ဆာနေးရဲ့ သွင်းဂိုးနဲ့ အဝေးကွင်းမှာ အနိုင်ရခဲ့တဲ့ ဘေယန်မြူးနစ် (ဘွန်ဒက်စ်လီဂါ ပွဲပြီးသုံးသပ်ချက်)

ဖရန့်ဖတ် ၀-၁ ဘေယန်မြူးနစ်

ဘွန်ဒက်စ်လီဂါ အမှတ်ပေးဇယားကို ဦးဆောင်နေတဲ့ ဘေယန်မြူးနစ်တို့ ဖရန့်ဖတ်ကို အဝေးကွင်းမှာ ခက်ခက်ခဲခဲ ကစားခဲ့ရပေမယ့် လီရွိုင်း ဆာနေးရဲ့ တစ်လုံးတည်းသော သွင်းဂိုးနဲ့ အနိုင်သွားခဲ့ပါတယ်။ ဘေယန်တို့ တစ်ပွဲလုံး ခြေစွမ်းပိုင်း အသာနဲ့ ကစားနိုင်ခဲ့ပေမယ့် အဆုံးသတ်ပိုင်းမှာ အားနည်းခဲ့သလို ဖရန့်ဖတ်ရဲ့ ဂိုးသမား ထရပ်ရဲ့ လက်စွမ်းပြမှုတွေကြောင့် ကျဉ်းမြောင်းတဲ့ ရလဒ်နဲ့ပဲ အနိုင်ရခဲ့တာ ဖြစ်ပါတယ်။

ပွဲစဉ်အကျဉ်း

ဒီနေ့ပွဲမှာ ဖရန့်ဖတ်တို့ ဒီနေ့ပွဲမှာ အတောင့်တင်းဆုံး လူစာရင်းနဲ့ ဘေယန်မြူးနစ်ကို ရင်ဆိုင်သွားခဲ့ပြီး စိန်ပွင့်ပုံ ၃-၄-၂-၁ အခင်းအကျင်းမှာ လင်းစတွမ်း၊ ကော့စတစ်၊ ဆိုးဝ်၊ ဟရူစတစ်၊ ဟင်တာရက်ဂါ၊ ကီဗင် ထရပ်တို့ ပွဲထွက်ခဲ့ပါတယ်။ ဘေယန်မြူးနစ် ကတော့ ထုံးစံ အတိုင်း ၄-၂-၃-၁နဲ့ပဲ ပွဲထွက်ခဲ့ပြီး မူလာ နေရာမှာ မူဆီရာလာ ကစားခဲ့တာက လွဲရင် လီဝမ်ဒေါစကီး၊ ဂနာဘရီ၊ ကိုမန်၊ ဆဘစ်ဇာ၊ ကင်မစ်ချ်၊ ဟာနန်ဒက်ဇ်၊ ဇူလာ၊ အူပါမီကာနို၊ ပါဗက်၊ အူးလ်ရစ်ချ် တို့နဲ့ လူစုံခဲ့ပါတယ်။

ပရီးမီးယား လိဂ်

အက်စတန် ဗီလာ

ဆောက်သမ်တမ်

1X2 ဆောက်သမ်တမ် @ 3.15

အက်စတန် ဗီလာ ပထမပိုင်း အာရှ ဟန်းဒီးကပ် -0.25 @ 2.29

ဂိုးပေါင်း 4-6 @ 3.25

ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။

ဒီနေရာတွင် နှိပ်ပါ

ပွဲစကတည်းက ဘေယန်မြူးနစ်တို့ တောင်ပံနဲ့ ကွင်းလယ် တွဲလုံးတွေ ကနေ တရစပ် တိုက်စစ်ဆင်ခဲ့ပေမယ့် ဖရန့်ဖတ်ရဲ့ ခံစစ်က အကောင်းဆုံး တားဆီးနိုင်ခဲ့လို့ ဂိုးရဖို့တော့ ခက်ခဲခဲ့ပါတယ်။ ကွင်းလယ်က ကင်မစ်ချ်ရဲ့ ဖန်တီးပေးပို့မှုတွေ ကနေ ဂိုးရဖို့ နီးစပ်ခဲ့ပေမယ့် လီဝမ်ဒေါစကီး၊ ကိုမန်၊ ဂနာဘရီတို့ အပိုင်အခွင့်အရေးတွေ အသုံးမချနိုင်ခဲ့လို့ ပထမပိုင်းမှာ ၀-၀ ရလဒ် ဖြစ်နေခဲ့ပါတယ်။
ဒုတိယပိုင်းမှာတော့ နေဂဲလ်စ်မန်း အနေနဲ့ လိုအပ်နေတဲ့ သွင်းဂိုးရဖို့ ကွင်းလယ်က ဆဘစ်ဇာ နေရာမှာ ဆာနေးကို ထည့်ပြီး တိုက်စစ်မြှင့်ခဲ့ပါတယ်။ လူစားလဲမှု မှန်ကန်ခဲ့တယ်လို့ ဆိုရမှာ ဖြစ်ပြီး ဆာနေး အနေနဲ့ ဝင်လာပြီး ၄ မိနစ် အကြာမှာပဲ ဂိုးသွင်းနိုင်ခဲ့ပါတယ်။ ကင်မစ်ချ် အကွက်မြင်မြင် ခင်းပေးလိုက်တာကို ဆာနေးက လူကျွံထောင်ချောက်ကို ဖောက်ထွက်ပြီး ကန်သွင်းသွားခဲ့တာ ဖြစ်ပါတယ်။ လက်ကျန် မိနစ်တွေမှာ ဘေယန်တို့ ဂိုးထပ်ရဖို့ နီးစပ်ခဲ့သေးပေမယ့် ဂိုးသမား ထရပ်ရဲ့ လက်စွမ်းပြမှုကြောင့် ၀-၁ ရလဒ်နဲ့ပဲ ပြီးဆုံးခဲ့ပါတယ်။

ပွဲပြီးသုံးသပ်ချက်

ဒီအခြေအနေ အဝေးကွင်းမှာ လာရောက် ကစားခဲ့ပေမယ့် ဘေယန်မြူးနစ်တို့ ဘောလုံးပိုင်ဆိုင်မှု ၇၀ ရာခိုင်နှုန်း ရှိခဲ့တဲ့ အထိ အသာရခဲ့ပြီး တိုက်စစ် ကလည်း ဂိုးပေါက် ကန်ချက် ၂၁ ကြိမ်မှာ ဂိုးပေါက်တည့် ကန်ချက် ၉ ကြိမ် အထိ ရှိခဲ့ပါတယ်။ ဒါပေမယ့်လည်း အဲ့ဒီ ဂိုးပေါက်တည့် ကန်ချက် ၉ ကြိမ်မှာ ၈ ကြိမ်ကို ဖရန့်ဖတ် ဂိုးသမား ကီဗင်ထရပ် လက်စွမ်းပြ ကာကွယ်နိုင်ခဲ့လို့ ဘေယန်မြူးနစ်တို့ သွင်းဂိုး ၁ ဂိုးပဲ ရခဲ့တာ ဖြစ်ပါတယ်။

ဒီရာသီမှာ ဘွန်ဒက်စ်လီဂါ အိမ်ကွင်း ရှုံးပွဲ ၉ ပွဲ ရှိလာခဲ့ပြီ ဖြစ်တဲ့ ဖရန့်ဖတ် ကတော့ ရမှတ် ၃၁ မှတ်နဲ့ အမှတ်ပေးဇယား အဆင့် ၁၀ နေရာမှာ ဆက်လက် ရပ်တည်နေခဲ့ပါတယ်။ — ဘွန်ဒက်စ်လီဂါ အမှတ်ပေးဇယား အဆင့် ၁၀ နေရာမှာ ဆက်လက် ရပ်တည်နေတဲ့ ဖရန့်ဖတ်

ပွဲအပြီးမှာ ဘေယန်မြူးနစ်တို့ ဘွန်ဒက်စ်လီဂါ ၁၉ ပွဲမြောက် နိုင်ပွဲ ရရှိခဲ့ခြင်းနဲ့ အတူ အဆင့် ၂ နေရာက ဒေါ့မန်ကို ၉ မှတ်ဖြတ်ပြီး ဇယားထိပ်မှာ ဆက်လက် ဦးဆောင်နိုင်ခဲ့ပါတယ်။ ဒီရာသီမှာ ဘွန်ဒက်စ်လီဂါ အိမ်ကွင်း ရှုံးပွဲ ၉ ပွဲ ရှိလာခဲ့ပြီ ဖြစ်တဲ့ ဖရန့်ဖတ် ကတော့ ရမှတ် ၃၁ မှတ်နဲ့ အမှတ်ပေးဇယား အဆင့် ၁၀ နေရာမှာ ဆက်လက် ရပ်တည်နေခဲ့ပါတယ်။