သတင်းတွေရဲ့ ဖော်ပြချက် အရ ပရီးမီးယားလိဂ် ကလပ် အာဆင်နယ် ကတော့ ဘေယန်မြူးနစ် တောင်ပံ ကစားသမား လီရွိုင်း ဆာနေးကို စိတ်ဝင်စားလာတယ်လို့ သိရပါတယ်။ အာဆင်နယ် နည်းပြ မီခဲလ် အတေးတားက သူနဲ့ အတူ မန်ချက်စတာစီးတီးမှာ လက်တွဲခဲ့ဖူးတဲ့ ဂျာမနီ တောင်ပံကစားသမား လီရွိင်း ဆာနေးကို ခေါ်ယူဖို့ စိတ်ဝင်စားလျက် ရှိနေပြီး ဆာနေးနဲ့ ဘေယန်မြူးနစ် တိုရဲ့ အခြေအနေကို စောင့်ကြည့်နေတယ်လို့ Sky Sports Germany ကနေ ဖော်ပြလာခဲ့တာ ဖြစ်ပါတယ်။
အာဆင်နယ်ဟာ အထောင် တိုက်စစ်နေရာ အတွက်သာ ကစားသမား လိုအပ်ချက် ရှိနေပေမယ့် တောင်ပံ နှစ်ဖက်မှာ ဘူကာယို ဆာကာ၊ ဂါဘရီရယ် မာတင်နယ်လီနဲ့ လီအန်ဒရို ထရော့ဆက်ဒ် တို့လို ကစားသမားတွေ အပြင် အရံကစားသမားတွေလည်း လုံလုံလောက်လောက် ရှိနေပါတယ်။ မီခဲလ် အတေးတား ကတော့ တောင်ပံကစားသမား မလိုအပ်ပေမယ့် အသင်းရဲ့ ကစားသမား စုဖွဲ့မှုကို ပိုမို အင်အား တောင့်တင်းလာစေဖို့ အတွက် ဆာနေးလို အရည်အသွေးမြင့် ကစားသမားကို အလိုရှိနေခဲ့တာပါ။
အသက် ၂၈ နှစ် အရွယ် ရှိပြီ ဖြစ်တဲ့ ဂျာမန် ညာတောင်ပံကစားသမားဟာ ဘယ်တောင်ပံ မှာ အပြင် ကွင်းလယ် တိုက်စစ်နဲ့ အထောင် တိုက်စစ် နေရာတွေမှာပါ လိုအပ်ရင် လိုအပ်သလို ကစားနိုင်သူ ဖြစ်ပါတယ်။ ဒါ့အပြင် ဒီကစားသမားက ဘေယန်မြူးနစ်နဲ့ စာချုပ်သက်တမ်းက ၁ နှစ်သာ ကျန်ရှိနေပါတယ်။ လက်ရှိမှာ ဆာနေးကို ဘေယန်မြူးနစ် ဘက်က စာချုပ် သက်တမ်းတိုးချင်နေပေမယ့် အသင်းနဲ့ ကစားသမားတို့ အကြားမှာတော့ စာချုပ်သစ်ကိစ္စ အတွက် အခုချိန်ထိ သဘောတူညီမှု မရရှိသေးပါဘူး။ ဒါကြောင့် ဒီအခြေအနေကို ပရီးမီးယားလိဂ် ကလပ် အာဆင်နယ် ဘက်က စောင့်ကြည့်နေပြီး ရရင်ရသလို ခေါ်ယူဖို့ ပြင်နေတာ ဖြစ်ပါတယ်။အာဆင်နယ်ဟာ လက်ရှိမှာ ဗဟိုခံစစ် အပြင် ဘယ်ခြမ်း ခံစစ် မှာပါ ကစားနိုင်တဲ့ အီတလီ ခံစစ် ကစားသမား ရီကာဒို ကာလာဖီအိုရီကို တရားဝင် ခေါ်ယူနိုင်ခဲ့တာကြောင့် အခြား လိုအပ်နေတဲ့ နေရာတွေ အတွက် ကစားသမားသစ် ခေါ်ယူ အားဖြည့်မှုတွေ ပြုလုပ်ရတော့မှာ ဖြစ်ပါတယ်။ အက်ဒူး ဦးဆောင်တဲ့ ကစားသမား ခေါ်ယူတဲ့ အဖွဲ့က နောက်ထပ် အပြောင်းအရွှေ့တွေ ဆက်တိုက် လုပ်ဆောင်နိုင်ဖို့ ကြိုးပမ်းလျက်ရှိပြီး လက်ရှိမှာ ပရီးမီးယားလိဂ် ကလပ်က ကွင်းလယ်ပိုင်း အတွက် အင်အားဖြည့်တင်းမှု လုပ်ဆောင်သွားဖို့ ရှိနေပါတယ်။ လိုအပ်နေတဲ့ အထောင် တိုက်စစ် နေရာ အတွက်လည်း ပစ်မှတ်ဟောင်း ဗစ်တာ အိုဆင်မ်ဟန်နဲ့ ဆွေးနွေးမှုတွေ ပြန်လည် လုပ်ဆောင်သွားဖို့ ရှိနေကြောင်း သတင်းတွေ ထွက်နေသလို စပို့တင်းလစ္စဘွန်းက ဗစ်တာ ယိုကီးယက်စ် ကိုလည်း စောင့်ကြည့်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
