ဒီတစ်ခါ မှာတော့ စက်တင်ဘာလ ၁၈ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
လာမယ့် အပြောင်းအရွှေ့မှာ ချာလိုဘာ့ဂ်ကို ခေါ်ယူဖို့ ပြင်ဆင်နေတဲ့ ဘေယန်မြူးနစ်
ဘွန်ဒက်စ်လီဂါ ကလပ် ဘေယန်မြူးနစ်ဟာ လာမယ့်ဆောင်းရာသီ အပြောင်းအရွှေ့မှာ ချဲလ်ဆီး နောက်ခံလူ ထရီဗို့ ချာလိုဘာ့ဂ်ကို ခေါ်ယူဖို့ အတွက် ပြင်ဆင်နေကြောင်း သိရပါတယ်။
ချာလိုဘာ့ဂ်ဟာ လက်ရှိ ချဲလ်ဆီး နည်းပြ မော်ရစ်ဇီယို ပိုချက်တီနို လက်ထက်မှာ ချဲလ်ဆီး ကစားသမားဘဝ အနာဂတ် ပျောက်ဆုံးသွားခဲ့ပြီး ဖြစ်ပါတယ်။ ပြီးခဲ့တဲ့ နွေရာသီကတည်းက အဆိုပါ အင်္ဂလန် နောက်ခံလူက ချဲလ်ဆီး ကနေ ထွက်ခွာဖို့ ပြင်ဆင်ခဲ့ပေမယ့် ဘယ်အသင်း ကိုမှ ပြောင်းရွှေ့ဖြစ်ခဲ့ခြင်း မရှိပါဘူး။
ဘေယန်မြူးနစ် နည်းပြ သောမတ်စ် တူချယ်ဟာ ချာလိုဘာ့ဂ်နဲ့ အတူ ချဲလ်ဆီးမှာ လက်တွဲခဲ့ဖူးပြီး အခုချိန်မှာလည်း အဆိုပါ နောက်ခံလူကို ဘေယန်မြူးနစ်မှာ ပြန်လည် ခေါ်ယူထားဖို့ ပစ်မှတ်ထားနေပါတယ်။ ချာလိုဘာ့ဂ် အတွက်တော့ ချဲလ်ဆီးက ပြောင်းရွှေ့ကြေး ပေါင် (၂၅) သန်း သတ်မှတ်ထားပြီး နော်တင်ဟမ်ဖောရက်စ်၊ တော့တင်ဟမ်ဟော့စပါး တို့က ဒီကစားသမားကို ခေါ်ယူဖို့အတွက် စိတ်ဝင်စားနေကြောင်းလည်း သိရပါတယ်။
ပွဲကစားခွင့် မရတဲ့အပေါ် စိတ်ပျက်နေကြောင်း ဖွင့်ဟခဲ့တဲ့ ဒီလစ်ဂျ်
ဘွန်ဒက်စ်လီဂါ ကလပ် ဘေယန်မြူးနစ် နောက်ခံလူ မားသီးယပ်စ် ဒီလစ်ဂျ်က အသင်းမှာ ပုံမှန် ပွဲထွက်ခွင့် ပျောက်ဆုံးနေတဲ့ အပေါ် စိတ်ပျက်မိကြောင်း ဖွင့်ဟ ပြောကြားသွားခဲ့ပါတယ်။
ဒီလစ်ဂျ်ဟာ ဘေယန်မြူးနစ် နည်းပြ သောမတ်စ် တူချယ် လက်ထက်မှာ ပုံမှန်ပွဲထွက်ခွင့် ပျောက်ဆုံးနေတဲ့ ကစားသမားပါ။ အဆိုပါ နယ်သာလန် လက်ရွေးစင် နောက်ခံလူဟာ ပြီးခဲ့တဲ့ သောကြာနေ့ညက ကစားခဲ့တဲ့ လေဗာကူဆင်နဲ့ နှစ်ဂိုးစီ သရေကျခဲ့တဲ့ ဘွန်ဒက်စ်လီဂါ ပွဲစဉ်မှာလည်း အရန်ခုံမှာသာ ထိုင်နေခဲ့ရပါတယ်။
အဲ့ဒီပွဲအပြီးမှာတော့ ဒီလစ်ဂျ်က အခုလိုမျိုး အရန်ခုံ ထိုင်နေရတာနဲ့ ပတ်သက်လို့ ဘာမှမပြောနိုင်ကြောင်း၊ နောက်ဆုံး လေးပွဲ ဆက်တိုက် သူကစားခွင့် မရခဲ့ဘဲ ဒါက စိတ်ပျက်စရာ ကောင်းကြောင်း၊ သူက အမြဲတမ်း ပွဲကစားခွင့် ရချင်တဲ့ ကစားသမား ဖြစ်ကြောင်း ပြောကြားသွားခဲ့ပါတယ်။
ဖရိုင်းဘတ်နဲ့ ကစားရတာ ဘယ်တုန်းကမှ မလွယ်ကူကြောင်း အမ်မရီချန် ပြောကြား
ဒေါ့မန် အသင်းခေါင်းဆောင် အမ်မရီချန်က ဖရိုင်းဘတ်နဲ့ ကစားရတာက ဘယ်တုန်းကမှ မလွယ်ကူကြောင်း ဖွင့်ဟ ပြောကြားလိုက်ပါတယ်။
တစ်နေ့ညက ကစားခဲ့တဲ့ ဘွန်ဒက်စ်လီဂါ ပွဲစဉ်မှာ ဒေါ့မန်က ဖရိုင်းဘတ်ကို ၄-၂ ဂိုးနဲ့ အနိုင်ရရှိခဲ့ပြီး ဒီပွဲက ပရိသတ်တွေ အတွက် တော်တော်လေး ဖျော်ဖြေမှုပေးနိုင်ခဲ့တဲ့ ပွဲတစ်ပွဲလည်း ဖြစ်ပါတယ်။ ပွဲအပြီးမှာတော့ ဒေါ့မန် အသင်းခေါင်းဆောင် အမ်မရီချန်က တကယ်ကို တောင်းဆိုမှု မြင့်မားတဲ့ ပွဲတစ်ပွဲ ဖြစ်ခဲ့ကြောင်း၊ ဖရိုင်းဘတ်ကွင်းမှာ အနိုင်ရဖို့ ဆိုတာက ဘယ်တုန်းကမှ လွယ်ကူတဲ့ ပွဲတစ်ပွဲ မဟုတ်ခဲ့ကြောင်း၊ ခက်ခက်ခဲခဲ အနိုင်ရရှိခဲ့တဲ့ ပွဲတစ်ပွဲ ဖြစ်ပြီး ကစားသမားတွေက နောက်ဆုံးအချိန် အထိ ကြိုးစားခဲ့ကြောင်း ပြောကြားခဲ့ပါတယ်။
ဆက်လက်ပြီးတော့လည်း အမ်မရီချန်က ဖရိုင်းဘတ်က သူတို့ရဲ့ကစားပုံကို အပြောင်းအလဲ လုပ်ခဲ့ပြီး ကျွန်တော်တို့ မဖြေရှင်းနိုင်ခဲ့ကြောင်း၊ ဒါပေမယ့် နောက်ဆုံး မှာတော့ အနိုင်သုံးမှတ်ကို ရယူနိုင်ခဲ့ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
