ဂျာမန်မြေက အဝါရောင် တံတိုင်းကြီးကို ခက်ခက်ခဲခဲ ကျော်ဖြတ်ရမယ့် မန်စီးတီး – ချန်ပီယံလိဂ် ပွဲကြိုသုံးသပ်ချက်

ဒေါ့မန် – မန်ချက်စတာစီးတီး

ချန်ပီယံလိဂ် ကွာတားဖိုင်နယ် ပွဲစဉ် ဒုတိယအကျော့ ပထမနေ့ နောက်ထပ်ပွဲစဉ် တစ်ပွဲ မှာတော့ ဒေါ့မန်တို့ မန်ချက်စတာစီးတီးကို အိမ်ကွင်းမှာ လက်ခံကစားရမှာ ဖြစ်ပါတယ်။ ပထမအကျော့ အီတီဟတ် ကွင်းမှာ ဖိုဒန်ရဲ့ နောက်ဆုံးမိနစ် ဂိုးကြောင့် ပပ်ဂွာဒီယိုလာရဲ့ အသင်းက အိမ်ကွင်း နိုင်ပွဲရခဲ့ပေမယ့် အခုတစ်ကြိမ် ဂျာမန်မြေမှာတော့ လွယ်ကူနိုင်ဖို့ မရှိပါဘူး။

ပပ်ဂွာဒီယိုလာရဲ့ အသင်းက လက်ရှိမှာ ချန်ပီယံလိဂ် အပါအဝင် ဖလား ၄ လုံး လမ်းကြောင်းပေါ်မှာ ရှိနေပြီး ပြိုင်ပွဲအားလုံးကို အာရုံစိုက်နေရချိန်ဖြစ်လို့ လိဒ်စ်ယူနိုက်တက်နဲ့ အိမ်ကွင်းပွဲစဉ်မှာ တစ်ယောက်အသာနဲ့ ကစားရပြီး အိမ်ကွင်း ရှုံးကွင်း တွေ့ခဲ့ရပါတယ်။ မန်ချက်စတာစီးတီးတို့ ရလဒ်တွေသာ ကောင်းနေပေမယ့် တကယ်တမ်း တိုက်စစ်ပိုင်း ကတော့ အားရစရာ လုံးဝမရှိပါဘူး။ ပထမအကျော့တုန်းက မန်ချက်စတာစီးတီးတို့ ဒေါ့မန်ကို အသာစီးရခဲ့တယ် ဆိုပေမယ့် လွယ်လွယ်ကူကူ အနိုင်ရခဲ့တာ မဟုတ်လို့ ဒေါ့မန်ကွင်း မှာလည်း ခက်ခဲဦးမှာပါ။ အထောင် တိုက်စစ်မှူး ဂါဘရီရယ် ဂျီဆုစ်ဟာ ပုံမှန် ဂိုးသွင်းခြေ မရှိသလို၊ စတာလင် ကလည်း ဒီရာသီမှာ ခြေကျနေပါတယ်။ နောက်ပြီး အဂွဲရိုးကလည်း ကြံ့ခိုင်မှု မပြည့်ဝလို့ အားကိုးနိုင်လောက်တဲ့ အခြေအနေမှာ ရှိမနေပါဘူး။ အခုပွဲမှာ မန်ချက်စတာစီးတီးတို့ ဂျာမန်မြေအထိ သွားရောက် ကစားရမှာ ဖြစ်တဲ့အပြင် အမှားလုပ်တာနဲ့ နောက်တစ်ဆင့် တက်ခွင့် လက်မှတ်ဆုံးရှုံးရမှာ ဖြစ်လို့ လူစုံတက်စုံနဲ့ပဲ ပွဲထွက်လာဖို့ ရှိနေပါတယ်။ ခန့်မှန်းလူစာရင်းအရ ဆိုရင် ဖိုဒန်၊ ရိုဒရီ၊ ဒီဘရိုင်းနား၊ ဂွမ်ဒိုအန်၊ ကန်ဆယ်လို၊ ဇင်ချန်ကို၊ ဂျွန်စတုန်းစ်၊ ရူဘင်ဒီးရာ့ဇ်၊ စတာလင်၊ ဂျီဆုစ်၊ အီဒါဆင် တို့နဲ့ပဲ ပွဲထွက်လာဖို့ ရှိနေပါတယ်။

ဒေါ့မန်တို့ ပထမအကျော့တုန်းက အီတီဟတ်မှာ မန်ချက်စတာစီးတီး ရဲ့ တစ်ဖက်သတ် ဖိကစားတာ ခံခဲ့ရပေမယ့် ခံစစ်က အမှားနည်းခဲ့ပြီး နောက်ဆုံးမိနစ်ရောက်မှပဲ အနိုင်ဂိုးကို ခွင့်ပြုပေးခဲ့ရတာ ဖြစ်ပါတယ်။ ဒါပေမယ့် ဒေါ့မန်ရဲ့ ခံစစ်ကစားပုံက တစ်ပွဲနဲ့ တစ်ပွဲ ခြေမမှန်တာကြောင့် တချို့ပွဲတွေမှာဆိုရင် မပေးသင့်တဲ့ ဂိုးတွေ ပေးခဲ့ရပါတယ်။ ဟာလန်းနဲ့ မာကိုရိုက်စ် ဦးဆောင်တဲ့ တိုက်စစ်က ပြိုင်ဘက် နောက်တန်းတွေ သတိထားထိန်းချုပ်ရလေ့ ရှိပေမယ့် မာကိုရိုက်စ် တင်ပါး ဒဏ်ရာရသွားလို့ ဟာလန်း တစ်ဦးတည်းနဲ့ လုံလောက်ပါ့မလားဆိုတဲ့ စဉ်းစားစရာတော့ ရှိပါတယ်။ နောက်ပြီး ဂျေဒန်ဆန်ချို ဒဏ်ရာကြောင့် ပါဝင်ကစားနိုင်ဦးမှာ မဟုတ်သလို နောက်တန်းက ရှမဲလ်ဇား၊ ဟမ်းမဲလ် တို့လည်း လွဲချော်ဖို့ များနေပါတယ်။ ဒါပေမယ့်လည်း အင်္ဂလန်မြေမှာတုန်းက အဝေးဂိုး ၁ ဂိုးယူနိုင်ခဲ့တဲ့ အီဒင် တာဇစ်ရဲ့ အသင်းဟာ ချန်ပီယံလိဂ် ဆီမီးဖိုင်တက်ဖို့ မျှော်လင့်ချက် အပြည့်ရှိနေလို့ မန်ချက်စတာစီးတီးကို အနိုင်ရလဒ် အတွက်ပဲ ကျိန်းသေပေါက် ဖောင်ဖျက် ကစားလာပါလိမ့်မယ်။
 

ထိပ်တိုက်တွေ့ဆုံမှုနဲ့ သမိုင်းကြောင်း

ဒီနှစ်သင်းရဲ့ ဥရောပ ချန်ပီယံလိဂ် တွေ့ဆုံမှု မှတ်တမ်းဟာ ပြီးခဲ့တဲ့ ပထမအကျော့ပွဲစဉ် အပြီးမှာ မျှတသွားခဲ့ပါတယ်။ နှစ်သင်းစလုံး တစ်ပွဲစီ အနိုင်ရထားပြီး သရေတစ်ပွဲ ကျထားပါတယ်။ ဒေါ့မန်ကွင်းမှာတော့ မန်ချက်စတာစီးတီး တို့ အနိုင်မရဖူးသေးပါဘူး။
 

လောင်းကစားဆိုင်ရာအကြံပြုချက်များ

	ဒေါ့မန် – မန်ချက်စတာစီးတီး	အချိန်ပြည့် 1X2 ဧည့်သည် @ 1.70
	ဧပြီလ ၁၅ ရက်, ည ၁:၃၀ နာရီ (GMT + ၆:၃၀)

1X2 ရဲ့ ပေါက်ကြေးအရ အိမ်ရှင်အသင်းအတွက် ၅.၀၀ ဆ နဲ့ ဧည့်သည်အသင်းအတွက် ၁.၆၁ ဆ ကြေးဖွင့် ပြီး သရေအတွက် ၄.၂၀ ဆ ကြေးဖွင့်ထားတာ တွေ့ရပါတယ်။ ဒေါ့မန် အတွက် ၁-၀ နဲ့ အနိုင်ရရင်ကို နောက်တစ်ဆင့် တက်မှာ ဖြစ်လို့ တိုက်စစ်ကို ကျိန်းသေပေါက် ဖွင့်ကစားမှာပါ။ မန်ချက်စတာစီးတီး ကတော့ ပွဲပန်းနေလို့ ပြီးခဲ့တဲ့ပွဲမှာ တန်းတက်အသင်း ကိုတောင် အိမ်ကွင်းမှာ ရှုံးထားပါတယ်။ ဒါပေမယ့် အခုပွဲအတွက် ကစားသမားကောင်းတွေ အနားပေးထားခဲ့တာ တွေ့ရလို့ သိပ်စိတ်ပူစရာတော့ မရှိပါဘူး။ ဒဏ်ရာပြသနာများနေတဲ့ ဒေါ့မန်ကို မျှော်လင့်တာထက် အဘက်ဘက်က တောင့်တင်းနေတဲ့ မန်ချက်စတာစီးတီး ဘက်ကပဲ နေရမှာပါ။

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.