ဘန်လေ – ဝုဗ်ဗာဟမ်တန်ဝမ်းဒါးရားစ်
ပရီးမီးယားလိဂ် ပွဲစဉ် ၃၄ရဲ့ နောက်ထပ် ပွဲစဉ် တစ်ပွဲ မှာတော့ တန်းဆင်းဇုန်ထဲက ဘန်လေတို့ ဝုဗ်ဗာဟမ်တန်ဝမ်းဒါးရားစ်ကို အိမ်ကွင်း တက်ဖ်မောမှာ ရင်ဆိုင်ကစားရမှာ ဖြစ်ပါတယ်။ နည်းပြ ရှောင်ဒိုင်ချ်နဲ့ လမ်းခွဲပြီးနောက် ပုံစံကောင်းတစ်ခုနဲ့ အတူ တန်းဆင်းဇုန်ထဲက အကောင်းဆုံး ရုန်းထွက်ပြနေတဲ့ ဘန်လေတို့ ခြေစွမ်း မတည်မငြိမ် ဖြစ်နေတဲ့ ဝုဗ်ကိုရော အစဉ်အလာ အတိုင်း အသာရသွားနိုင်ဦးမလား ဆိုတာ စောင့်ကြည့်ရမှာ ဖြစ်ပါတယ်။
ဘန်လေတို့ ပြီးခဲ့တဲ့ ၄ ပွဲမှာ ၇ မှတ် ရလိုက်တာကြောင့် ပရီးမီးယားလိဂ် ကနေ တန်းမဆင်းရရေး မျှော်လင်ချက်တွေ တော်တော်လေး ရှင်သန်သွားခဲ့ရပါတယ်။ နော့ဝှစ်ချ်စီးတီးနဲ့ ပွဲမှာ အပိုင်အခွင့်အရေးတွေ အသုံးမချနိုင်လို့ ရှုံးနိမ့်ခဲ့ရပေမယ့် ဝက်စ်ဟမ်းကို တစ်ဂိုးစီ သရေ၊ ဆောက်သမ်တန် ကိုတော့ ၂ ဂိုးပြတ်နဲ့ အနိုင်ယူထားခဲ့ပါတယ်။ လက်ရှိ ပရီးမီးယားလိဂ် အဆင့် ၁၈ နေရာမှာ ရပ်တည်နေတဲ့ ဘန်လေတို့ အပေါ်က အဲဗာတန်နဲ့ ၁ မှတ်သာ ကွာဟပေမယ့် ၁ ပွဲပိုပြီး ကစားထားတာကြောင့် လက်ကျန် ပွဲစဉ်အားလုံးကို ဖောင်ဖျက် တိုက်ရဦးမှာ ဖြစ်သလို ကံတရားရဲ့ ဖေးမခြင်းခံရဖို့လည်း လိုအပ်နေပါသေးတယ်။ ဘန်လေရဲ့ ဒီရာသီ အိမ်ကွင်း စွမ်းဆောင်ရည် ကတော့ အားရစရာ မရှိပေမယ့် ၄ ပွဲနိုင်၊ ၆ ပွဲသရေ၊ ၆ ပွဲ ရှုံး ရလဒ်ကို ပိုင်ဆိုင်ထားပါတယ်။ ဒါကို ကြည့်ခြင်းအားဖြင့် ဘန်လေဟာ အိမ်ကွင်းမှာ ဆိုရင် ရသလောက် အမှတ်ယူတတ်တဲ့ အသင်းလို့ သတ်မှတ်လို့ ရပြီး လက်တလော မှာလည်း အိမ်ကွင်း ၂ ပွဲဆက် အနိုင်ရထားပါတယ်။ အခု လာမယ့် ပွဲကိုတော့ ဘန်မီး၊ ဝက်စ်ဝုဒ်၊ ဂတ်မန်ဆန်၊ အဲရစ်ခ် ပိုင်တားစ် တို့ ဒဏ်ရာကြောင့် လွဲချော်ဦးမယ်လို့ သိရပါတယ်။
ဖြစ်နိုင်ဖွယ်လူစာရင်း – ပုပ်၊ တာကောစကီး၊ ကောလင်းန်စ်၊ ရောဘတ်၊ တေလာ၊ ဘရောင်းဟေးလ်၊ ကော့ခ်၊ မက်နေးလ်၊ ကောနတ်၊ ဝက်ဂ်ဟော့စ်၊ ရိုဒရီဂတ်ဇ်
ဝုဗ် ကတော့ ဧပြီလ ၉ ရက်နေ့မှာ နယူးကာဆယ်ကို ၁-၀ ရလဒ်နဲ့ ရှုံးနိမ့်ပြီး ကတည်းက ပြိုင်ပွဲနဲ့ ဝေးနေခဲ့တာ ဖြစ်ပါတယ်။ လက်ရှိ ပရီးမီးယားလိဂ် အဆင့် ၈ နေရာမှာ ရပ်တည်နေပြီး အဆင့် ၆ နေရာက ယူနိုက်တက်နဲ့ ၅ မှတ် အထိ ကွာဟနေလို့ ဥရောပဝင်ခွင့် တစ်နေရာတောင် မသေချာတော့ပေမယ့် ၁ ပွဲလျော့ ကစားထားတာက မျှော်လင့်ချက် ကောက်ရိုး တစ်မျှင် အဖြစ် ရှိနေဆဲပါ။ ဒါပေမယ့် လက်ကျန် ပွဲစဉ်တွေမှာ မန်စီးတီး၊ ချဲလ်ဆီး၊ လစ်ဗာပူးလ် တို့နဲ့ ကစားဖို့ ကျန်နေသေးလို့ အခုလို လွယ်ကူတဲ့ ပွဲစဉ်ကနေ မဖြစ်မနေ အမှတ်ရအောင် ယူနိုင်ဖို့ လိုအပ်ပါတယ်။ ဝုဗ်ဟာ ဒီရာသီမှာ အိမ်ကွင်း စွမ်းဆောင်ရည်ထက် အဝေးကွင်း စွမ်းဆောင်ရည် ပိုကောင်းပြီး ၈ ပွဲနိုင်၊ ၂ ပွဲ သရေ၊ ၆ ပွဲ ရှုံးထားပါတယ်။ ရူဘင် နီးဗက်စ်၊ ကေးလ်မန်း၊ ပိုဒန့်စ် တို့လို အားထားရတဲ့ ကစားသမားတွေ လက်ရှိ အချိန်ထိ ဒဏ်ရာကြောင့် အနားယူနေရဆဲ ဖြစ်ပြီး အသင်းလိုက် စုဖွဲ့မှု အားနည်းနေတဲ့ အတွက် အခုလာမယ့် ပွဲမှာလည်း ကျိန်းသေပေါက် ရုန်းကန်ရဖွယ် ရှိနေပါတယ်။
ဖြစ်နိုင်ဖွယ်လူစာရင်း – ဆား၊ ဆာအိစ်၊ ကိုဒီ၊ ဘိုလီ၊ မော်တင်ဟို၊ ဒန်ဒွန်ကာ၊ ဆီမီဒို၊ ဂျွန်နီ၊ နီတို၊ ဖေဘီယို ဆေးလ်ဗား၊ ရာအူးလ် ဂျင်မီနက်ဇ်
ထိပ်တိုက်တွေ့ဆုံမှုနဲ့ သမိုင်းကြောင်း
ပြိုင်ပွဲစုံ နောက်ဆုံး တွေ့ဆုံမှု ၁၁ ကြိမ်မှာ ဘန်လေတို့ ၅ ကြိမ် အထိ အနိုင်ရထားပြီး ဝုဗ် ကတော့ ၁ ကြိမ်ပဲ အနိုင်ရထားပါတယ်။ ၅ ကြိမ် ကတော့ သရေ ရလဒ်နဲ့ ပွဲပြီးထားပြီး ပရီးမီးယားလိဂ် နောက်ဆုံး ၅ ပွဲမှာ သရေပွဲ ၃ ပွဲ အထိ ရှိထားပါတယ်။ ဒါ့အပြင် ဘန်လေတို့ ဝုဗ်ကို တက်ဖ်မောမှာ ဧည့်ခံကစားခဲ့တဲ့ နောက်ဆုံး ၅ ပွဲဆက် ရှုံးပွဲ မရှိထားသလို ၃ ပွဲနိုင်ပြီး ၂ ပွဲ သရေကျထားပါတယ်။
လောင်းကစားဆိုင်ရာ အကြံပြုချက်များ
SBOTOPရဲ့ 1X2 မှာ ဘန်လေ အတွက် ၂.၆၆ ဆ၊ ဆောက်သမ်တန် အတွက် ၂.၈၁ ဆ၊ သရေ အတွက် ၂.၉၇ ဆ ကြေးဖွင့်လှစ်ပေးထားပါတယ်။ ရာသီသိမ်းခါနီးလေ ဘန်လေရဲ့ တန်းဆင်းဇုန် ရုန်းအားက ကြောက်စရာ ကောင်းလေပါပဲ။ ရှောင်ဒိုက်ချ် မရှိတော့ပေမယ့် ယာယီ နည်းပြ မိုက်ခ် ဂျက်ဆန်နဲ့ ရလဒ်ကောင်းနေတဲ့ ဘန်လေတို့ ပွဲဝေးနေသလို ခြေစွမ်း မတည်ငြိမ်တဲ့ ဝုဗ်ဆီက အနိမ့်ဆုံး သရေ ၁ မှတ် ရအောင် ကစားဖို့ ကြိုးစားပါလိမ့်မယ်။ အစဉ်အလာ အရလည်း ဝုဗ် တို့ ဘန်လေကို အသာမရခဲ့တာ များလို့ ဒီတစ်ကြိမ် မှာလည်း ဂိုးအနည်းနဲ့ သရေပွဲကိုပဲ မျှော်လင့်ထားချင်ပါတယ်။
ခန့်မှန်းရလဒ် (၁-၁)
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
