နော်အာကို ပေါင် (၁) သန်းကျော် ဒဏ်ရိုက်မယ့် ဘေယန်မြူးနစ်၊ ဂျာမန်ဘီလူးရဲ့ ကစားသမားကို အံ့အားသင့်ဖွယ် ပစ်မှတ်ထားလာတဲ့ ရီးရဲလ် (ဘွန်ဒက်စ်လီဂါ နောက်ဆုံးရ သတင်းများ)

နော်အာကို ပေါင် (၁) သန်းကျော် ဒဏ်ရိုက်မယ့် ဘေယန်မြူးနစ်၊ ဂျာမန်ဘီလူးရဲ့ ကစားသမားကို အံ့အားသင့်ဖွယ် ပစ်မှတ်ထားလာတဲ့ ရီးရဲလ် စတာတွေ အပါအဝင် ဖေဖော်ဝါရီလ ၁၃ ရက်နေ့ မနက်ခင်း အထိ ရရှိထားတဲ့ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။

နော်အာကို ပေါင် (၁) သန်းကျော် ဒဏ်ရိုက်မယ့် ဘေယန်မြူးနစ်

ဘေယန်မြူးနစ်ဟာ အသင်းကို ပြန်လည် ဝေဖန်ခဲ့တဲ့ အသင်းခေါင်းဆောင် ဂိုးသမား မန်နျူရယ် နော်အာကို ပေါင် (၁.၄) သန်း အထိ ဒဏ်ရိုက်မှာ ဖြစ်ကြောင်း သိရှိရပါတယ်။

အဆိုပါ ဂျာမန် လက်ရွေးစင် ဂိုးသမားဟာ သူနဲ့ ကာလရှည် လက်တွဲခဲ့တဲ့ ဂိုးနည်းပြ တိုနီ တာပါလိုဗစ်ကို ထုတ်ပယ်ခဲ့တဲ့ ဘွန်ဒက်စ်လီဂါ ကလပ်ရဲ့ ဆုံးဖြတ်ချက်ကို လူသိရှင်ကြား ပြန်လည် ဝေဖန်ခဲ့တာကြောင့် အခုလိုမျိုး ပြစ်ဒဏ် ချမှတ်ခံရမှာပါ။

(၂၀၁၁) တည်းက နော်အာနဲ့ လက်တွဲခဲ့တဲ့ တာပါလိုဗစ်ဟာ အသင်းတွင်းလျှို့ဝှက်ချက်အချို့ကို ကစားသမားတွေဆီ ဖွင့်ချခဲ့တဲ့ စွပ်စွဲချက်နဲ့ ရာထူးက ထုတ်ပယ်ခံခဲ့ရတာဖြစ်ပါတယ်။

နော်အာကတော့ ဘေယန်မြူးနစ်ရဲ့ လုပ်ရပ်အပေါ် အပြင်းအထန် ဝေဖန်ခဲ့ပြီး သူ့ရဲ့လုပ်ရပ်ကို အိုလီဗာခန်းအပါအဝင် ဘေယန်မြူးနစ် အကြီးအကဲအချို့က ဒေါသထွက်ခဲ့ရပါတယ်။

ဘေယန်မြူးနစ် ကစားသမားကို အံ့အားသင့်ဖွယ် ပစ်မှတ်ထားလာတဲ့ ရီးရဲလ်

ရီးရဲလ်မက်ဒရစ်ဟာ ဘွန်ဒက်စ်လီဂါ ကလပ် ဘေယန်မြူးနစ်ရဲ့ တိုက်စစ်ကစားသမား ကင်စလေ ကိုမန်ကို လာမယ့် နွေရာသီမှာ ခေါ်ယူဖို့ အံ့အားသင့်ဖွယ် ပစ်မှတ်ထားနေကြောင်း သတင်းတွေက ဖော်ပြလာပါတယ်။

အဆိုပါ ပြင်သစ် ကစားသမားဟာ ဂျူဗင်တပ်စ် မှာလည်း ကစားခဲ့ဖူးပြီး ရီးရဲလ်မက်ဒရစ် တာဝန်ရှိသူတွေရဲ့ ကာလရှည် စောင့်ကြည့်ခြင်းကို ခံခဲ့ရသူတစ်ဦးလည်း ဖြစ်ပါတယ်။

ဒါ့အပြင် ရီးရဲလ်မက်ဒရစ် ထိပ်သီးပိုင်း တာဝန်ရှိသူတွေက ကိုမန်ရဲ့ ခြေစွမ်းကို အထင်ကြီး လေးစားပြီး အားနည်းနေတဲ့ အသင်းရဲ့ တိုက်စစ်ပိုင်းကို အားဖြည့်သွားဖို့ ဆန္ဒ ရှိနေပါတယ်။

ဒါပေမယ့် ဘေယန်မြူးနစ် ကတော့ ကိုမန်ကို ရောင်းထုတ်လိုခြင်း မရှိဘဲ ပြီးခဲ့တဲ့ နွေရာသီမှာတည်းက အသင်းမှာ ထိန်းသိမ်းခဲ့ရတဲ့ ဒီကစားသမားကို အသင်းမှာသာ ဆက်ရှိစေချင်ကြောင်း သိရှိရပါတယ်။

အမ်ဘာပေနဲ့မက်ဆီရဲ့ ဒဏ်ရာ သတင်းကို မယုံကြည်တဲ့ ဘေယန်မြူးနစ် နည်းပြ

ဘေယန်မြူးနစ် နည်းပြ ဂျူလီယန် နေဂဲလ်စ်မန်းက ချန်ပီယံလိဂ်ရှုံးထွက် (၁၆) သင်းအဆင့်မှာ တွေ့ဆုံရမယ့် ပီအက်စ်ဂျီရဲ့ ဒဏ်ရာရသတင်းတွေအပေါ် အယုံအကြည်မရှိကြောင်း ပြောကြားထားပါတယ်။

ပီအက်စ်ဂျီမှာ လီယွန်နယ် မက်ဆီ၊ ကီလီယန် အမ်ဘာပေတို့ ဒဏ်ရာ ပြဿနာတွေနဲ့ ရင်ဆိုင်နေရပြီး အမ်ဘာပေ ကတော့ ဘွန်ဒက်စ်လီဂါ ကလပ်နဲ့ ထိပ်တိုက်တွေ့မယ့် ချန်ပီယံလိဂ် ပထမအကျော့ပွဲကို သေချာပေါက် လွဲချော်ဖွယ် ရှိပါတယ်။

မက်ဆီ ကလည်း ဒဏ်ရာပြဿနာ ရှိနေပေမယ့် နေဂဲလ်စ်မန်း ကတော့ ဒါဟာ ပီအက်စ်ဂျီရဲ့ စိတ်ဓာတ် စစ်ဆင်ရေးလို့သာ ယုံကြည်ထားပြီး ဒီကစားသမား နှစ်ယောက် ပါဝင်မယ်လို့ စိတ်ထဲထားကာ ပြင်ဆင်သွားမယ်လို့ ဆိုထားပါတယ်။

ပီအက်စ်ဂျီ နည်းပြ ခရစ္စတိုဖီ ဂဲလ်တီယာ ကတော့ နေဂဲလ်စ်မန်းရဲ့ ပြောဆိုမှုတွေကို ပြန်လည် တုံ့ပြန်ထားပြီး စိတ်ဓာတ် စစ်ဆင်ရေး လုပ်တာက သူတို့ရဲ့ ကိုယ်ပိုင် ပုံစံ မဟုတ်ကြောင်း ဝေဖန်ခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.