ပရီးမီးယားလိဂ်အပါအဝင်ဥရောပထိပ်တန်းလိဂ်တွေရဲ့အပြောင်းအရွှေ့နဲ့စိတ်ဝင်စားဖွယ်သတင်းတွေကိုဖော်ပြပေးသွားမှာဖြစ်ပါတယ်။
အကယ်၍သာမန်ချက်စတာစီးတီးအနေနဲ့ချန်ပီယံလိဂ်ဝင်ခွင့်နဲ့လွဲချော်ခဲ့ရင်တိုက်စစ်မှူးအာလင်းဟာလန်းအနေနဲ့ပရီးမီးယားလိဂ်ကနေထွက်ခွာဖို့အတွက်တွန်းအားဖြစ်လာဖို့ရှိနေပါတယ်။နော်ဝေတိုက်စစ်မှူးအနေနဲ့လာလီဂါကလပ်ရီးရဲလ်မက်ဒရစ်ကနေထွက်ခွာဖို့ဖြစ်နိုင်ခြေအရှိဆုံးအဖြစ်သတ်မှတ်ခံထားရပါတယ်။
ဘာစီလိုနာကတော့လူးဝစ္စဒီးယက်ဇ်ကိုခေါ်ယူဖို့စိတ်ဝင်စားမှုတိုးလာနေပေမယ့်လည်းလစ်ဗာပူးလ်နဲ့အာဆင်နယ်တို့ရဲ့ပစ်မှတ်ဖြစ်တဲ့နယူးကာဆယ်ကအလက်ဇန္နားအိဆက်ကိုစောင့်ကြည့်နေဆဲဖြစ်ပါတယ်။ကတ်တလန်ကလပ်ဟာအနေနဲ့ကနဦးကမ်းလှမ်းမှုယူရို၆၅သန်း (ပေါင်၅၄.၇သန်း)နဲ့စုစုပေါင်းပေးချေမှုအဖြစ်ယူရိုသန်း၁၁၀ (ပေါင်၉၂.၆သန်း) နဲ့ခေါ်ယူဖို့စဉ်းစားနေကြောင်းလည်းသိရပါတယ်။
ချဲလ်ဆီးနဲ့နယူးကာဆယ်တို့ဟာခရစ္စတယ်ပဲလေ့စ်ဗဟိုခံစစ်မှူးမာ့ခ်ဂူဟီကိုခေါ်ယူဖို့အပြိုင်အဆိုင်စိတ်ဝင်စားနေပါတယ်။ဒါပေမယ့်လည်းဒီကစားသမားကိုလစ်ဗာပူးလ်ကလည်းခေါ်ယူဖို့ပြင်ဆင်နေတာကြောင့်ဖြစ်နိုင်ချေတော့နည်းနေပါတယ်။အသက်၂၄နှစ်အရွယ်အင်္ဂလန်ဗဟိုခံစစ်မှူးဟာဒီရာသီမှာပဲလေ့စ်အတွက်၂၇ပွဲကစားထားပြီး၃ဂိုးသွင်း၊၂ဂိုးဖန်တီးကာခြေစွမ်းပြနေပါတယ်။
အက်လက်တီကိုမက်ဒရစ်ရဲ့ထာဝရဂိုးသွင်းအများဆုံးကစားသမားဖြစ်တဲ့အန်တွန်ဂရစ်ဇ်မန်းကတော့ဒီနှစ်နွေရာသီမှာအသင်းကနေထွက်ခွာဖွယ်ရှိနေပါတယ်။သူ့ကိုတော့မေဂျာလိဂ်ကလပ်အဲလ်အေဖက်စီကခေါ်ယူချင်နေကြောင်းသတင်းတွေထွက်ပေါ်နေပါတယ်။ဂရစ်ဇ်မန်းကတော့လာလီဂါကလပ်အတွက်ပထမတစ်ကြိမ်မှာပွဲပေါင်း၂၅၇ပွဲကစားပြီး၁၃၃ဂိုးသွင်းယူနိုင်ခဲ့သလိုဒုတိယအကြိမ်မှာတော့၁၇၄ပွဲကစားထားပြီးဂိုး၄၀သွင်းယူထားပါတယ်။
ပရီးမီးယားလိဂ်ထိပ်သီးလစ်ဗာပူးလ်ကတော့ဝုဗ်ကွင်းလယ်ကစားသမားယာအိုဂိုးမက်စ်ကိုယူရိုသန်း၅၀ (ပေါင်၄၂သန်း) နဲ့ကမ်းလှမ်းဖို့ဆန္ဒရှိနေတယ်လို့သိရပါတယ်။
တော့တင်ဟမ်ဟော့စပါးနဲ့နယူးကာဆယ်ယူနိုက်တက်တို့ကတော့လီယွန်နယ်မက်ဆီနဲ့တွဲကစားကာခြေစွမ်းကောင်းတွေပြသနိုင်တဲ့အင်တာမိုင်ယာမီကွင်းလယ်လူဘင်ဂျမင်ခရီမာချီရဲ့တိုးတက်မှုကိုစောင့်ကြည့်နေတယ်လို့သိရပါတယ်။
ဘာစီလိုနာနည်းပြဟန်ဆီဖလစ်ခ်ကတော့ဒီနွေရာသီမှာတော့တင်ဟမ်ဟော့စပါးနောက်ခံလူဟောင်းဟွမ်ဖွိုက်ကိုခေါ်ယူဖို့စိတ်အားထက်သန်နေတယ်လို့သိရပါတယ်။စပိန်သားဟာဗီလာရီးရဲလ်အတွက်ပြိုင်ပွဲစုံ၁၂၆ပွဲကစားပြီး၅ဂိုးသွင်းယူထားပါတယ်။
ဝက်စ်ဟမ်းကတော့လိုင်လီကွင်းလယ်လူအိန်ဂျယ်ဂိုးမက်စ်ကိုစိတ်ဝင်စားမှုလျော့ကျသွားပြီးနောက်တော့တင်ဟမ်ဟော့စပါးကစိတ်ဝင်စားလာပါတယ်။စပါးကအင်္ဂလန်လက်ရွေးစင်ကစားသမားကိုအလွတ်ပြောင်းရွှေ့ကြေးနဲ့ခေါ်ယူနိုင်ဖို့ကြိုးပမ်းလာဖွယ်လည်းရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
