ဒဏ်ရာ ကနေ ပြန်လာတဲ့ ဘူကာယို ဆာကာ ကတော့ အားသစ်လောင်းထားသလို ဖြစ်နေပြီး သူ့နောက်မှာ ဘန် ဝှိုက် ရှိနေခြင်းက အာဆင်နယ်ရဲ့ ညာတောင်ပံ တိုက်စစ်ကို အန္တရာယ် အရှိဆုံး လမ်းကြောင်း အဖြစ် တစ်ကျော့ပြန် ဖြစ်ပေါ်လာနေစေပါတယ်။ အာဆင်နယ်က ရာသီကုန်ခါနီးချိန်မှာ ပုံစံကောင်း ပြန်ရနေပြီး ပရီးမီးယားလိဂ်၊ ချန်ပီယံလိဂ် ဖလားတွေနဲ့ လက်တကမ်း အကွာမှာ ရောက်နေပါပြီ။
ဘူကာယို ဆာကာ ကတော့ ဧပြီလကုန်ပိုင်းမှာ ဒဏ်ရာ ကနေ ပြန်လည် သက်သာလာပြီးနောက် အာဆင်နယ် အသင်းရဲ့ ပွဲထွက်လူစာရင်းမှာ တဖြည်းဖြည်းချင်း ပြန်လည် ပါဝင်ခွင့်ရလာခဲ့ပေမယ့်လည်း ပါဝင်ခွင့်ရတဲ့ မိနစ်တိုင်းကို အကောင်းဆုံး အသုံးချနေပါတယ်။ ဆာကာက ပြီးခဲ့တဲ့ တပတ်က ဖူလ်ဟမ်နဲ့ ပွဲမှာ ပထမပိုင်းသာ ကစားခဲ့ပေမယ့်လည်း တစ်ဖက် ခံစစ်ကို တစ်ချိန်လုံး ဒုက္ခပေးခဲ့ပြီး ပထမဂိုး အတွက် ဖန်တီးပေးခဲ့သလို ဒုတိယဂိုး ကိုလည်း ကိုယ်တိုင် သွင်းယူခဲ့ပါတယ်။ ဒီစွမ်းဆောင်ရည်က သူ့ရဲ့ ၇ ပွဲ ဆက်တိုက် ဂိုးနဲ့ ဂိုးဖန်တီးမှု မရရှိခဲ့တဲ့ မှတ်တမ်းဆိုးကို အဆုံးသတ်နိုင်ခဲ့တာလည်း ဖြစ်ပါတယ်။
အလားတူ အက်တလက်တီကိုမက်ဒရစ်နဲ့ အင်္ဂါနေ့ညက ပွဲစဉ် မှာလည်း ပွဲချိန် မိနစ် ၆၀ နီးပါး ကစားခဲ့ပြီး ပထမပိုင်း ပြီးခါနီးမှာ အနိုင်ဂိုးကို သွင်းယူကာ ပွဲရဲ့ အဆုံးအဖြတ်ပေးသူ ဖြစ်လာခဲ့ပါတယ်။ သူဟာ အမ်းမရိတ်စ်ကွင်းမှာ ချန်ပီယံလိဂ် ၉ ဂိုးမြောက် သွင်းယူနိုင်ခဲ့ခြင်း ဖြစ်ပြီး အာဆင်နယ် သမိုင်းမှာ ရော်ဘင် ဗန်ပါစီ (၁၃ ဂိုး)နဲ့ သီယို ဝဲလ်ကော့တ် (၁၀ ဂိုး) တို့ ပြီးရင် တတိယမြောက် အများဆုံး ဖြစ်လာခဲ့ပါတယ်။
နည်းပြ မီခဲလ် အာတေးတားက တံကောက်ကြော ဒဏ်ရာက နာလန်ထကာစ ဆာကာကို မိနစ်ပိုင်း အကန့်အသတ်နဲ့ ဂရုတစိုက် အသုံးပြုနေတာကြောင့် ဆာကာ အနေနဲ့ ပိုမို ထက်မြက်လာပုံ ရပါတယ်။ ဖူလ်ဟမ်နဲ့ ပွဲရော၊ အက်တလက်တီကိုနဲ့ ဥရောပ ပွဲစဉ်မှာပါ ဆာကာက အသင်းရဲ့ အထူးချွန်ဆုံး ကစားသမား ဖြစ်ခဲ့ပြီး အသင်းဖော်တွေ မလိုက်နိုင်တဲ့ တိုက်စစ် စွမ်းဆောင်ရည်ကို ပြသနိုင်ခဲ့ပါတယ်။
ဘန်ဝှိုက်နဲ့ ဆာကာတို့၏ အတွဲအဖက်
ထူးခြားတာက အဲဒီ နှစ်ပွဲစလုံးမှာ ဆာကာရဲ့ နောက် ခံစစ်နေရာမှာ ဘန် ဝှိုက် ပြန်လည် ပါဝင်လာခြင်း ဖြစ်ပါတယ်။ သူတို့ နှစ်ဦးဟာ အရင်ရော၊ အခုပါ နားလည်မှု အလွန် ရှိကြသူတွေ ဖြစ်ပါတယ်။ ဘန်ဝှိုက်ဟာ ဆာကာနဲ့ အတူ ပရီးမီးယားလိဂ် ပွဲပေါင်း ၁၁၁ ပွဲ အထိ တွဲဖက် ကစားထားပြီး သူတို့ဟာ တစ်ဦး၏ လှုပ်ရှားမှုကို တစ်ဦးက ကောင်းကောင်း နားလည်ကြပါတယ်။
ဖူလ်ဟမ်နဲ့ ပရီးမီးယားလိဂ် အက်တလက်တီကိုနဲ့ ချန်ပီယံလိဂ် ပွဲစဉ်တွေမှာ အာဆင်နယ်ရဲ့ တိုက်စစ် လမ်းကြောင်းဟာ ညာတောင်ပံ ကိုသာ အဓိက အားပြုခဲ့ပါတယ်။ အက်တလက်တီကိုမက်ဒရစ်နဲ့ ဒုတိယအကျော့ ပွဲမှာ ဆာကာဟာ ဘန်ဝှိုက် ဆီကနေ ဘောလုံး ပေးပို့မှု (၈ ကြိမ်) အထိ ရရှိခဲ့ပြီး ဒါဟာ တခြား အသင်းဖော်တွေရဲ့ ပေးပို့မှုထက် ပိုမို များပြားနေပါတယ်။
ဘန်ဝှိုက်နဲ့ ဂျူရီယန် တမ်ဘာ
ဒီရာသီ အချိန် တော်တော်များများမှာ ဆာကာရဲ့ နောက်မှာ ဂျူရီယန် တင်ဘာက တွဲဖက် ကစားခဲ့ပါတယ်။ တင်ဘာက မတ်လ ခြေကျင်းဝတ် ဒဏ်ရာ မရခင် အထိ တော်တော်လေး ကောင်းမွန်တဲ့ စွမ်းဆောင်ရည်တွေ ပြသခဲ့ပေမယ့်လည်း ဆာကာနဲ့ တွဲဖက်မှု မှာတော့ ဘန်ဝှိုက်လောက် ထိရောက်မှု မရှိခဲ့ပါဘူး။
ကိန်းဂဏန်းတွေအရ ဆာကာဟာ တင်ဘာဆီကနေ ပေးပို့မှု ၁၇၇ ကြိမ် အထိ ရရှိခဲ့ပေမယ့်လည်း၊ ဘန်ဝှိုက်နဲ့ ၄ ပွဲသာ တွဲဖက် ကစားရချိန်မှာ ဘန်ဝှိုက် ပေးပို့တဲ့ အကြိမ် ၄၀ ကနေ ရရှိတဲ့ မျှော်မှန်းဂိုး (xG) ကတော့ တမ်ဘာနဲ့ အတူတူ ဖြစ်နေပါတယ်။ ဆိုလိုတာက ဘန်ဝှိုက်ရဲ့ ပေးပို့မှုတွေဟာ တင်ဘာထက် ပိုမို အန္တရာယ် ရှိနေပြီး ဆာကာ ဆီကို ထိုးဖောက် ပေးပို့မှု ပြုလုပ်နိုင်စွမ်းက တမ်ဘာထက် ၂ ဆခန့် ပိုမို များပြားနေပါတယ်။
အာတေးတား အနေနဲ့ တမ်ဘာရဲ့ ဒဏ်ရာကြောင့် ဘန်ဝှိုက်ကို ပြန်လည် အသုံးပြုခဲ့ရပေမယ့်လည်း၊ ဘန်ဝှိုက် ကတော့ သူ့ရဲ့ တာဝန်ကို အပြည့်အဝ ကျေပွန်နေခဲ့တယ်လို့ပဲ ဆိုရမှာပါ။ ဘန်ဝှိုက်က တမ်ဘာလိုမျိုး ကြံ့ခိုင်မှု သို့မဟုတ် နေရာစုံ ကစားနိုင်မှု မရှိပေမယ့်လည်း၊ အာဆင်နယ်ရဲ့ အဓိက လက်နက် ဖြစ်တဲ့ ဆာကာရဲ့ စွမ်းဆောင်ရည်ကို အကောင်းဆုံး မြှင့်တင်ပေးရာ မှာတော့ သူက ပိုမိုသာလွန်နေပါတယ်။
အာဆင်နယ် အသင်းဟာ ကလပ် သမိုင်းတစ်လျှောက် အကြီးကျယ်ဆုံးသော ရာသီ တစ်ခုကို ပိုင်ဆိုင်ဖို့ လက်တစ်ကမ်း အလိုကို ရောက်ရှိနေချိန်မှာ ဆာကာ-ဘန်ဝှိုက် အတွဲအဖက် ပြန်လည် ရှင်သန်လာဟာ အသင်း အတွက် အလွန် အရေးပါတဲ့ အားသာချက် ဖြစ်လာနိုင်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
