လာလီဂါ – မနက်ခင်း သတင်းများ (၇/၁၀/၂၀၂၂)

အောက်တိုဘာ ၇ ရက်နေ့ မနက်ခင်း အထိ နောက်ဆုံး ရရှိထားသမျှ လာလီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။

ရာဖင်ညာကို ပိုပြီးတော့ တကိုယ်ကောင်းဆန်ဖို့ ဇာဗီ တိုက်တွန်း

လာလီဂါ ကလပ် ဘာစီလိုနာ နည်းပြ ဇာဗီက အသင်းရဲ့ တောင်ပံကစားသမား ရာဖင်ညာကို တကိုယ်ကောင်းဆန်ဖို့ တိုက်တွန်းလိုက်ပါတယ်။ လိဒ်ယူနိုက်တက် ကနေ ဘာစီလိုနာကို ရောက်ရှိလာပြီးနောက် ခြေစွမ်းပြနိုင်ခဲ့တဲ့ ရာဖင်ညာက နောက်ပိုင်းပွဲတွေမှာ သွင်းဂိုးနဲ့ ဖန်တီးမှုတွေ ပြုလုပ်နိုင်ဖို့ ရုန်းကန်နေရပြီး ဇာဗီက သူ့ကစားသမားကို အခုလိုမျိုး အကြံဉာဏ်ပေးခဲ့တာလည်း ဖြစ်ပါတယ်။ 

ဒီရာသီမှာ သွင်းဂိုး ၁ ဂိုးနဲ့ ဖန်တီးမှု ၁ ကြိမ်သာ ပြုလုပ်ထားနိုင်သေးတဲ့ ရာဖင်ညာက အင်တာမီလန်ကို ၁-၀ နဲ့ အရေးနိမ့်ခဲ့တဲ့ ချန်ပီယံလိဂ် ပွဲစဉ် မှာတော့ စိတ်ပျက်စရာ ခြေစွမ်းမျိုးနဲ့ မြင်တွေ့ခဲ့ရတာ ဖြစ်ပါတယ်။ အဲ့ဒီ ပွဲမှာ ရာဖင်ညာက ဘယ်တောင်ပံမှာ ကစားခွင့်ရခဲ့တာ ဖြစ်ပြီး သူ ခြေစွမ်းပြနိုင်ဖို့ ခက်ခဲနေချိန်မှာ ဇာဗီက ညာတောင်ပံကို ပြောင်းကစားခိုင်းခဲ့ရပြီး အပြောင်းအလဲတွေ လုပ်ခဲ့ရပါတယ်။ 

ဇာဗီက “ သူ့အတွက်သူ တကိုယ်ကောင်း ပိုဆန်ဖို့ လိုပါတယ်၊ အထူးသဖြင့် သူ ဂိုးသွင်းနိုင်မယ် ဆိုတဲ့ အမြင်မျိုး ရှိချိန်မှာ တကိုယ်ကောင်း ပိုဆန်သင့်တယ်” လို့ ပြောဆိုခဲ့တာပါ။ ဇာဗီက ရာဖင်ညာကို အဝေးကန်ချက်တွေက ဂိုးရယူနိုင်မယ့် သူလို့ ယုံကြည်ထားပြီး အသင်းဖော်တွေကို ဖန်တီးပေးဖို့ထက် ဂိုးရနိုင်မယ်လို့ ခံစားမိတဲ့အချိန်မှာ ဂိုးပေါက်ကို တိုက်ရိုက် ကန်သွင်းစေချင်နေတာလည်း ဖြစ်ပါတယ်။ 

ယူရိုပါလိဂ် ဖလားယူပေးခဲ့တဲ့ လိုပက်တက်ဂီကို ထုတ်ပယ်ပြီး နည်းပြသစ်နဲ့ အစားထိုးခဲ့တဲ့ ဆီဗီလာ

ဒီရာသီမှာ ရလဒ်တွေ ဆိုးရွားနေတဲ့ လာလီဂါ ကလပ် ဆီဗီလာ ကတော့ နာမည်ကျော် နည်းပြ တစ်ဦး ဖြစ်တဲ့ ဂျော့ဆမ်ပါအိုလီကို နည်းပြသစ် အဖြစ် ခန့်အပ်လိုက်ပြီ ဖြစ်ပါတယ်။ နည်းပြဟောင်း လိုပက်တက်ဂီကို ဗုဒ္ဓဟူးနေ့မှာ ထုတ်ပယ်ခဲ့တာ ဖြစ်ပြီး အာဂျင်တီးနား လက်ရွေးစင် နည်းပြဟောင်း ဆမ်ပါအိုလီကို အစားထိုးခဲ့တာ ဖြစ်ပါတယ်။

ဆီဗီလာက ဆမ်ပါအိုလီကို ၂ နှစ် စာချုပ်ချုပ်ဆိုခဲ့တာ ဖြစ်ပြီး ဒီနည်းပြ အနေနဲ့ အသင်းကို လမ်းကြောင်းမှန်ပေါ် ပြန်လည် ပို့ဆောင်ပေးနိုင်ဖို့လည်း မျှော်လင့်နေတာ ဖြစ်ပါတယ်။ လိုပက်တက်ဂီဟာ ဆီဗီလာကို ယူရိုပါလိဂ်ဖလား ရယူနိုင်အောင် စွမ်းဆောင်ပေးနိုင်ခဲ့ပေမယ့်လည်း ဒီရာသီမှာ အသင်းရဲ့ ရလဒ်တွေက တော်တော်လေး ဆိုးရွားနေပြီး သူ့ကို အချိန်ပေးခဲ့ပေမယ့်လည်း ဆွဲတင်ပေးနိုင်ခြင်း မရှိခဲ့တာကြောင့် ထုတ်ပယ်ခံခဲ့ရတာ ဖြစ်ပါတယ်။ 

နည်းပြသစ် ဖြစ်လာတဲ့ ဆမ်ပါအိုလီက “ ကွင်းထဲမှာရော၊ ပွဲတခုလုံးမှာပါ သာလွန် ကောင်းမွန်နေအောင် အသင်းကို ပြန်လည် တည်ဆောက်ချင်ပါတယ်၊ ကစားသမားတွေ ဆီမှာ ဖိအားတွေ ရှိနေတာ ကောင်းပါတယ်၊ ဒါက တိုက်ခိုက်ရေး အားကစားနည်း တစ်ခု မဟုတ်ပါဘူး” လို့ပြောဆိုခဲ့ပါတယ်။ ဒါ့အပြင် ဆမ်ပါအိုလီဟာ ဆီဗီလာ နည်းပြသစ် ဖြစ်လာပြီးနောက် အသင်းသား တစ်ဦးချင်းစီနဲ့ တွေ့ဆုံ စကားပြောခဲ့တယ် လို့လည်း သိရပါတယ်။ 

လာလီဂါမှာ ခြေစွမ်းပြနေတဲ့ လီဝမ်ဒေါစကီးကို မအံ့ဩဘူးဆိုတဲ့ အလာဘာ

လာလီဂါ ကလပ် ရီးရဲလ်မက်ဒရစ် နောက်ခံလူ ဒေးဗစ်အလာဘာ ကတော့ ဘေယန်မြူးနစ် အသင်းဖော်ဟောင်း ရောဘတ် လီဝမ်ဒေါစကီးရဲ့ အသင်းသစ် ဘာစီလိုနာမှာ ခြေစွမ်းပြနေမှုက အံ့အားသင့်စရာ မရှိဘူးလို့ ပြောဆိုလိုက်ပါတယ်။ လီဝမ်ဒေါစကီးက လာလီဂါမှာ ထိပ်တန်း ဂိုးသွင်းရှင် အဖြစ် ရပ်တည်နေပြီး လိဂ်အသစ် အသင်းသစ်မှာ ခြေစွမ်းပြနေကာ ၉ ဂိုး အထိ သွင်းယူပေးထားပြီး ၂ ကြိမ် ဖန်တီးပေးထားပါတယ်။ 

ဒေးဗစ် အလာဘာက “ ကျနော် ကတော့ လီဝီ အတွက် ဘာမှမအံ့ဩပါဘူး၊ မြူးနစ်မှာ ရှိနေတုန်းက သူ့အကြောင်းကို ကျနော် ကောင်းကောင်းသိခဲ့ပါတယ်၊ စပိန်မှာ သူလုပ်ပြနေတာတွေကို ကျနော် မြင်ဖူးပြီးသားပဲ၊ သူက ကမ္ဘာ့အကောင်းဆုံးတွေထဲက တစ်ဦး ဖြစ်ပြီးတော့ နှစ်တွေ အကြာကြီး ဒီလိုပုံစံကို သူ ပြသခဲ့သလို ဒီရာသီမှာလည်း သူ ထပ်ပြီးတော့ ပြသနေပါတယ်” လို့ ပြောဆိုခဲ့ပါတယ်။ လာမယ့် ၁၀ ရက်အတွင်းမှာ ဘာစီလိုနာနဲ့ ရီးရဲလ်မက်ဒရစ်တို့ ကစားရမယ့်ပွဲ ရှိနေပြီး အလာဘာက အသင်းဖော်ဟောင်းကို ပြန်ရင်ဆိုင်ရတော့မှာပါ။ လီဝမ်ဒေါစကီးရဲ့ ခြေစွမ်းပြနေမှုကြောင့် အလာဘာတို့ အုပ်စု အခက်တွေ့ဖွယ်ရာလည်း ရှိနေပြီး လာမယ့် အယ်လ်ကလက်စီကို ဒါဘီ ပွဲစဉ်က တော်တော်လေး ရင်ခုန် စိတ်လှုပ်ရှားစရာ ဖြစ်နေမှာတော့ သေချာပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.