ဒီတစ်ခါ မှာတော့ ဩဂုတ်လ ၁၆ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
မက်ဂွိုင်းယားကို စိန်ခေါ်လိုက်တဲ့ တန်ဟက်ဂ်
မန်ချက်စတာယူနိုက်တက် နည်းပြ အဲရစ်ခ် တန်ဟက်ဂ်က ဟယ်ရီ မက်ဂွိုင်းယား အနေနဲ့ အသင်းမှာ ကစားဖို့ ထိုက်တန်တယ် ဆိုတာကို ပြသဖို့ အတွက် လုံလောက်တဲ့ ယုံကြည်ချက် မရှိဘူး ဆိုရင်တော့ ထွက်ခွာရမယ်လို့ ပြောဆိုခဲ့ပေမယ့် အင်္ဂလန် နောက်ခံလူနဲ့ ပတ်သက်ပြီး ပျော်ရွှင်မိတယ်လို့ ပြောဆိုခဲ့ပါတယ်။
ပရီးမီးယားလိဂ် ကလပ် မန်ချက်စတာယူနိုက်တက် နည်းပြက မက်ဂွိုင်းယားကို ပထမအသင်း ပွဲထွက်ခွင့် နေရာ အတွက် စိန်ခေါ်ခဲ့တာ ဖြစ်ပါတယ်။ ဒါပေမယ့်လည်း အဲဒီလို မလုပ်ချင်ရင်လည်း ဒီနွေရာသီမှာ အသင်း ကနေ ထွက်ခွာနိုင်တယ်လို့ ပြောကြားခဲ့တာ ဖြစ်ပါတယ်။
မန်ချက်စတာယူနိုက်တက်ဟာ မက်ဂွိုင်းယား အတွက် ဝက်စ်ဟမ်းရဲ့ ပေါင်သန်း ၃၀ နဲ့ ကမ်းလှမ်းမှုကို လက်ခံခဲ့တာ ဖြစ်ပြီး အင်္ဂလန် နောက်ခံလူဟာ ပြီးခဲ့တဲ့ ရာသီမှာ ဗဟိုခံစစ် နေရာ အတွက် လုခ်ရှောနဲ့တောင် မယှဉ်နိုင်ခဲ့ဘဲ ယခုနွေရာသီ အစောပိုင်းမှာ အသင်းခေါင်းဆောင် ရာထူး ကနေပါ ဖယ်ရှားခြင်းခံခဲ့ရတာ ဖြစ်ပါတယ်။
ဂန်းနား ကြယ်ပွင့်ဟောင်း အတွက် သဘောတူညီမှုရခဲ့တဲ့ အေဂျက်စ်
အေဂျက်စ်ဟာ အာဆင်နယ် လူငယ်ကြယ်ပွင့်ဟောင်း ချူဘာ အက်ခ်ပွန်း အတွက် မစ်ဒယ်ဘရော့နဲ့ သဘောတူညီမှု ရရှိခဲ့ပြီလို့ သိရပါတယ်။
ဒတ်ချ် ထိပ်သီး ကလပ်ဟာ ယခုအပတ်မှာ ချန်ပီယံရှစ် ကလပ်နဲ့ ထပ်ဆောင်း ပေးချေမှု ပေါင် ၁.၇ သန်းပါဝင်တဲ့ ပေါင် ၁၀.၄ သန်းနဲ့ အက်ခ်ပွန်းကို ခေါ်ယူဖို့ သဘောတူညီမှု ရရှိခဲ့တာ ဖြစ်ပြီး ကစားသမား ကလည်း အေဂျက်နဲ့ ၅ နှစ်စာချုပ် ချုပ်ဆိုဖို့ သဘောတူညီခဲ့တာ ဖြစ်ပါတယ်။
ဝါ့ဒ်-ပရောက်စ် ဝတ်ဆင်မယ့်ကျောနံပါတ်ကို ကြေညာခဲ့တဲ့ ဝက်စ်ဟမ်း
ဝက်စ်ဟမ်းဟာ ပရီးမီးယားလိဂ်မှာ နှစ်ပေါင်း ၂၀ ကြာ ကစားပေးခဲ့ပြီးနောက် ယခုနွေရာသီမှာ အသင်းကို ပြောင်းရွှေ့လာတဲ့ ဂျိမ်းစ် ဝါ့ဒ်-ပရောက်စ်ကို ၂၀၂၇ ခုနှစ်အထိ စာချုပ်ချုပ်ဆိုနိုင်ခဲ့ပြီလို့ ကြေညာခဲ့ပါတယ်။
ဝက်စ်ဟမ်းဟာ ဝ့ါဒ်-ပရောက်စ်ရဲ့ ကစားသမား ဘဝမှာ ဒုတိယမြောက် ကိုယ်စားပြု ကစားပေးတဲ့ ကလပ် ဖြစ်လာတော့မှာ ဖြစ်ပြီး အင်္ဂလန် ကွင်းလယ်ကစားသမားဟာ ဆောက်သမ်တန် အကယ်ဒမီကနေ တဆင့် ပထမ အသင်းခေါင်းဆောင် အဖြစ် အဆင့်ဆင့် ဖြတ်ကျော်လာခဲ့သူ ဖြစ်ပါတယ်။ ဝါ့ဒ်-ပရောက်စ်ဟာ အတ္တလန္တာကို ပြောင်းရွှေ့သွားခဲ့တဲ့ ဂျန်လူကာ ဆကမ်မက်ကာ ဝတ်ဆင် ကစားခဲ့တဲ့ ကျောနံပါတ် ၇ ကို ဝတ်ဆင် ကစားသွားမှာ ဖြစ်တယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
