ချန်ပီယံ မျှော်လင့်ချက် အတွက် အမှားခံမှာ မဟုတ်တဲ့ လိုက်ပ်ဇစ်

လိုက်ပ်ဇစ် – ဟော့ဖန်ဟိမ်း

အခုတစ်ပတ် ဘွန်ဒက်စ်လီဂါရဲ့ အစောဆုံး ပွဲစဉ် တစ်ပွဲအဖြစ် လိုက်ပ်ဇစ်နဲ့ ဟော့ဖန်ဟိမ်းတို့ စနေနေ့ မနက်အစော ၁ နာရီမှာ ကစားဖို့ ရှိနေပါတယ်။ လက်ရှိမှာ ထိပ်ဆုံးက ဘေယန်မြူးနစ်နဲ့ ၅ မှတ်သာ ကွာဟတော့တဲ့ အပြင် တစ်ဖက်ပွဲစဉ်မှာ ဘေယန်မြူးနစ်တို့ ပွဲကြပ်နေလို့ လိုက်ပ်ဇစ်အနေနဲ့ အခွင့်ကောင်းယူရမယ့် ပွဲလည်း ဖြစ်ပါတယ်။

လိုက်ပ်ဇစ်တို့ နောက်ဆုံးကစားခဲ့တဲ့ ဘွန်ဒက်စ်လီဂါ အိမ်ကွင်း ပွဲစဉ် ၂ ပွဲမှာ ဖရန့်ဖတ်နဲ့ သရေကျပြီး ဘေယန်မြူးနစ်ကို ရှုံးနိမ့်ထားပါတယ်။ လက်ကျန် ပွဲစဉ် ၆ ပွဲလောက်ပဲ ကစားဖို့ ကျန်ရှိတော့ချိန်မှာ လိုက်ပ်ဇစ်တို့ သူတို့အသင်းရဲ့ သမိုင်းတစ်လျှောက် ပထမဦးဆုံး အမှတ်ပေးဖလား ကိုင်မြှောက်ခွင့်ရရှိရေး ဂျူလီယန် နေဂဲလ်စ်မန်း အနေနဲ့ မျှော်လင့်ထားပုံပေါ်ပါတယ်။ လက်ရှိမှာ လိုက်ပ်ဇစ်တို့ ဦးဆောင်သူနဲ့ ၅ မှတ် ကွာဟနေသေးတယ် ဆိုပေမယ့် ဘေယန်မြူးနစ် ကလည်း ရောဘတ်လီဝန်ဒေါစကီး ဒဏ်ရာရရှိမှုနဲ့ အတူ ခြေစွမ်း အနည်းငယ် ပြန်ပြီး ကျဆင်းနေပါတယ်။ ဒါ့အပြင် ဘေယန်မြူးနစ်တို့ အခုတစ်ပတ်မှာ ခြေတက်နေတဲ့ ဝုဖ်ဘတ်နဲ့ ကစားရမှာကို လိုက်ပ်ဇစ်တို့ ကျိန်းသေပေါက် အခွင့်ကောင်း ယူပါလိမ့်မယ်။ နောက်ပြီး တန်းတက်လာကာစမှာ ဟော့ဖန်ဟိမ်းကို ရှုံးနိမ့်ခဲ့ပေမယ့် နောက်ပိုင်း တွေ့ဆုံမှု ၆ ကြိမ်မှာ ၅ ကြိမ်အထိ အနိုင်ရထားလို့ ကျွဲနီတွေ အတွက် အနိုင် ၃ မှတ်သေချာတဲ့ ပွဲတစ်ပွဲ ဆိုရင်လည်း မမှားပါဘူး။ လက်တလော အသင်းမှာ ဆဘိုလာဇီ၊ လိုင်မာ၊ တိုင်လာအက်ဒမ်၊ ယူဆက်ဖ် ပိုလ်ဆင်တို့ ဒဏ်ရာကြောင့် အခုပွဲနဲ့ လွဲချော်ဖို့ ရှိနေပါတယ်။

ဘွန်ဒက်စ်လီဂါ အမှတ်ပေးဇယား အလယ်လောက်မှာ ရပ်တည်နေတဲ့ ဟော့ဖန်ဟိမ်းတို့ တကယ်တမ်းကျတော့ တန်းဆင်းဇုန်ဖိအား သက်ရောက်မှု ရှိပါတယ်။ အဆင့် ၁၆ နေရာက အသင်းနဲ့ ၅ မှတ်သာ ကွာဟနေတာကြောင့် ဟော့ဖန်ဟိမ်းတို့ အမှားများခဲ့ရင် အောက်က အသင်းတွေရဲ့ အချိန်မရွေး ကျော်တက်တာ ခံရဖို့ ရှိနေတာပါ။ ဟော့ဖန်ဟိမ်း တို့ ဝုဖ်ဘတ်လို အသင်းကို အနိုင်ရခဲ့ပေမယ့် ဘွန်ဒက်စ်လီဂါ နောက်ဆုံး ၄ ပွဲမှာ ၃ ပွဲရှုံးပြီး ၁ ပွဲသာ သရေကျထားပါတယ်။ နောက်ပြီး အသင်းမှာ ကစားသမား အများအပြား ဒဏ်ရာပြသနာရှိနေလို့ လိုက်ပ်ဇစ်လို အသင်းကောင်းတစ်သင်းကို လက်ရှိစုဖွဲ့မှုနဲ့ ဘယ်လိုမှကို ယှဉ်နိုင်မှာ မဟုတ်ပါဘူး။ အဝေးကွင်းမှာ ဆိုရင်လည်း ရုန်းကန်နေရတဲ့ ဟော့ဖန်ဟိမ်းတို့ အခုပွဲကနေ တစ်မှတ်‌တောင် မျှော်လင့်လို့ ရနိုင်မယ့် အခြေအနေ မရှိပါဘူး။

ထိပ်တိုက်တွေ့ဆုံမှုနဲ့ သမိုင်းကြောင်း

လိုက်ပ်ဇစ်တို့ ဟော့ဖန်ဟိမ်းနဲ့ နောက်ဆုံး ၁၀ ကြိမ်တွေ့ဆုံမှုမှာ ၆ ကြိမ်အထိ အနိုင်ရထားပြီး ၂ ပွဲရှုံးကာ ၂ ပွဲသရေကျထားပါတယ်။ ပြီးခဲ့တဲ့ တွေ့ဆုံမှု ၆ ကြိမ်မှာတော့ လိုက်ပ်ဇစ်တို့ ၅ ကြိမ်အထိ အနိုင်ယူထားခဲ့တာ တွေ့ရပါတယ်။ အခုနှစ် ဘောလုံးရာသီ ပထမအကျော့မှာလည်း ဟော့ဖန်ဟိမ်းတို့ ပိုလ်ဆင်ရဲ့ တစ်လုံးတည်းသော သွင်းဂိုးနဲ့ အနိုင်ရထားခဲ့ပါတယ်။

လောင်းကစားဆိုင်ရာအကြံပြုချက်များ

	လိုက်ဇစ် vs ‌ဟော့ဖန်ဟိမ်း	1X2 လိုက်ဇစ် @ 1.39
	ဧပြီလ ၁၇ ရက်, မနက် ၁:၀၀ နာရီ (GMT + ၆:၃၀)

1X2 ရဲ့ ပေါက်ကြေးအရ အိမ်ရှင်အသင်းအတွက် ၁.၃၆ ဆ နဲ့ ဧည့်သည်အသင်းအတွက် ၈.၅၀ ဆ ကြေးဖွင့် ပြီး သရေအတွက် ၅.၀၀ ဆ ကြေးဖွင့်ထားတာ တွေ့ရပါတယ်။ လက်တလော လိုက်ပ်ဇစ်တို့ ပုံစံကောင်းတစ်ခု ပြန်မရသေးဘူး ဆိုပေမယ့် ဟော့ဖန်ဟိမ်း ကိုတော့ အနိုင်ယူနိုင်စွမ်းရှိနေပါတယ်။ နောက်တစ်ချက်က ဘွန်ဒက်စ်လီဂါ ချန်ပီယံဆု အတွက် မျှော်လင့်ချက် ရောင်ခြည် ပြန်သမ်းလာလို့ လက်ကျန်ပွဲတွေမှာ လိုက်ပ်ဇစ်တို့ တတ်နိုင်သမျှ ရမှတ် ရှာဖွေပါလိမ့်မယ်။ လိုက်ပ်ဇစ် ကိုပဲ ကြိုက်ပါတယ်။ ဂိုးပြတ်မပြတ်ပဲ စောင့်ကြည့်ရမှာပါ။

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )