ဒီတစ်ခါ မှာတော့ ဇူလိုင်လ ၁၈ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
အသင်းသားတွေရဲ့ ခြေစွမ်းနဲ့ စွမ်းဆောင်ရည်တွေကို သုံးသပ်နေတဲ့ တူချယ်
ဘေယန်မြူးနစ် နည်းပြ သောမတ်စ် တူချယ်က အသင်းရဲ့ ရာသီကြို လေ့ကျင့်ခန်း အစီအစဥ်မှာ အသင်းရဲ့ ကစားသမား သုံးဦးကို ဒေါသ ပေါက်ကွဲခဲ့ကြောင်း သိရပါတယ်။ အဆိုပါ ကစားသမားတွေ ကတော့ ဂျမဲလ် မူဆီအာလာ၊ ပေါလ် ဝါနာနဲ့ ဂျိုဆစ် စတာနီဆစ်တို့ ဖြစ်ကြောင်း သတင်းတွေက ဖော်ပြခဲ့ပါတယ်။
မူဆီအာလာ ကတော့ ဘောလုံး ဆွဲပြေးရင်း မကြာခဏ ဆိုသလို ဘောလုံး ဆုံးရှုံးနေခဲ့ပြီး ဝါနာ ကတော့ ဘောလုံး (၃) ကြိမ် အထိ ဆုံးရှုံးခဲ့တာကြောင့် တူချယ်ရဲ့ ဒေါသနဲ့ ရင်ဆိုင်ခဲ့ရတာပါ။ ဒါ့အပြင် စတာနီဆစ် ကတော့ နည်းဗျူဟာပိုင်းအရ အမှားအယွင်းတွေ အများကြီး ကျူးလွန်ခဲ့တယ်လို့ သိရပြီး တူချယ် ကတော့ ဒီလူငယ် သုံးယောက်ကို ဒေါသထွက်ခဲ့တာ ဖြစ်ပါတယ်။
လက်ရှိ ရာသီကြို အစီအစဥ်တွေမှာ ဘွန်ဒက်စ်လီဂါ ကလပ်ရဲ့ နည်းပြ တူချယ်က အသင်းသားတွေရဲ့ ခြေစွမ်းနဲ့ လုပ်ရည်ကိုင်ရည်ကို သုံးသပ်နေတာ ဖြစ်ပါတယ်။ ဒါ့အပြင် မကြာခင်မှာ ဘယ်ကစားသမားတွေကို အငှားချမယ်၊ ရောင်းထုတ်သွားမယ် ဆိုတာကို ဆုံးဖြတ်သွားတော့မှာပါ။
လိုက်ပ်ဇစ်ကို အငှားထွက် ကစားဖို့ ဆန္ဒရှိနေတဲ့ ဇာဗီ ဆိုင်မွန်
လက်ရှိမှာ ပီအက်စ်ဂျီကို ပြန်လည် ပြောင်းရွှေ့သွားခဲ့ပြီဖြစ်တဲ့ တိုက်စစ် ကစားသမား ဇာဗီ ဆိုင်မွန်စ်က လာမယ့် ဘောလုံးရာသီသစ် အတွက် ပုံမှန်ပွဲကစားခွင့် အလိုရှိနေပြီး လိုက်ပ်ဇစ်ကို အငှားနဲ့ သွားရောက် ကစားလိုကြောင်း သိရပါတယ်။
ဘွန်ဒက်စ်လီဂါ ကလပ်ဟာ ဆိုင်မွန်ကို ပီအက်စ်ဗွီမှာ ကတည်းက ခေါ်ယူဖို့ စိတ်ဝင်စားခဲ့တဲ့ အသင်း တစ်သင်း ဖြစ်ပါတယ်။ ဒါပေမယ့် ပီအက်စ်ဂျီ ကတော့ ဆိုင်မွန်ကို ပြန်လည် ခေါ်ယူခွင့်ကို အသုံးချကာ ယူရို (၆) သန်းနဲ့ ခေါ်ယူခဲ့ပြီး ကစားသမား ကိုယ်တိုင် ကတော့ ပုံမှန် ပွဲထွက်ခွင့် အလိုရှိနေပါတယ်။
လက်ရှိ ထွက်ပေါ်နေတဲ့ သတင်းတွေအရ ဆိုင်မွန်စ်ဟာ ပီအက်စ်ဂျီ ကနေ နေမာ၊ အမ်ဘာပေတို့ ထွက်ခွာသွားချိန် မှသာ အသင်းကို ပြန်လည် ပြောင်းရွှေ့လိုနေပြီး လာမယ့် ရာသီသစ် မှာတော့ ပုံမှန် ပွဲကစားခွင့် ရရှိမယ့် အသင်းဆီကိုသာ ပြောင်းရွှေ့လိုနေကြောင်း သိရပါတယ်။
ယူနိုက်တက် ပစ်မှတ်ကို ရောင်းချဖို့ ဆန္ဒရှိနေတဲ့ ဘေယန်မြူးနစ်
အဆိုပါ ဂျာမနီ လက်ရွေးစင် ကွင်းလယ်လူ အတွက် ဘွန်ဒက်စ်လီဂါ ကလပ်က ပြောင်းရွှေ့ကြေး ပေါင် (၃၄) သန်း သတ်မှတ်ထားကြောင်းလည်း သတင်းတွေက ဖော်ပြနေပါတယ်။
ဒါ့အပြင် ပေါင် (၄၂) သန်းအထိ ရရှိဖို့လည်း ဘေယန်မြူးနစ် ဘက်က မျှော်လင့်ထားပြီး သင့်တော်တဲ့ ကမ်းလှမ်းမှုသာ ရရှိခဲ့ရင် လက်ရှိ နွေရာသီမှာ ရောင်းထုတ်သွားမှာ ဖြစ်ပါတယ်။ ယူနိုက်တက်ဟာ ပြီးခဲ့တဲ့ လအတွင်းက ဂေါ်ရက်ဇ်ကာရဲ့ အခြေအနေကို စုံစမ်းမေးမြန်းမှုတွေ ပြုလုပ်ထားပြီး ဘေယန်မြူးနစ် နည်းပြ သောမတ်စ် တူချယ် ကလည်း ဂေါ်ရက်ဇ်ကာ အတွက် ပုံမှန် တစ်နေရာ အာမခံချက် မရှိကြောင်း ဖွင့်ဟ ပြောကြားထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
