လီဂူးဝမ်း ကလပ် ပီအက်စ်ဂျီ ဂိုးသမား ဂျီယန်လူဝီဂျီ ဒွန်နာရမ်းမား ကတော့ အသင်းနဲ့ လမ်းခွဲတော့မှာ ဖြစ်ကြောင်း အတည်ပြု ကြေညာလိုက်ပြီ ဖြစ်ပါတယ်။ အီတလီ လက်ရွေးစင် ဂိုးသမား ဒွန်နာရမ်းမားဟာ ပီအက်စ်ဂျီနဲ့ စာချုပ်သက်တမ်းတိုးဖို့ အဆင်မပြေဖြစ်နေခဲ့ပြီးနောက် ဒီနွေရာသီ အစောပိုင်း မှာထဲက အသင်းနဲ့ လမ်းခွဲဖို့ နီးစပ်နေကြောင်း သတင်းတွေ ထွက်ပေါ်နေခဲ့သူ ဖြစ်ပါတယ်။
ပီအက်စ်ဂျီ ကလည်း ၂၀၂၆ ခုနှစ်မှာ သက်တမ်း ကုန်ဆုံးမယ့် ဒွန်နာရမ်းမားကို အလွတ် ပြောင်းရွှေ့ကြေးနဲ့ လက်လွှတ်လိုခြင်း မရှိတာကြောင့် သက်တမ်းမတိုးနိုင်ရင် ဒီနွေရာသီမှာပဲ ရောင်းထုတ်ဖို့ စီစဉ်နေခဲ့တာပါ။ ဒါ့အပြင် ပီအက်စ်ဂျီက တော့တင်ဟမ်ဟော့စပါးနဲ့ ဥရောပ စူပါဖလားပွဲ ယှဉ်ပြိုင်မယ့် လူစာရင်း ကနေ ဒွန်နာရမ်းမားကို ချန်လှပ်ခဲ့ပါတယ်။ ဒီလို ဖြစ်ရပ် အပြီး မှာတော့ အီတလီသားက သူ့ရဲ့ Instagram စာမျက်နှာက တဆင့် ပရိသတ်တွေကို နှုတ်ဆက် စကားပြောကြားပြီး အသင်းနဲ့ လမ်းခွဲတော့မှာ ဖြစ်ကြောင်း အတည်ပြုခဲ့တာ ဖြစ်ပါတယ်။
ဒွန်နာရမ်းမားက “ပါရီရဲ့ အထူးပရိသတ်တွေ အတွက် ကျွန်တော် ပထမဆုံး ရောက်တဲ့နေ့က စလို့ ကျွန်တော့်ရဲ့ နေရာကို ရယူနိုင်ခဲ့ပြီး ပဲရစ်စိန့်ဂျာမိန်းရဲ့ ဂိုးပေါက်ကို ကာကွယ်ဖို့ အတွက် ကွင်းထဲမှာရော၊ ကွင်းပြင်မှာပါ အားလုံးကို ပေးဆပ်ခဲ့ပါတယ်။ ကံမကောင်းစွာနဲ့ တစ်စုံတစ်ယောက်က ကျွန်တော့်ကို အဖွဲ့မှာ မပါဝင်နိုင်တော့ပဲ အသင်းရဲ့ အောင်မြင်မှု အတွက် ကူညီရာမှာ မပါဝင်တော့ဖို့ ဆုံးဖြတ်လိုက်ပါတယ်။ ကျွန်တော့် အနေနဲ့ စိတ်ပျက်မိပြီး စိတ်မကောင်းလည်း ဖြစ်မိပါတယ်။” လို့ ရေးသားခဲ့တာ ဖြစ်ပါတယ်။
ဆက်လက်ပြီး “Parc des Princes မှာ ပရိသတ်တွေကို နောက်ထပ် တစ်ကြိမ် ကြည့်ပြီး နှုတ်ဆက်ခွင့် ရဖို့ မျှော်လင့်ပါတယ်။ ဒီလိုမှ မဖြစ်ခဲ့ရင်တော့ ခင်ဗျား တို့ရဲ့ ပံ့ပိုးကူညီမှုနဲ့ ချစ်ခင်မှုက ကျွန်တော့် အတွက် ကမ္ဘာကြီး ဖြစ်ခဲ့တယ်လို့ ဆိုလိုပြီး ဘယ်တော့မှ မေ့မှာ မဟုတ်ဘူး ဆိုတာကို သိစေချင်တယ်။ စိတ်ခံစားမှုတွေ၊ မှော်ဆန်တဲ့ညတွေနဲ့ အိမ်တစ်ခုလို ခံစားစေခဲ့တဲ့ ခင်ဗျား တို့ရဲ့ အမှတ်တရတွေကို ကျွန်တော် အမြဲတမ်း သယ်ဆောင်ထားပါမယ်။ ကျွန်တော့်ရဲ့ ဒုတိယ မိသားစု ဖြစ်တဲ့ ကျွန်တော့်ရဲ့ အသင်းဖော်တွေနဲ့ အတူ တိုက်ပွဲဝင်ချိန်တိုင်း၊ ရယ်မောချိန်တိုင်း၊ ကျွန်တော်တို့ မျှဝေပေးခဲ့တဲ့ အခိုက်အတန့်တိုင်း အတွက် ကျေးဇူးတင်ပါတယ်။ ခင်ဗျား တို့က အမြဲတမ်း ကျွန်တော့်ရဲ့ ညီအစ်ကိုတွေပါ။ ဒီကလပ် အတွက် ကစားပြီး ဒီမြို့မှာ နေထိုင်ရတာ ဂုဏ်ယူစရာပါ။ ကျေးဇူးတင်ပါတယ် ပါရီ။” လို့ ရေးသားခဲ့ပါသေးတယ်။
အဲဒီနေ့ အစောပိုင်းမှာတော့ ပီအက်စ်ဂျီ နည်းပြ လူးဝစ္စ အန်နရီကေးက ဒွန်နာရမ်းမားကို လူစာရင်း ကနေ ချန်လှပ်ဖို့ ခက်ခဲတဲ့ ဆုံးဖြတ်ချက် အတွက် သူ့မှာ ၁၀၀ ရာခိုင်နှုန်း တာဝန်ရှိကြောင်း ပြောကြားခဲ့ပါတယ်။ အန်နရီကေးက “ဒွန်နာရမ်းမားဟာ ကမ္ဘာပေါ်က အကောင်းဆုံး ဂိုးသမားတွေ ထဲက တစ်ဦးပါ။ သံသယ ဖြစ်စရာ မလိုပါဘူး။ လူသား တစ်ဦးထပ် ပိုကောင်းပါတယ်။ ဒါပေမယ့် ဒါက ထိပ်တန်း ဘောလုံးသမားတွေရဲ့ ဘဝပါ။ ဒီခက်ခဲတဲ့ ဆုံးဖြတ်ချက် အတွက် ကျွန်တော့်မှာ ၁၀၀ ရာခိုင်နှုန်း တာဝန်ရှိပါတယ်။ လွယ်တယ် ဆိုရင် ဘယ်သူမဆို လုပ်မှာပေါ့။ ကျွန်တော့် အသင်း လိုအပ်တဲ့ ဂိုးသမားရဲ့ ပရိုဖိုင်နဲ့လည်း သက်ဆိုင်ပါတယ်။” လို့ Sky Italia နဲ့ အင်တာဗျူးမှာ ပြောကြားသွားခဲ့ပါတယ်။
ပီအက်စ်ဂျီဟာ ပြီးခဲ့တဲ့ စနေနေ့က လီဂူးဝမ်း ပြိုင်ဘက် လိုင်လီရဲ့ ဂိုးသမား လူးကပ်စ် ချဗာလီယာကို ပြောင်းရွှေ့ကြေး ယူရို သန်း ၄၀ + အပိုဆုကြေး ယူရို ၁၅ သန်း နဲ့ ခေါ်ယူခဲ့ပါတယ်။ ESPN ရဲ့ ဖော်ပြချက်အရ ချဗာလီယာဟာ ပီအက်စ်ဂျီရဲ့ နံပါတ် ၁ ဂိုးသမား အဖြစ် လက်မှတ် ရေးထိုးခဲ့တာ ဖြစ်ကြောင်းလည်း သိရပါတယ်။ ဒီအခြေအနေက ဒွန်နာရမ်းမားကို အသင်းသစ် ပြောင်းရွှေ့ဖို့ အတွက် ဆုံးဖြတ်ချက် ပိုပြီး ခိုင်မာသွားစေခဲ့တယ်လို့လည်း ပြောလို့ ရပါတယ်။
လက်ရှိမှာ ဒွန်နာရမ်းမားကို ခေါ်ယူဖို့ ပရီးမီးယားလိဂ် ထိပ်သီး ကလပ် များစွာက စိတ်ဝင်စားနေခဲ့ကြပြီး မန်စီးတီးနဲ့ သဘောတူညီမှု ရရှိထားကြောင်းလည်း သတင်းတွေ ထွက်နေပါတယ်။ တစ်ဖက်မှာလည်း ချဲလ်ဆီး၊ မန်ချက်စတာယူနိုက်တက်နဲ့ အင်တာမီလန် တို့ဟာ ဒွန်နာရမ်းမားရဲ့ အေးဂျင့် အင်ဇို ရိုင်အိုလာနဲ့ အဆက်အသွယ် ရှိနေပြီး ပီအက်စ်ဂျီ ဘက်ကတော့ ကမ်းလှမ်းမှုတွေကို လက်ခံ စဉ်းစားဖို့ အသင့်ရှိနေပါတယ်။ ဒွန်နာရမ်းမားဟာ ပြီးခဲ့တဲ့ ရာသီက ပီအက်စ်ဂျီ အတွက် အရေးပါတဲ့ ကစားသမား တစ်ဦး ဖြစ်ခဲ့ပြီး လီဂူးဝမ်း အပါအဝင် ပြည်တွင်း ဆုဖလား ကိုင်မြှောက်နိုင်ခဲ့ပါတယ်။ ဒါ့အပြင် လစ်ဗာပူးလ်၊ အက်စတွန်ဗီလာ၊ အာဆင်နယ် တို့နဲ့ ယှဉ်ပြိုင်ကစားခဲ့တဲ့ ပွဲစဉ်တွေ မှာလည်း လက်စွမ်းပြနိုင်ခဲ့ကာ ပြင်သစ် ကလပ် အတွက် ပထမဦးဆုံးသော ချန်ပီယံလိဂ် ဖလားကို ဆွတ်ခူးနိုင်ဖို့ ကူညီခဲ့တဲ့ ကစားသမားလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
