အက်စတွန်ဗီလာ ကတော့ ယူရိုပါလိဂ် ဆီမီးဖိုင်နယ် ပထမအကျော့က ရှုံးနိမ့်မှုကို ဒုတိယအကျော့မှာ အပြတ်အသတ် ပြန်လည် အနိုင်ယူပြီး အလှည့်အပြောင်း ပြုလုပ်နိုင်ခဲ့တာကြောင့် ဗိုလ်လုပွဲဆီ တက်လှမ်းနိုင်ခဲ့ပြီ ဖြစ်ပါတယ်။
ဂျွန် မက်ဂင်းန်ရဲ့ ဒုတိယပိုင်း အတွင်း အချိန်တို အတွင်း သွင်းယူခဲ့တဲ့ သွင်းဂိုး ၂ ဂိုးက ဗီလာရဲ့ ရင်သပ် ရှုမောဖွယ် အားမာန်ပါတဲ့ ခြေစွမ်းကို အဆုံးသတ်ပေးခဲ့တာ ဖြစ်ပြီး၊ ဒုတိယအကျော့မှာ ၄-၀ နဲ့ အနိုင်ရခဲ့တာကြောင့် နှစ်ကျော့ပေါင်း ၄-၁ ရလဒ်နဲ့ ဗိုလ်လုပွဲကို တက်သွားခဲ့တာပါ။ ပထမအကျော့မှာ ခရစ် ဝုဒ်ရဲ့ ပင်နယ်တီဂိုးကြောင့် ၁-၀ နဲ့ ရှုံးနိမ့်ခဲ့ပေမယ့် အက်စတွန်ဗီလာ တို့ဟာ ကိုယ့်အိမ်ကွင်း မှာတော့ တခြားစီ ဖြစ်ခဲ့ပြီး အိုလီ ဝက်ကင်းစ်၊ အီမီလီယာနို ဘူအန်ဒီယာတို့ ကလည်း ဂိုးတွေ သွင်းယူပေးခဲ့ပါတယ်။
ပွဲစဉ်အကျဉ်း
ပွဲအစမှာ ဖောရက်စ်က ဟာချင်ဆန်ရဲ့ ကန်ချက်နဲ့ ခြိမ်းခြောက်နိုင်ခဲ့ပေမယ့် နောက်ပိုင်း မှာတော့ ဗီလာ ကပဲ ပွဲကို စိုးမိုးနိုင်ခဲ့ပါတယ်။ ဗီလာ နောက်ခံလူ ပါအူ တောရက်စ်နဲ့ ဘူအန်ဒီယာ တို့ရဲ့ အခွင့်အရေးတွေကို ဖောရက်စ် ဂိုးသမား စတီဖန် အော်တီဂါ ကာကွယ်နိုင်ခဲ့ပါတယ်။ ပွဲချိန် ၃၆ မိနစ်မှာ ဖောရက်စ် နောက်ခံလူတွေ ဘောလုံး ရှင်းထုတ်ပုံ မပြတ်သားတာကို အခွင့်ကောင်းယူပြီး ဘူအန်ဒီယာက နောက်ခံလူ နှစ်ဦးကြား ကနေ ဝက်ကင်းစ်ဆီ ပေးပို့ခဲ့ရာ ကနေ ဝက်ကင်းစ်က အနီးကပ် ကန်သွင်းပြီး နှစ်ကျော့ပေါင်း ရလဒ်ကို ၁-၁ ဖြစ်အောင် ချေပပေးခဲ့ပါတယ်။
ပွဲချိန် ၅၈ မိနစ်မှာ ပါအူ တောရက်စ်ကို ဖောရက်စ် နောက်ခံလူ မီလန်ကိုဗစ်က ဧရိယာ အတွင်း ဆွဲလှဲခဲ့တာကြောင့် VAR ပြန်ကြည့်ပြီး ပင်နယ်တီ ပေးခဲ့ပါတယ်။ အဆိုပါ ပင်နယ်တီကို ဘူအန်ဒီယာ က အမှားအယွင်း မရှိ ကန်သွင်းယူခဲ့ပါတယ်။ ဖောရက်စ် အတွက် ခရစ်ဝုဒ်ရဲ့ ကန်ချက်ကို အမ်မလီယာနို မာတီးနက်စ် ကာကွယ်နိုင်ခဲ့ပြီးနောက် မှာတော့ ဗီလာ အသင်းခေါင်းဆောင် ဂျွန် မက်ဂင်းန်က ၃ မိနစ် အတွင်း ၂ ဂိုး သွင်းယူခဲ့ပါတယ်။ ၇၇ မိနစ်မှာ ဝက်ကင်းစ်ရဲ့ ဖန်တီးပေးမှု ကနေ တစ်ဆင့် မက်ဂင်းန်က ဧရိယာထိပ် ကနေ ဘယ်ဘက်အောက် ထောင့်ထဲကို အေးအေးဆေးဆေး ကန်သွင်းခဲ့သလို၊ မကြာမီမှာပဲ နောက်ထပ် တစ်ဂိုး ထပ်မံ သွင်းယူခဲ့တာကြောင့် ဗီလာပါ့ခ်ကွင်းကြီး တစ်ခုလုံး ပျော်ရွှင်မှုတွေနဲ့ ဖုံးလွှမ်းသွားခဲ့ပါတယ်။
ဗီလာဟာ အစ္စတန်ဘူလ်မှာ ကစားမယ့် ယူရိုပါလိဂ် ဗိုလ်လုပွဲမှာ ဖရိုင်းဘတ် အသင်းနဲ့ ရင်ဆိုင်ရမှာ ဖြစ်ပါတယ်။
ပွဲပြီးအချက်အလက်နဲ့ မှတ်တမ်းများ
မက်ဂင်းန်ရဲ့ ပထမဂိုးနဲ့ ဒုတိယဂိုး အကြားမှာ ၁၅၆ စက္ကန့် သာ ခြားနားခဲ့ပါတယ်။ သူဟာ ဗီလာ သမိုင်းမှာ ဥရောပအဆင့် ဆီမီးဖိုင်နယ် ပွဲစဉ် တစ်ခု အတွင်း နှစ်ဂိုး သွင်းနိုင်တဲ့ ပထမဆုံး ကစားသမား ဖြစ်လာခဲ့ပါတယ်။ မက်ဂင်းန်ဟာ ဂိုးကန်သွင်းခွင့် ၃ ကြိမ် ရရှိခဲ့ပြီး ၃ ကြိမ်စလုံး ဂိုးပေါက်တည့်ခဲ့ပါတယ်။
ဘူအန်ဒီယာ ကတော့ ၂၀၂၁ ခုနှစ်က ရိုးမားနဲ့ ပွဲမှာ မန်ချက်စတာယူနိုက်တက် ကစားသမားတွေ ဖြစ်တဲ့ ဘရူနို ဖာနန်ဒက်စ်နဲ့ ကာဗာနီတို့ နောက်ပိုင်း ယူရိုပါလိဂ် ဆီမီးဖိုင်နယ်မှာ တစ်ပွဲတည်း သွင်းဂိုးရော ဂိုးဖန်တီးမှုပါ လုပ်နိုင်တဲ့ ပထမဆုံး အင်္ဂလန် ကလပ် ကစားသမား ဖြစ်လာပါတယ်။
ဝက်ကင်းစ်ဟာ ဗီလာပတ်ခ်မှာ ဥရောပ သွင်းဂိုး ၇ ဂိုး အထိ သွင်းယူထားနိုင်ပြီ ဖြစ်တာကြောင့် ပီတာ ဝှိုက်ရဲ့ စံချိန်ကို အမီလိုက်နိုင်ခဲ့ပါတယ်။နည်းပြ အူနိုင်း အမ်မရီဟာ ယူရိုပါလိဂ် ရှုံးထွက်အဆင့် (နှစ်ကျော့ပေါင်း ပွဲစဉ်) ၂၃ ကြိမ် ဆက်တိုက် နောက်တစ်ဆင့် တက်နိုင်တဲ့ စံချိန်ကို ထိန်းသိမ်းထားနိုင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
