာတော့ စိတ်ကူးပြောင်းပြီး ဆုံးဖြတ်ချက် တွေဝေနေတဲ့ သဘောမှာ ရှိနေပါတယ်။
ချဲလ်ဆီး ကတော့ သူတို့ရဲ့ ညီအစ်မ ကလပ် စထရက်စ်ဘော့ဂ် တိုက်စစ်မှူး အီမန်နူရယ် အီမီဂါကို ခေါ်ယူဖို့ စဉ်းစားနေတယ်လို့ သိရပါတယ်။ အသက် ၂၂ နှစ် အရွယ် နယ်သာလန် ကစားသမား ကတော့ ၂၂ ပွဲ ကစားရာမှာ ၁၂ ဂိုး သွင်းယူထားပါတယ်။ ချဲလ်ဆီးဟာ ပြီးခဲ့တဲ့ နှစ် ငွေစာရင်း ရှင်းတမ်းအရ အမြတ်ငွေ ပေါင်သန်း ၁၃၀ နီးပါး ရရှိထားတာကြောင့် ကစားသမားသစ်တွေ ခေါ်ယူအားဖြည့်နိုင်ဖို့ အခြေအနေကောင်းနေတဲ့ အသင်း ဖြစ်ပါတယ်။
ခရစ္စတယ်ပဲလေ့စ် ဗဟိုခံစစ်မှူး မာ့ခ် ဂူဟီ ကလည်း ချဲလ်ဆီးကို ပြောင်းရွှေ့ ရောက်ရှိဖွယ် ရှိနေကြောင်း သတင်းတွေ ထွက်နေပါတယ်။ ချဲလ်ဆီး အကယ်ဒမီထွက် အင်္ဂလန်သားဟာ ငယ်ဘဝ ကလပ်ကို ပြန်လည် ပြောင်းရွှေ့ဖို့ အတွက် ယုံကြည်မှု ရှိနေတယ်လို့လည်း သိရပါတယ်။ ဂူဟီ ကိုတော့ ချဲလ်ဆီးရဲ့ ပရီးမီးယားလိဂ် ပြိုင်ဘက် လစ်ဗာပူးလ် ကလည်း ပြီးခဲ့တဲ့ အပြောင်းအရွှေ့တွေမှာ စိတ်ဝင်စားခဲ့ပါသေးတယ်။
ပရီးမီးယားလိဂ် ကလပ် မန်ချက်စတာယူနိုက်တက် တာဝန်ရှိသူတွေ ကတော့ ဂိုးသမား ဒါးဗစ် ဒက်ဟဲယားကို အသင်း ကနေ ထွက်ခွာခွင့်ပြုခဲ့တာ မှားယွင်းကြောင်း လက်ခံခဲ့ပြီလို့ သိရပါတယ်။ ဒါကြောင့် ရာသီအကုန်မှာ အန်ဒရေ အိုနာနာကို ရောင်းထုတ်ပြီး သူ့ရဲ့ နေရာမှာ ဒက်ဟဲယားနဲ့ ပြန်လည် အစားထိုးဖို့ စီစဉ်နေကြောင်း သိရပါတယ်။ အိုနာနာ ကိုတော့ အသင်းဟောင်း အင်တာမီလန်ရဲ့ ပြိုင်ဘက် အေစီမီလန်က ခေါ်ယူချင်နေပြီးတော့ ဘွန်ဒက်စ်လီဂါ ကလပ် တချို့ ကလည်း စိတ်ဝင်စားနေကြောင်း သတင်းတွေ ထွက်ပေါ်နေပါတယ်။
စီးရီးအေ ကလပ် ရိုးမား ကတော့ လစ်ဗာပူးလ် တောင်ပံကစားသမား ဖက်ဒရစ်ကို ခီယေဇာကို လာမယ့် ရာသီမှာ အငှားနဲ့ ခေါ်ယူဖို့ ကြိုးစားနေကြောင်း သိရပါတယ်။ ခီယေဇာ ကတော့ စီးရီးအေမှာ ခြေစွမ်းပြနိုင်ခဲ့ပေမယ့် လစ်ဗာပူးလ် မှာတော့ ပုံမှန် ကြံ့ခိုင်မှု မပြည့်ဝတာကြောင့် ပွဲထွက်ခွင့်မရ ဖြစ်နေသူပါ။
အက်စတွန်ဗီလာ ကတော့ တော့တင်ဟမ်ဟော့စပါး ဗဟိုခံစစ်မှူး ခရစ္စတီယန် ရိုမဲယိုကို လာမယ့် နွေရာသီမှာ ခေါ်ယူဖို့ အဆင်သင့် ဖြစ်နေပြီလို့ သိရပါတယ်။ သတင်းတွေအရ ဆိုရင် အာဂျင်တီးနားသားက စပါးရဲ့ ဆေးအဖွဲ့နဲ့ အဆင်မပြေ ဖြစ်နေပြီးတော့ အသင်း ကနေ ထွက်ခွာဖို့ အဆင်သင့် ဖြစ်နေသူပါ။ ဒီကစားသမားကို လာလီဂါ ထိပ်သီး ရီးရဲလ်မက်ဒရစ် ကလည်း ခေါ်ယူဖို့ စိတ်ဝင်စားနေကြောင်း သတင်းတွေ ကျယ်ကျယ်လောင်လောင် ထွက်ပေါ်နေပါတယ်။
စပိန်မြေမှာ ခြေစွမ်းပြနေတဲ့ အန်တိုနီ ကိုတော့ လာလီဂါ ကလပ် ရီးရဲလ်ဘက်တစ်က အငှားနဲ့ ဆက်လက် ထိန်းသိမ်းထားဖို့ လုပ်ဆောင်နေသလို အာဆင်နယ် ကလည်း အံ့အားသင့်ဖွယ် စိတ်ဝင်စားနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
