ကလပ် ဘရုဂေး ကြယ်ပွင့်ကို ခေါ်ယူလိုက်တဲ့ လေဗာကူဆင်၊ စာချုပ်သစ်ကို လက်မခံရင် အသင်းသစ် ရှာဖွေဖို့ မူကိုကို,ကို အသိပေးလိုက်တဲ့ ဒေါ့မန် (ဘွန်ဒက်စ်လီဂါ နောက်ဆုံးရ သတင်းများ)

ကလပ် ဘရုဂေး ကြယ်ပွင့်ကို ခေါ်ယူလိုက်တဲ့ လေဗာကူဆင်၊ စာချုပ်သစ်ကို လက်မခံရင် အသင်းသစ် ရှာဖွေဖို့ မူကိုကို,ကို အသိပေးလိုက်တဲ့ ဒေါ့မန် စတဲ့ သတင်းတွေ အပါအဝင် ဇန်နဝါရီ ၁၇ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ကလပ် ဘရုဂေး ကြယ်ပွင့်ကို ခေါ်ယူလိုက်တဲ့ လေဗာကူဆင်

ဘွန်ဒက်စ်လီဂါ ကလပ် လေဗာကူဆင်ဟာ ကလပ် ဘရုဂေးရဲ့ ဆယ်ကျော်သက် ကြယ်ပွင့် နိုအာ အမ်ဘမ်ဘာကို ခေါ်ယူနိုင်ခဲ့ပြီလို့ သိရှိရပါတယ်။

အသက် (၁၈) နှစ် အရွယ် ကွင်းလယ် ခံစစ် ကစားသမားလေးဟာ လက်ရှိအချိန်မှာ ဘယ်လ်ဂျီယံ ယူ-၁၉ အသင်း အတွက်လည်း ကစားပေးနေပြီး လေဗာကူဆင်နဲ့ (၂၀၂၈) အထိ စာချုပ်ချုပ်ဆိုခဲ့တာ ဖြစ်ပါတယ်။

ဒါပေမယ့် အမ်ဘမ်ဘာဟာ လက်ရှိအချိန်မှာ လေဗာကူဆင်နဲ့ ပူးပေါင်းဦးမှာ မဟုတ်ဘဲ ရာသီကုန်မှသာ အသင်းထံ လာရောက် ပူးပေါင်းသွားမှာ ဖြစ်ကြောင်း သိရပါတယ်။

ပရီးမီးယား လိဂ်

ဝက်စ်ဟမ်း ယူနိုက်တက်

အဲဗာတန်

1X2 ဝက်စ်ဟမ်း ယူနိုက်တက် @ 1.79

အဲဗာတန် အာရှ ဟန်းဒီးကပ် +0.50 @ 2.16

ဂိုးအောက် 2.25 @ 2.14

ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။

ဒီနေရာတွင် နှိပ်ပါ

အခြား ရွေးချယ်စရာတွေကို စဥ်းစားနေတယ်လို့ မာကို ရိုက်စ်ရဲ့အေးဂျင့် ဖွင့်ဟ

ဒေါ့မန် အသင်းခေါင်းဆောင် မာကိုရိုက်စ်ရဲ့ အေးဂျင့် ဒါ့ခ် ဟီဘယ်လ်က သူ့ရဲ့ ကစားသမား အနေနဲ့ ဘောလုံး ဆက်ကစားလိုတာကြောင့် အခြားသော ရွေးချယ်မှုတွေကို စဥ်းစားနေကြောင်း ဖွင့်ဟခဲ့ပါတယ်။

အဆိုပါ ဘွန်ဒက်စ်လီဂါ အသင်းခေါင်းဆောင်ကို ခေါ်ယူဖို့ အတွက် ဆော်ဒီအာရေဗျ ကလပ် အယ်လ်နာဆာ ကလည်း စိတ်ဝင်စားနေပြီး ကစားသမား ကတော့ ဒေါ့မန်မှာ ဆက်နေဖို့သာ စိတ်အားထက်သန်နေပါတယ်။

ဒါပေမယ့်လည်း မာကို ရိုက်စ် အနေနဲ့ ဘောလုံး ဆက်ကစားလိုတာကြောင့် အခြားသော ရွေးချယ်မှုတွေကို ထည့်သွင်း စဥ်းစားနေရတာက သာမန်ကိစ္စ တစ်ရပ်သာ ဖြစ်ကြောင်း အေးဂျင့်ဖြစ်သူက ပြောကြားသွားခဲ့တာပါ။