ကလပ်ဘရုဂျက် ဝ – ၅ လိုက်ပ်ဇစ်
ချန်ပီယံလိဂ် အုပ်စု ပွဲစဉ် မတိုင်မီက ရေပန်းစားခဲ့တဲ့ လိုက်ပ်ဇစ်ရဲ့ ခြေစွမ်း အစစ်အမှန်ကို မြင်တွေ့ခဲ့ရတာ ဖြစ်ပါတယ်။ ပထမ အကျော့တုန်းက ၁-၂ နဲ့ အနိုင်ရထားတဲ့ ဘရုဂျက်တို့ ဘယ်လိုမှ မတတ်နိုင်ဘဲ အိမ်ကွင်း ဂိုးပြတ် ရှုံးပွဲနဲ့ ရင်ဆိုင်ခဲ့ရတာလည်း ဖြစ်ပြီး လိုက်ပ်ဇစ်ရဲ့ တိုက်စစ်အသားပေး ကစားပုံကို ဘယ်လိုမှ ထိန်းချုပ်နိုင်ခြင်း မရှိလို့ ဂိုးပြတ်ရှုံးပွဲ နဲ့အတူ ယူရိုပါလိဂ် ဝင်ခွင့်ရဖို့အတွက်ပါ ဖိအားတွေ ရှိသွားခဲ့တာ ဖြစ်ပါတယ်။
ပွဲစဉ်အကျဉ်း
အထနှေးနေတဲ့ အိမ်ရှင် အသင်း အတွက် အရှက်ရဖွယ် အရှုံးဖြစ်ခဲ့ပါတယ်။ လိုက်ပ်ဇစ် ကတော့ အိမ်ကွင်းမှာ ရှုံးခဲ့တဲ့ ပထမအကျော့ ပွဲစဉ်လို ထပ်မဖြစ်အောင် အာရုံစိုက် ကစားခဲ့တာပါ။ အန်ကွန်ကူ၊ လိုင်မာ၊ အိန်ဂျလီနို၊ ဖော့စ်ဘတ်ဂျ်တို့ရဲ့ ခြေစွမ်းပြမှုတွေက လိုက်ပ်ဇစ် အတွက် ထိရောက်ခဲ့ပါတယ်။ ၃-၄-၃ နဲ့ ပွဲထွက်လာတဲ့ ဘရုဂျက် ကတော့ တိုက်စစ်ထက် ခံစစ်မှာပဲ ပိုပြီး အချိန်ကုန်ခဲ့တာပါ။ ပွဲအစ ၁၂ မိနစ်ကတည်းက အန်ဒီရီဆေးဗာလ်ရဲ့ ဖန်တီးပေးမှုကနေ အန်ကွန်ကူက ဂိုးအဖြစ် စပြီး ရယူပေးခဲ့တာပါ။ ဂိုးပေးလိုက်ရပေမယ့် ဘရုဂျက်ရဲ့ ကစားပုံက တိုးတက်လာခြင်း မရှိပါဘူး။ အထူးသဖြင့် လိုက်ပ်ဇစ်ရဲ့ တောင်ပံတိုက်စစ်တွေကို ခက်ခက်ခဲခဲ ထိန်းချုပ်ခဲ့ရတာပါ။ တရစပ် တိုက်စစ်ဆင်နေတဲ့ လိုက်ပ်ဇစ်တို့ ဒုတိယမြောက် ဦးဆောင်ဂိုး ရရှိခဲ့ပါတယ်။ ပွဲချိန် ၁၇ မိနစ်မှာ ရရှိခဲ့တဲ့ ပင်နယ်တီကို ဖော့စ်ဘတ်ဂျ်က အမှားအယွင်းမရှိ ဂိုးအဖြစ် ပြောင်းလဲပေးခဲ့တာပါ။ အိမ်ရှင်အသင်း အနေနဲ့ ပုံစံကောင်းရဖို့ တော်တော်လေး ရုန်းကန်ခဲ့ရတာပါ။ ဒါပေမဲ့ ပွဲချိန် ၂၆ မိနစ်မှာ အန်ဒရီဆေးဗားလ်၊ ပွဲချိန် ၄၅ မိနစ်မှာ ဖော့စ်ဘတ်ဂျ်တို့က ဂိုးတွေ ထပ်ယူခဲ့ပြီးတဲ့နောက် အိမ်ရှင်အသင်းရဲ့ အရှုံးက ပြတ်သားခဲ့ပါတယ်။ ဒုတိယပိုင်းမှာ ကစားသမား ၃ ဦးအထိ လူစားလဲပြီး ပြင်ဆင်ခဲ့ပေမယ့် လိုက်ပ်ဇစ်နောက်တန်းကို ဖိအားပေးနိုင်ခြင်း မရှိခဲ့ပါဘူး။ နောက်ပိုင်းမှာ ဂိုးမပေးရဖို့ ထိန်းကစားခဲ့တဲ့ လိုက်ပ်ဇစ်ကြောင့် ဘရုဂျက်တို့ အခွင့်အရေးတွေ ရရှိခဲ့ပါတယ်။ ဘောလုံး ပိုင်ဆိုင်မှု ပြန်ပြီး အသာရခဲ့ပေမယ့် အသုံးမချနိုင်ခဲ့ခြင်းကြောင့် အိမ်ရှင်အသင်း နစ်နာခဲ့ရပါတယ်။ ၄ ဂိုးပြတ်နဲ့ ပွဲပြီးပြီလို့ ယူဆရတဲ့အချိန် အန်ကွန်ကူက ပွဲချိန်မိနစ် ၉၀ မှာ ဂိုးထပ်ရယူ ပေးခဲ့တဲ့ အတွက် လိုက်ပ်ဇစ်ရဲ့ အနိုင် ပြတ်သားခဲ့ရတာလည်း ဖြစ်ပါတယ်။
ပွဲပြီးသုံးသပ်ချက်
လိုက်ပ်ဇစ် အတွက်ကတော့ လိုအပ်နေတဲ့ အနိုင် ၃ မှတ်ကို အရယူနိုင်ခဲ့တယ်လို့ ဆိုရမှာပါ။ ဘရုဂျက် ကတော့ ဒီပွဲ အရှုံးရလဒ်ကြောင့် ချန်ပီယံလိဂ် ရှုံးထွက်တက်ရေး မျှော်လင့်နိုင်ခြင်း မရှိတော့တဲ့ အပြင် ယူရိုပါလိဂ် ဝင်ခွင့်တစ်နေရာ အတွက် ဖိအား ရှိလာခဲ့ပါပြီ။ အဓိက အချက်ကတော့ တိုက်စစ်အသားပေး ကစားတတ်တဲ့ လိုက်ပ်ဇစ်ရဲ့ ဗျူဟာပိုင်း အောင်မြင်ခဲ့တာပါ။ ဘရုဂျက် ကတော့ နောက်ပိုင်း ပွဲစဉ်တွေမှာ ရလဒ်ကောင်းဖို့ ရုန်းကန်နေရတဲ့ အခြေအနေအတိုင်း အိမ်ကွင်းမှာ ရုန်းကန်ခဲ့ရတာလည်း ဖြစ်ပါတယ်။ ဒီပွဲရလဒ်ကြောင့် ချန်ပီယံလိဂ် အုပ်စု (A) ပြိုင်ပွဲဝင် နှစ်သင်းရဲံ ယူရိုပါလိဂ် ဝင်ခွင့်ရဖို့ ပြိုင်ဆိုင်မှုက ပိုပြီး ပြင်းထန်လာတော့ မှာလည်း ဖြစ်ပါတယ်။ တိုက်စစ် ကစားသမားကောင်းတွေ ပါဝင်တဲ့ လိုက်ပ်ဇစ်ရဲ့ ခံစစ်၊ တိုက်စစ် ဗျူဟာပိုင်း တော်တော်လေး အလုပ်ဖြစ်ခဲ့ပါတယ်။ နည်းပြနှစ်ဦးရဲ့ အားပြိုင်မှုမှာ ကစားသမား အင်အားနည်းတဲ့ ဘရုဂျက်တို့ ရှုံးပွဲ ကြုံခဲ့ရတယ်လို့ပဲ ပြောရမှာ ဖြစ်ပါတယ်။
လာမယ့်ပွဲစဉ်များ
ဘရုဂျက် အနေနဲ့ လာမယ့် လိဂ်ပွဲစဉ်မှာ ဂျန့်ခ်အသင်းရဲ့ အိမ်ကွင်းကို သွားရောက် ကစားရဖို့ရှိနေပြီး လိုက်ပ်ဇစ် ကတော့ လာမယ့် ဘွန်ဒက်စ်ဂါ ပွဲစဉ်အဖြစ် လေဗာကူဆင် အသင်းကို ဧည့်ခံ ကစားရဖို့ ရှိနေတာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
