အာဆင်နယ် – စပို့တင်းလစ္စဘွန်း
ချန်ပီယံလိဂ် အပြီးမှာ နောက်ရက်မှာ ယူရိုပါလိဂ် ၁၆ သင်း အဆင့် ဒုတိယအကျော့တွေ ဆက်လက် ယှဉ်ပြိုင်ကစားဖို့ ရှိပါတယ်။ ထုံးစံအတိုင်း မြန်မာစံတော်ချိန် ည ၁၂ နာရီ ၁၅ မိနစ်နဲ့ ည ၂ နာရီခွဲမှာ ၄ ပွဲစီ အသီးသီး ကစားမှာ ဖြစ်ပြီး အာဆင်နယ်နဲ့ စပို့တင်းလစ္စဘွန်း ပွဲကတော့ ည ၂ နာရီခွဲမှ ဖြစ်ပါတယ်။ ဒီပွဲနဲ့ပတ်သတ်လို့ ပွဲကြိုအချက်အလက်နဲ့ ခန့်မှန်းချက်တွေ ဖော်ပြပေးရမယ် ဆိုရင်တော့…
ပြီးခဲ့တဲ့ ဖေဖော်ဝါရီ လဆန်းပိုင်းလောက်က အနည်းငယ် ခြေစွမ်းကျဆင်းပြီး ရလဒ်တွေ ဆိုးခဲ့တဲ့ အာဆင်နယ်တို့ လက်ရှိ မှာတော့ ပြိုင်ပွဲစုံ နောက်ဆုံး ၆ ပွဲဆက် ရှုံးပွဲ မရှိမှုနဲ့ အတူ အကောင်းဆုံး ပုံစံ ပြန်ရနေပါတယ်။ အဲ့ဒီ ၆ ပွဲမှာ ၅ ပွဲက အနိုင်ရခဲ့ပြီး ကျန်တစ်ပွဲ ကတော့ အခု ယူရိုပါလိဂ် ၁၆ သင်း အဆင့် ပထမအကျော့တုန်းက စပို့တင်းလစ္စဘွန်းနဲ့ ၂ ဂိုးစီ သရေကျထားတာ ဖြစ်ပါတယ်။ အာဆင်နယ်က လက်တလော ခြေစွမ်းရော၊ စိတ်ဓာတ်ပါ အမြင့်ဆုံး ရောက်နေပြီးတော့ ပွဲတိုင်းကို နိုင်ကို နိုင်ရမယ် ဆိုတဲ့ ခံယူချက်နဲ့ အားစိုက်နေပါတယ်။ ပွဲထွက် ကစားသမားနဲ့ အရန်တွေ ကြားမှ ခြေစွမ်း တစ်ဆင့်လောက် ကွာဟနေတာ ကတော့ အာဆင်နယ်ရဲ့ မြင်သာတဲ့ အားနည်းချက် တစ်ခု ဖြစ်ပါတယ်။ ကျန်တာ ကတော့ အထွေအထူး ပြောစရာ မရှိပါဘူး။ အန်ကတ်တီးယားက လွဲလို့ လူပြန်စုံနေတာကြောင့် မီခဲလ် အနေနဲ့ ဘယ်သူတွေကို သုံးမလဲ ဆိုတာ မသိရသေးပါဘူး။
စပို့တင်းလစ္စဘွန်း ကလည်း ပထမအကျော့ အိမ်ကွင်းမှာ အာဆင်နယ်ကို သရေ ကစားနိုင်ခဲ့တယ် ဆိုပေမယ့် ခြေစွမ်းချင်း ကတော့ ကွာဟခဲ့ပါတယ်။ ဒါတောင် အာဆင်နယ်က အရန် ကစားသမား တချို့ကို ပွဲထုတ်ခဲ့လို့သာ စပို့တင်းတို့ ခံသာခဲ့တာ ဖြစ်ပါတယ်။ ဒါပေမယ့် နောက်ပိုင်းမှာ ရလဒ်တွေ ပြန်ကောင်းနေပြီး ပြိုင်ပွဲစုံ နောက်ဆုံး ၁၀ ပွဲမှာ ၁ ပွဲပဲ ရှုံးထားတဲ့ စပို့တင်းကို အာဆင်နယ် လျှော့တွက်ရင်တော့ နဖာထွက်သွားနိုင်ပါတယ်။ ပေါ်တူဂီ ကလပ်ရဲ့ တိုက်စစ်က ဂိုးသွင်းအားရှိတယ် ဆိုတာ ပထမအကျော့ ရလဒ်က သက်သေပါပဲ။ လောလောဆယ်တော့ စပို့တင်းလစ္စဘွန်းမှာ ဒဏ်ရာရ ကစားသမား မရှိပေမယ့် အဓိက ဂိုးသမား အန်တိုနီယို အဒန်နဲ့၊ ဂန်းနားဟောင်း ဟက်တာ ဘယ်လာရင် တို့ကတော့ ပါဝင်ကစားဖို့ မသေချာ ဖြစ်နေပါတယ်။
ဖြစ်နိုင်ဖွယ် လူစာရင်း
အာဆင်နယ် – တန်နာ၊ ဆလီဘာ၊ ဂါဘရီရယ်၊ တီယာနေး၊ တိုမီယာဆု၊ ပါတေး၊ ဂျော်ဂျင်ညို၊ ဗီအဲရာ၊ နဲလ်ဆင်၊ စမစ်ရိုးဝ်၊ လီအန်ဒရို ထရော့ဆက်ဒ်
စပို့တင်းလစ္စဘွန်း – အဒန်၊ ကုတ်တက်စ်၊ အင်နာစီယို၊ ဒီယိုမန်ဒီ၊ အူဂါတီ၊ ဂွန်ဆဲလ်ဗစ်၊ ဆန်းတို့စ်၊ အက်ဒ်ဝက်ဒ်၊ ပေါ်လင်ဟို၊ ထရင်ကာအို
ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်
ဒီနှစ်သင်းက ယူရိုပါလိဂ်မှာ ၃ ကြိမ် တွေ့ဆုံခဲ့ဖူးပြီး အာဆင်နယ်တို့ စပို့တင်းလစ္စဘွန်းကို လုံးဝ မရှုံးဖူးပါဘူး။ ဒါပေမယ့် ၁ ပွဲနိုင်၊ ၁ ပွဲ သရေ ဖြစ်ခဲ့ပြီး ဂိုးပေါ် ၁ ပွဲ ရှိခဲ့ပါတယ်။ အာဆင်နယ်က ဒီနှစ် ယူရိုပါလိဂ်မှာ ရာနှုန်းပြည့် အိမ်ကွင်း နိုင်ပွဲ ရထားပြီး ပြည်တွင်း မှာလည်း အိမ်ကွင်း ရှုံးပွဲ ၂ ပွဲပဲ ရှိထားပါတယ်။ တစ်ပွဲက ပရီးမီးယားလိဂ်မှာ မန်စီးတီးကို ဖြစ်ပြီး နောက်တစ်ပွဲ ကတော့ ခရာဘောင်ဖလားမှာ ဘရိုက်တန်ကို ရှုံးထားတာ ဖြစ်တယ်။ စပို့တင်းလစ္စဘွန်း ကတော့ ဒီရာသီ ပြည်တွင်း ပြိုင်ပွဲတွေမှာ အဝေးကွင်း ရှုံးပွဲတွေ ရှိနေပေမယ့် ဥရောပ အဆင့် ပြိုင်ပွဲမှာတော့ အဝေးကွင်း ၄ ပွဲ ကစားရာမှာ ၁ ပွဲပဲ ရှုံးထားပါတယ်။ နှစ်သင်းစလုံး နောက်ဆုံး ၅ ပွဲမှာ ၄ ပွဲနိုင်၊ ၁ ပွဲ သရေကျထားပြီး အာဆင်နယ်က ဂိုးပေါ် ၄ ပွဲ၊ စပို့တင်းက ဂိုးပေါ် ၃ ပွဲ ကစားထားကြပါတယ်။
လောင်းကစားဆိုင်ရာ အကြံပြုချက်များ
SBOTOP ရဲ့ 1X2 မှာ အာဆင်နယ် အနိုင် အတွက် ၁.၃၃ ဆပဲ ပေးထားပြီး စပို့တင်းလစ္စဘွန်း ကိုတော့ ၆.၆ ဆ အထိ ပေးထားပါတယ်။ Handicap မှာလည်း အာဆင်နယ်က တစ်လုံး အရှုံးလောက် ပေါက်နေပါတယ်။ ဂိုးပေါင်း ကလည်း ၂ လုံး သရေပါ။ ဘွတ်ကီတွေ အနေနဲ့ အာဆင်နယ်တို့ အိမ်ကွင်းမှာ သေချာပေါက် ဂိုးပြတ်နိုင်မယ်လို့ တွက်ဆထားပုံပါပဲ။ အာဆင်နယ် နိုင်ဖို့ ရာခိုင်နှုန်း များပေမယ့် တစ်ဂိုးလောက် ကပ်နိုင်သွားရင် ပျော်ရွှင်စရာ မရှိတော့ပါဘူး။ ကြေးဖွင့်တဲ့ ပုံစံအရ ကျနော် ကတော့ ဒီပွဲမှာ ဂိုးအောက်နဲ့ အရဲစွန့်ချင်ပါတယ်။
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
