မားကပ်စ် သူရမ်ကို ယူရို ၉ သန်းလောက်နဲ့ ခေါ်ယူခွင့် ရှိနေတဲ့ ချဲလ်ဆီး၊ ဖရန့်ဖတ် တိုက်စစ်မှူးကို စောင့်ကြည့်နေတဲ့ ဘေယန်မြူးနစ် စတဲ့ သတင်းတွေ အပါအဝင် ဇန်နဝါရီ ၁၅ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
သူရမ်ကို ယူရို (၉) သန်းလောက်နဲ့ ခေါ်ယူခွင့် ရှိနေတဲ့ ချဲလ်ဆီး
ချဲလ်ဆီးဟာ ဘွန်ဒက်စ်လီဂါ ကလပ် မိုချန်ဂလာဘတ်ရဲ့ တိုက်စစ်မှူး မားကပ်စ် သူရမ်ကို ယူရို (၉) သန်း ဝန်းကျင်နဲ့ ခေါ်ယူဖို့ အခွင့်အရေး ရှိနေတယ်လို့ သိရပါတယ်။
အဆိုပါ ကစားသမားဟာ လာမယ့် နွေရာသီမှာ မိုချန်ဂလာဘတ်နဲ့ စာချုပ်သက်တမ်း ကုန်ဆုံးမယ့် ကစားသမား ဖြစ်ပြီး ဂျာမန် သတင်းထောက် ခရစ္စတီယန် ဖော့ခ်ရဲ့ အဆိုအရ သူရမ်ကို ချဲလ်ဆီးတို့ လက်ရှိ ဆောင်းရာသီ အပြောင်းအရွှေ့မှာ ပြောင်းရွှေ့ကြေး ယူရို (၁၀) သန်း အောက်နဲ့ ခေါ်ယူဖို့ အခွင့်အရေး ရှိနေကြောင်း သိရှိရပါတယ်။ ချဲလ်ဆီးက လက်ရှိ ရာသီမှာ တိုက်စစ်ပိုင်း အတွက် ယာအို ဖီးလစ်ကို ရာသီကုန်ထိ အငှားနဲ့ အပြင် တောင်ပံ ကစားသမား မိုင်ဟေလို မူဒရစ်ခ်ကို ကာလရှည် စာချုပ်ချုပ် ခေါ်ယူထားပြီး ဖြစ်ပါတယ်။
ဖရန့်ဖတ် တိုက်စစ်မှူးကို စောင့်ကြည့်နေတဲ့ ဘေယန်မြူးနစ်
ပြီးခဲ့တဲ့ ကာတာ ကမ္ဘာ့ဖလားမှာ ပြင်သစ် အတွက် ခြေစွမ်းပြခဲ့တဲ့ ဘွန်ဒက်စ်လီဂါ ကလပ် ဖရန့်ဖတ်ရဲ့ တိုက်စစ် ကစားသမား ရန်ဒယ်လ် ကိုလို မူအာနီရဲ့ အခြေအနေကို ဘေယန်မြူးနစ်က စောင့်ကြည့်နေကြောင်း သိရပါတယ်။
အဆိုပါ ကစားသမားကို ခေါ်ယူဖို့ ဥရောပထိပ်တန်း အသင်းတွေက စိတ်ဝင်စားနေပြီး လက်ရှိအချိန်မှာ ဂျာမန် ဘီလူးကြီး ဘေယန်မြူးနစ် ကလည်း ဒီကစားသမားရဲ့ အနေအထားကို စောင့်ကြည့်နေကြောင်း ဂျာမန် အခြေစိုက် သတင်းဌာနတွေက ဖော်ပြခဲ့ပါတယ်။
ဂိုးတွေ သွင်းရတာ အကောင်းဆုံး ခံစားချက်လို့ ဟော်လာ ဖွင့်ဟ
ဟော်လာဟာ ဘေဆယ်လ်ကို အနိုင်ရရှိခဲ့တဲ့ ခြေစမ်းပွဲမှာ အသင်း အတွက် (၇) မိနစ် အတွင်း ဟက်ထရစ် သွင်းယူပြီး ခြေစွမ်းပြနိုင်ခဲ့တာပါ။
ဒီကစားသမားဟာ ပြီးခဲ့တဲ့ နွေရာသီမှာ ဝှေးစေ့ ကင်ဆာရောဂါကို ခံစားခဲ့ရတာကြောင့် ဘွန်ဒက်စ်လီဂါ ကလပ် အတွက် ကစားပေးနိုင်ခြင်း မရှိသေးဘဲ အခုချိန်မှသာ အသင်း အတွက် ပထမဆုံး အဖြစ် ပြန်လည် ကစားပေးလျက် ရှိနေတာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
