ဘေယန်မြူးနစ်နဲ့ ပြင်သစ် လက်ရွေးစင် အသင်းရဲ့ နောက်ခံလူ ဒါယော့တ် အူပါမီကာနို ကတော့ သူ့ရဲ့ အသင်းဖော် မိုက်ကယ် အိုလီဆေး တစ်ယောက် ဒီနွေရာသီမှာ ရီးရဲလ်မက်ဒရစ် အသင်းဆီ ပြောင်းရွှေ့မှာ မဟုတ်ဘူးလို့ အခိုင်အမာ ယုံကြည်နေပါတယ်။ အိုလီဆေးဟာ ပြီးခဲ့တဲ့ ၂၀၂၅-၂၆ ရာသီက ဘေယန်မြူးနစ် အသင်းနဲ့ အတူ ဘွန်ဒက်စ်လီဂါ ဖလားနဲ့ ဂျာမန် ပိုကယ်ဖလား ဆုဖလား နှစ်လုံး ရရှိအောင် အကောင်းဆုံး ခြေစွမ်းပြနိုင်ခဲ့သူပါ။
သူဟာ ပြီးခဲ့တဲ့ ဘွန်ဒက်စ်လီဂါ ရာသီ တစ်ခုတည်းမှာတင် သွင်းဂိုး ၁၅ ဂိုး၊ ဂိုးဖန်တီးမှု ၁၉ ကြိမ်နဲ့ စုစုပေါင်း ဂိုးပါဝင်ပတ်သက်မှု ၃၄ ကြိမ် အထိ ရှိခဲ့ပါတယ်။ ဒါဟာ ၂၀၀၄-၀၅ ရာသီ နောက်ပိုင်း ဘွန်ဒက်စ်လီဂါ တောင်ပံ ကစားသမား တစ်ဦး အတွက် အများဆုံး စံချိန်သစ်လည်း ဖြစ်ပါတယ်။
ဘေယန်မြူးနစ် အသင်းမှာ သူ့ထက် ဂိုးပါဝင်ပတ်သက်မှု ပိုများတာဆိုလို့ တိုက်စစ်မှူး ဟယ်ရီကိန်း (၄၁ ကြိမ်) တစ်ယောက်ပဲ ရှိခဲ့တာပါ။ ဒါ့အပြင် အိုလီဆေးဟာ ချန်ပီယံလိဂ် ၁၃ ပွဲ မှာလည်း ၅ ဂိုး သွင်း၊ ၇ ဂိုး ဖန်တီးပေးနိုင်ခဲ့ပါတယ်။ ဒီလို ခြေစွမ်းတွေကြောင့်ပဲ ရီးရဲလ်မက်ဒရစ် အသင်း ဥက္ကဋ္ဌ ဖလော်ရန်တီနို ပီရက်ဇ် အနေနဲ့ ဥက္ကဋ္ဌ သက်တမ်း ဒုတိယအကြိမ် ပြန်လည် ရွေးချယ်မခံရခင်က “ဂလက်တီကို” အဆင့် ရှိတဲ့ ကမ္ဘာ့အဆင့်မီ ကစားသမား တစ်ဦး အတွက် ငွေအမြောက်အမြား သုံးစွဲသွားမယ်လို့ ကတိပြုထားတာကြောင့် အိုလီဆေးဟာ မက်ဒရစ်ရဲ့ အဓိက ပစ်မှတ် ဖြစ်လာနိုင်တယ်လို့ သတင်းကြီးခဲ့တာပါ။
ဒါပေမယ့် လွန်ခဲ့တဲ့ နှစ်ပတ်ခန့်က ရီးရဲလ်မက်ဒရစ် အသင်း ဘက်က အထူး ထုတ်ပြန်ချက် တစ်ခု ထုတ်ပြန်ခဲ့ပြီး အိုလီဆေးကို ခေါ်ယူဖို့ ချဉ်းကပ်ခဲ့ခြင်း မရှိသလို၊ စိတ်လည်း မဝင်စားဘူးလို့ လူသိရှင်ကြား ငြင်းဆိုခဲ့ပါတယ်။ ကမ္ဘာ့ဖလား ပြိုင်ပွဲမှာ ပြင်သစ် အသင်းက ပါရာဂွေးကို ၁ ဂိုး ၀ နဲ့ အနိုင်ရခဲ့တဲ့ ပွဲအပြီး မှာတော့ အူပါမီကာနိုကို အိုလီဆေးရဲ့ အနာဂတ် အကြောင်း မေးမြန်းခဲ့ရာမှာ သူက “သူ ဒီမှာပဲ ဆက်ရှိနေမှာပါ၊ သူ ဒီမှာပဲ ဆက်ရှိနေမှာ!” လို့ ပြတ်ပြတ်သားသား တုံ့ပြန်သွားခဲ့ပါတယ်။
၂၀၂၄-၂၅ ရာသီ အစက ခရစ္စတယ်ပဲလေ့စ် အသင်း ဆီကနေ ပြောင်းရွှေ့လာကတည်းက အိုလီဆေးဟာ ဘေယန် အတွက် စုစုပေါင်း ၄၂ ဂိုးသွင်း၊ ၄၆ ဂိုး ဖန်တီးပေးထားလို့ သွင်းဂိုးနဲ့ ဖန်တီးမှု ပေါင်းစပ်မှု ၈၈ ကြိမ် အထိ ရှိလာခဲ့ပါပြီ။ ဒါဟာ ဥရောပ ထိပ်သီးလိဂ် ငါးခုက ကစားသမားတွေထဲမှာ ဟယ်ရီကိန်း (၁၂၁ ကြိမ်) နဲ့ ကီလီယန် အမ်ဘာပေး (၉၇ ကြိမ်) တို့ပြီးရင် တတိယ အများဆုံး စံချိန် ဖြစ်သလို၊ ဒီသက်တမ်း အတွင်း ဥရောပမှာ ပြိုင်ပွဲစုံ ဂိုး ၄၀ ကျော်၊ ဂိုးဖန်တီးမှု ၄၀ ကျော်ကို တစ်ဦးတည်း စိုက်ထူထားနိုင်တဲ့ တစ်ဦးတည်းသော ကစားသမားလည်း ဖြစ်ပါတယ်။
လက်ရှိမှာ အိုလီဆေးကို လိုချင်နေတဲ့ ထိပ်တန်း ကလပ်ပေါင်း များစွာ ရှိနေပြီး ရီးရဲလ်မက်ဒရစ် ဥက္ကဌ ဖလော်ရန်တီနို ပီရက်ဇ် ကိုယ်တိုင်က အသည်းအသန် လိုချင်နေတယ်လို့ သတင်းတွေ ထွက်နေပါတယ်။ ရီးရဲလ်မက်ဒရစ်ဟာ ဒီနွေရာသီမှာ ဘာနာဒို ဆေးလ်ဗား၊ ဒန်ဇဲလ် ဒမ်းဖရီးစ်နဲ့ မာ့ခ် ကူကာရယ်လာ တို့ကို ခေါ်ယူထားခဲ့ပြီး ဟူလီယန် အဲလ်ဗာရက်ဇ်ကို ကမ်းလှမ်းခဲ့ပေမယ့် ပယ်ချခံထားရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
