ရက်ရှ်ဖို့ဒ် ပုံစံအတိုင်း အောင်ပွဲလိုက်ခံခဲ့တယ် ဆိုတဲ့ ဒေါ့မန် ကြယ်ပွင့်၊ ဘိုချမ်နဲ့ ပွဲမှာ ခြေသလုံး ဒဏ်ရာရရှိခဲ့တဲ့ ဘေယန်ရဲ့ အဓိက,ကစားသမား စတာတွေ အပါအဝင် ဖေဖော်ဝါရီလ ၁၃ ရက်နေ့ ညနေခင်း အထိ ရရှိထားတဲ့ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ရက်ရှ်ဖို့ဒ် ပုံစံအတိုင်း အောင်ပွဲလိုက်ခံခဲ့တယ် ဆိုတဲ့ ဒေါ့မန် ကြယ်ပွင့်
ဒေါ့မန် အသင်းရဲ့ တိုက်စစ် ကြယ်ပွင့် ဂျေမီ ဘိုင်နို ဂစ်တင်စ်က ဝါဒါဘရီမင်ကို နှစ်ဂိုးပြတ်နဲ့ အနိုင်ရရှိခဲ့တဲ့ ဘွန်ဒက်စ်လီဂါ ပွဲမှာ အသင်း အတွက် သွင်းဂိုး တစ်ဂိုးကို လူစားဝင်လာပြီး သွင်းယူပေးနိုင်ခဲ့ပါတယ်။
ဒါ့အပြင် ဘိုင်နိုက ဂိုးသွင်း အပြီးမှာ မန်ချက်စတာယူနိုက်တက် တိုက်စစ်မှူး မားကပ်စ် ရပ်ရှ်ဖို့ဒ်ရဲ့ ပုံစံဖြစ်တဲ့ လက်ညှိုးနဲ့ ဦးခေါင်းကို ညွှန်ပြရင်း အောင်ပွဲခံခဲ့တာ ကလည်း ပရိသတ်တွေကြားမှာ ပြောစရာ ဖြစ်ခဲ့ပါတယ်။
ခံစစ် ကြယ်ပွင့်ကို ကာလရှည် စာချုပ်ချုပ်ဆိုလိုက်တဲ့ လေဗာကူဆင်
ဘွန်ဒက်စ်လီဂါ ကလပ် လေဗာကူဆင်ဟာ အသင်းရဲ့ ဗဟို နောက်ခံ ကြယ်ပွင့် ပီရို ဟင်ကာပီကို (၂၀၂၇) ခုနှစ် အထိ သက်တမ်း ရှိတဲ့ စာချုပ်သစ် တစ်ရပ် ချုပ်ဆိုလိုက်ပြီ ဖြစ်ကြောင်း အတည်ပြု ကြေညာခဲ့ပါတယ်။
ဟင်ကာပီဟာ လက်ရှိအချိန်မှာ အသက် (၂၁) နှစ် အရွယ်သာ ရှိသေးပေမယ့် သူ့ရဲ့ ကောင်းမွန်တဲ့ ခြေစွမ်းတွေကြောင့် ဥရောပ ထိပ်တန်း အသင်းတွေရဲ့ စောင့်ကြည့်ခြင်းကို ခံနေရပါတယ်။
အဲ့ဒါကြောင့်လည်း လေဗာကူဆင်က (၂၀၂၁) ခုနှစ်တည်းက အသင်းကို ရောက်ရှိနေတဲ့ ဒီကစားသမားကို စာချုပ် သက်တမ်းတိုးဖို့ အလျင်အမြန်နဲ့ ကြိုးစားခဲ့တာ ဖြစ်ပြီး အခုလိုမျိုးပဲ အပိုင်ချည်နိုင်ခဲ့တာ ဖြစ်ပါတယ်။
ဘိုချမ်နဲ့ ပွဲမှာ ခြေသလုံး ဒဏ်ရာရရှိခဲ့တဲ့ ဘေယန်ရဲ့ အဓိက,ကစားသမား
ဘေယန်မြူးနစ်ရဲ့ အဓိက တိုက်စစ်ကစားသမား သောမတ်စ် မူလာဟာ ဘိုချမ်ကို အနိုင်ရရှိခဲ့တဲ့ ဘွန်ဒက်စ်လီဂါ အိမ်ကွင်းပွဲမှာ ခြေသလုံး ဒဏ်ရာရရှိခဲ့ကြောင်း သိရှိရပါတယ်။
အဆိုပါပွဲမှာ ဘေယန်မြူးနစ်က သုံးဂိုးပြတ်နဲ့ အနိုင်ရရှိခဲ့တာ ဖြစ်ပြီး မူလာ ကလည်း အသင်း အတွက် အဖွင့်ဂိုး တစ်ဂိုးကို သွင်းယူပေးနိုင်ခဲ့ပါတယ်။
ကာယကံရှင် ကိုယ်တိုင် ကတော့ ဒီဒဏ်ရာကို မပြင်းထန်လောက်ဘူးလို့ ယူဆထားပြီး ပီအက်စ်ဂျီနဲ့ ကစားမယ့် ချန်ပီယံလိဂ် ရှုံးထွက် (၁၆) သင်းအဆင့် ပထမအကျော့ပွဲမှာ ပါဝင်နိုင်ဖို့ မျှော်လင့်နေဆဲဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
