လာလီဂါ ကလပ် ဘာစီလိုနာရဲ့ နယ်သာလန် ကွင်းလယ်လူ ဖရန်ကီ ဒီယောင် ကတော့ သူ့ရဲ့ အနာဂတ်နဲ့ ပတ်သတ်လို့ ဖွင့်ဟ ပြောဆိုလာခဲ့ပါတယ်။ ဒီယောင်က နယ်သာလန် ဘောလုံး မဂ္ဂဇင်း Voetbal Internationalနဲ့ အင်တာဗျူးမှာ သူရဲ့ အနာဂတ်နဲ့ ပတ်သက်ပြီး ပွင့်ပွင့်လင်းလင်း ဖွင့်ဟ ပြောကြားသွားခဲ့တာ ဖြစ်ပါတယ်။
ဒီယောင်က“လူတွေ ကတော့ ကျွန်တော် ဘာစီလိုနာ အသင်းမှာ ထာဝရနေသွားမယ်လို့ ထင်ကြပါလိမ့်မယ်။ ဘာကြောင့်လဲ ဆိုတော့ ဒီမှာ ဘောလုံး လောကရဲ့ အပြင်ဘက်မှာက နေရထိုင်ရ ကောင်းလို့လေ။ ဒါက ကောင်းတယ် ဆိုပေမယ့် ကွင်းထဲမှာ ဖြစ်ပျက်နေတာတွေက အမြဲတမ်း ပိုပြီး အရေးကြီးပါတယ်။ ကျွန်တော်က အသင်း အတွက် လုံလောက်အောင် မပါဝင်နိုင်ဘူး ဒါမှမဟုတ် အသင်းက ပြိုင်ဆိုင်မှု မရှိဘူး ဆိုရင်တော့ ကျွန်တော် အသင်း ကနေ ထွက်သွားမှာပါ။” လို့ ပြောဆိုသွားခဲ့ပါတယ်။
ဆက်လက်ပြီး “ကျွန်တော် ဘာစီလိုနာနဲ့ လက်တွဲလိုက်ချိန်တုန်းက အသင်းနဲ့ အတူ ၄ နှစ်လောက် ဖြတ်သန်း အပြီးမှာ လာလီဂါ ဖလား ၁ လုံး ကိုပါဒယ်ရေး ဖလား ၁ လုံး နဲ့ စပိန် စူပါဖလား ၁ လုံးပဲ ရခဲ့လိမ့်မယ်လို မတွေးမိခဲ့ပါဘူး။ အနည်းဆုံးတော့ ဖလား ၂ လုံးစီလောက် ယူနိုင်လိမ့်မယ်လို့ ထင်ခဲ့တာ။ ဒါကလည်း ကျွန်တော့်ကို စိတ်ပျက်စေခဲ့ပါတယ်။” လို့ ဒီယောင်က ပြောကြားခဲ့ပါတယ်။
နယ်သာလန် လက်ရွေးစင် ကွင်းလယ် ကစားသမား ဖရန်ကီ ဒီယောင်ဟာ အေဂျက်စ် ကနေ ဘာစီလိုနာဆီ ရောက်ရှိလာစဉ် ကတည်းက ဘာစီလိုနာရဲ့ အရေးပါတဲ့ ကစားသမား တစ်ဦး ဖြစ်ခဲ့ပါတယ်။ ဒါ့အပြင် ဒီယောင် ကိုယ်တိုင် ကလည်း ဘယ်အသင်းတွေဆီက စိတ်ဝင်စားမှု ရရ ဒါတွေကို လစ်လျူရှုပြီး ဘာစီလိုနာ မှာသာ ကစားသမား ဘဝကို ဆက်လက် ဖြတ်သန်းခဲ့ပါတယ်။ ဒီယောင်ရဲ့ နည်းပြဟောင်း နည်းပြ အဲရစ်ခ် တန်ဟက်ဂ်ဟာ ယူနိုက်တက် နည်းပြ အဖြစ် လုပ်ကိုင်နေစဉ်က ဒီယောင်ကို အရ ခေါ်ယူဖို့ ကြိုးပမ်းခဲ့ဖူးသလို ဘေယန်မြူးနစ် ကလည်း အသင်း ကနေ ထွက်ခွာနိုင်တဲ့ ကွင်းလယ်လူ ဂျော်ရွှာ ကင်မစ်ချ် နေရာမှာ ဒီယောင်နဲ့ အစားထိုးဖို့ စိတ်ဝင်စားခဲ့ပါသေးတယ်။
ဒါပေမယ့် ဒီယောင် ကတော့ အသင်းပြောင်းရွှေ့ဖို့ထက် ဘာစီလိုနာ မှာသာ သစ္စာ ရှိစွာ ဆက်လက် ကစားခဲ့တာ ဖြစ်ပါတယ်။ လက်ရှိ မှာတော့ ဒီယောင်ဟာ ဘာစီလိုနာနဲ့ ၂၀၂၆ ခုနှစ်မှာ စာချုပ် သက်တမ်း ကုန်ဆုံးတော့မှာ ဖြစ်ပါတယ်။ ဒီယောင်ဟာ ခြေချင်းဝတ် ဒဏ်ရာ သက်သာပြီး နောက်ပိုင်း လာလီဂါ ကလပ်မှာ ပွဲကစားခွင့် ပုံမှန် မရတော့ပဲ လက်ရှိ မှာတော့ သူ့ရဲ့ အနာဂတ် အတွက် စဉ်းစားစရာတွေ ရှိနေခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
