အခုတစ်ခါမှာတော့ မတ်လ ၁၆ ရက်နေ့ နေ့လည်ခင်းအထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
လာလီဂါ ကလပ် ဘာစီလိုနာဟာ အင်တာမီလန်ရဲ့ တိုက်စစ် ကစားသမား မားကပ်စ် သူရမ် ကိုလည်း ခေါ်ယူဖို့ စဉ်းစားနေပါတယ်။ သူ့ရဲ့ တန်ကြေးဟာ ယူရို သန်း ၆၀ ဝန်းကျင် ရှိနေပါတယ်။
လာလီဂါ ထိပ်သီး ရီးရဲလ်မက်ဒရစ်မှာ ကစားသမားဘဝ အစပြုရုံပဲ ရှိသေးတဲ့ လူငယ် ကစားသမားလေး သီယာဂို ပီတာ့ချ်ကို ဆန်းဒါးလန်းက မျက်စိကျနေပါတယ်။ ဆန်းဒါးလန်းဟာ သူ့အတွက် ယူရို ၁၅ သန်း ဝန်းကျင်နဲ့ ကမ်းလှမ်းဖို့ စဉ်းစားနေပါတယ်။
ရီးရဲလ်မက်ဒရစ် အကယ်ဒမီထွက် ကစားသမားလေးတွေ ခြေစွမ်းပြနေပေမယ့် အာဂျင်တီးနား လူငယ်လေး မက်စတန်တူအိုနို ကတော့ ခြေစွမ်းပြဖို့ ရုန်းကန်နေရပါတယ်။ နည်းပြ အဲလ်ဗာရို အာဘီလိုအာ ကတော့ မက်စတန်တူအိုနိုကို အသင်းရဲ့ အနာဂတ် စီမံကိန်းတွေမှာ အရေးပါတဲ့သူ အဖြစ် ဆက်လက် ယုံကြည်ထားပါတယ်။
ကွင်းလယ် တိုက်စစ် ကစားသမားသစ် တစ်ဦး ရှာဖွေနေတဲ့ ရီးရဲလ်မက်ဒရစ်ဟာ ဂန့်ခ် အသင်းရဲ့ ဂရိ လူငယ် ကြယ်ပွင့်လေး ကွန်စတင်တီနို့စ် ကာရက်တ်ဆက်စ် ကိုလည်း ပစ်မှတ်ထားနေပါတယ်။
ဘာစီလိုနာ ဥက္ကဋ္ဌ ယိုအန် လာပေါ်တာက မားကပ်စ် ရက်ရှ်ဖို့ဒ်ကို အပြီးသတ် ခေါ်ယူဖို့ စာချုပ်အချက်အလက်တွေကို ပြန်လည် ညှိနှိုင်းချင်တယ်လို့ ဆိုထားပါတယ်။ ဒါပေမယ့် ယူနိုက်တက် ဘက်ကတော့ ပြီးခဲ့တဲ့နွေရာသီက သတ်မှတ်ထားတဲ့ ဒေါ်လာ ၃၄.၄ သန်းထက် ရက်ရှ်ဖို့ဒ်ရဲ့ တန်ကြေးက ပိုမြင့်တက်လာပြီလို့ ယူဆနေတာကြောင့် ပြောင်းရွှေ့ကြေးကို တိုးမြှင့်တောင်းဆိုဖွယ် ရှိနေပါတယ်။
စပိန် ဒုတိယတန်း ကလပ် အဲလ်ီမီရီးယား ရှယ်ယာရှင်တစ်ဦး ဖြစ်လာတဲ့ ခရစ္စတီယာနို ရော်နယ်ဒိုဟာ စပို့တင်းလစ္စဘွန်းရဲ့ အသက် ၁၈ နှစ် အရွယ် ကြယ်ပွင့်လေး ဖလားဗီယို ဂွန်ဆာဗတ်စ်ကို ခေါ်ယူဖို့ သူ့အသင်းကို လမ်းညွှန်မှုတွေ ပေးထားပါတယ်။
ဒေါ့မန်ဟာ တိုက်စစ် ကစားသမားတွေ ဖြစ်တဲ့ ကာရင်မ် အဒီယီမီနဲ့ ဆာဟူး ဂူရက်ဆီ တို့ကို ရောင်းချပြီး ယူရို ၁၁၀ သန်း အထိ ရရှိဖို့ မျှော်လင့်နေပါတယ်။ သူတို့ နှစ်ဦးစလုံးကို ပရီးမီးယားလိဂ် အသင်း တော်တော်များများက စိတ်ဝင်စားနေကြပါတယ်။
မန်စီးတီး နည်းပြ ပပ် ဂွါဒီယိုလာ ကတော့ ဝက်စ်ဟမ်းနဲ့ သရေကျခဲ့ပေမယ့် ပရီးမီးယားလိဂ် ချန်ပီယံလုပွဲက အဆုံးမသတ်သေးကြောင်း ဇယား ထိပ်ဆုံးက အာဆင်နယ်ကို သတိပေးသွားခဲ့ပါတယ်။ တန်းဆင်းဇုန်က ဝက်စ်ဟမ်းကို မန်စီးတီးတို့ သရေသာ ကစားနိုင်ခဲ့ပေမယ့် အာဆင်နယ် ကတော့ အဲဗာတန်ကို အနိုင်ရခဲ့တာကြောင့် အမှတ်ပေးဇယားကို ၉ မှတ် အထိ ပြန်လည် ဖြတ်တောက်နိုင်ခဲ့ပါတယ်။
လက်ရှိ ရာသီ သရေ ၇ ပွဲအထိ ကြုံတွေ့ခဲ့ရပြီ ဖြစ်တဲ့ မန်စီးတီးဟာ ဝက်စ်ဟမ်းနဲ့ ပွဲမှာ အရင် ဦးဆောင်နိုင်ခဲ့ပေမယ့် ချက်ချင်းဆိုသလို ပြန်လည် ချေပနိုင်ခဲ့တာကြောင့် ယခုလို ချေပဂိုး သွင်းယူခံရတဲ့ အနေအထားမျိုးက တစ်ရာသီ အတွင်း အများဆုံး ၁၃ ကြိမ် အထိ ရှိလာခဲ့ပါပြီ။
မန်ချက်စတာယူနိုက်တက် ယာယီ နည်းပြ ဖြစ်သူ မိုက်ကယ် ကာရစ်ခ်ဟာ အသင်းရဲ့ လာမယ့် ၂ နှစ် အတွင်း ပရီးမီးယားလိဂ် ချန်ပီယံ ဖြစ်ရေး ပစ်မှတ်ကို အားပေး ထောက်ခံခဲ့ပါတယ်။ ယူနိုက်တက်ဟာ ပြီးခဲ့တဲ့ရာသီက နှစ်ပေါင်း ၅၁ နှစ် အတွင်း အဆိုးရွားဆုံး အဆင့် ရပ်တည်မှု အဖြစ် ပရီးမီးယားလိဂ်မှာ အဆင့် ၁၅ နေရာနဲ့ ကျေနပ်ခဲ့ရပြီး အသင်း တာဝန်ရှိသူတွေ ကတော့ ၂၀၂၈ ခုနှစ်ကျရင် ပရီးမီးယားလိဂ်မှာ ပြန်လည် ဗိုလ်စွဲနိုင်ဖို့ ပစ်မှတ်ထားနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
