အဓိက ကစားသမား ၃ ဦး အထိ လက်လွှတ်သွားမယ့် နယူးကာဆယ်၊ အင်္ဂလန် ကလပ် များစွာရဲ့ ပစ်မှတ် ဖြစ်နေတဲ့ ဘာကိုလာ | ပရီးမီးယားလိဂ်

ဒီကနေ့ ညနေခင်းအထိ ရရှိထားသမျှ ပရီးမီးယားလိဂ် အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
မန်ချက်စတာစီးတီးဟာ နော့တင်ဟမ်ဖောရက်စ် အသင်းရဲ့ ကွင်းလယ်လူ အဲလီယော့တ် အန်ဒါဆန်ကို ခေါ်ယူနိုင်ဖို့ ယုံကြည်ချက်ရှိနေပေမဲ့ ဖောရက်စ် အသင်း ဘက်ကတော့ ဘဏ္ဍာရေးဆိုင်ရာ အကြောင်းပြချက်တွေကြောင့် ဒီအပြောင်းအရွှေ့ကို ဇွန်လ ၃၀ ရက်နောက်ပိုင်းမှသာ အတည်ပြု ထုတ်ပြန်ဖို့ နှောင့်နှေးနိုင်ပါတယ်။

ပရီးမီးယားလိဂ်မှာ ရုန်းကန်နေရတဲ့ နယူးကာဆယ်ဟာ ကွင်းလယ်လူ ဆန်ဒရို တိုနာလီ အပြင် နောက်ခံလူတွေ ဖြစ်တဲ့ လူးဝစ် ဟောလ်နဲ့ တီနို လစ်ဗရာမန်တို တို့ကိုပါ ရောင်းချဖို့ လမ်းဖွင့်ထားပါတယ်။ ဒါပေမယ့် မန်ချက်စတာယူနိုက်တက် အသင်း ကတော့ အီတလီ လက်ရွေးစင် တိုနာလီရဲ့ ပြောင်းရွှေ့ကြေးက အလွန် မြင့်မားလွန်းတယ်လို့ ဆုံးဖြတ်ခဲ့တာကြောင့် သူ့ကိုခေါ်ယူဖို့ လှုပ်ရှားသွားမှာ မဟုတ်ပါဘူး။

မန်ချက်စတာယူနိုက်တက် နည်းပြ မိုက်ကယ် ကာရစ်ခ် ကတော့ လာလီဂါ ချန်ပီယံ ဘာစီလိုနာ အသင်းက အမြဲတမ်း အပြောင်းအရွှေ့အတွက် ခေါ်ယူဖို့ ငြင်းဆန်ခဲ့တာကြောင့် အသင်းလက်မဲ့ ဖြစ်နေတဲ့ တောင်ပံ ကစားသမား မားကပ်စ် ရက်ရှ်ဖို့ဒ် အသင်းဆီ ပြန်လာမယ့်အရေးကို ဝမ်းမြောက်ဝမ်းသာ ကြိုဆိုမှာ ဖြစ်ကြောင်း ရှင်းရှင်းလင်းလင်း ပြောကြားလိုက်ပါတယ်။

လစ်ဗာပူးလ် အသင်းက တာဝန်ရှိသူတွေဟာ လိုင်လီ အသင်းရဲ့ မော်ရိုကို လက်ရွေးစင်ကစားသမား အာယူဘ် ဘူအာဒီရဲ့ ခြေစွမ်းကို စောင့်ကြည့်ဖို့ နယူးယောက်မြို့ဆီ သွားရောက်ခဲ့ကြပါတယ်။ အသက် ၁၈ နှစ် အရွယ် ရှိပြီ ဖြစ်တဲ့ အဆိုပါ ကစားသမားကို အာဆင်နယ်၊ ချဲလ်ဆီး၊ စပါးနဲ့ ပီအက်စ်ဂျီ တို့ကလည်း စိတ်ဝင်စားနေကြတာပါ။
ဘေယန်မြူးနစ် အသင်း ကလည်း တန်ဖိုးအားဖြင့် ယူရို သန်း ၈၀ (ပေါင် ၆၉ သန်း) အထိ သတ်မှတ်ခံထားရတဲ့ ဘူအာဒီကို ခေါ်ယူဖို့ စောင့်ကြည့်နေပါတယ်။

ဘရက်ဒ်လေ ဘာကိုလာဟာ ပွဲထွက်ခွင့် နည်းပါးနေတာကြောင့် ပီအက်စ်ဂျီ အသင်း ကနေ ထွက်ခွာခွင့် တောင်းဆိုထားပါတယ်။ ဘာကိုလာကို အဓိက စိတ်ဝင်စားနေတာ ကတော့ ပရီးမီးယားလိဂ် ကလပ်တွေ ဖြစ်ပါတယ်။ အာဆင်နယ်နဲ့ လစ်ဗာပူးလ် တို့က သူ့ကိုခေါ်ယူဖို့ အလေးအနက် စိတ်ဝင်စားနေကြသလို ချဲလ်ဆီး၊ မန်စီးတီးနဲ့ မန်ယူနိုက်တက်တို့ဆီ ကိုလည်း ဒီအခြေအနေနဲ့ ပတ်သက်ပြီး အကြောင်းကြားထားပြီး ဖြစ်ပါတယ်။

လစ်ဗာပူးလ် အသင်းဟာ ခရစ္စတယ်ပဲလေ့စ်ရဲ့ အာဒမ် ဝှာတန်ကို ခေါ်ယူမယ့် ရန်ပုံငွေ အတွက် ကွင်းလယ်လူတွေ ဖြစ်တဲ့ အလက်ဆစ် မက်အယ်လစ္စတာနဲ့ ကာတစ် ဂျုန်းစ် တို့ကို ရောင်းချဖို့ ပြင်ဆင်နေပါတယ်။ ဝှာတန်ရဲ့ ပြောင်းရွှေ့ကြေးဟာ ပေါင် သန်း ၁၀၀ ဝန်းကျင် အထိ ရှိနိုင်ပါတယ်။

မစ်ဂျယ်လန်း အသင်းရဲ့ အသက် ၂၃ နှစ် အရွယ် ဗဟိုနောက်ခံလူ လီဟန်ဘွမ်းကို ချဲလ်ဆီးနဲ့ လစ်ဗာပူးလ် တို့က စိတ်ဝင်စားနေကြပြီး၊ အဆိုပါ တောင်ကိုရီးယား လက်ရွေးစင်ကို ဘရိုက်တန်၊ လိဒ်စ်ယူနိုက်တက်နဲ့ နယူးကာဆယ် အသင်း တို့ကလည်း စောင့်ကြည့်နေပါတယ်။

ခရစ္စတယ်ပဲလေ့စ်နဲ့ တော့တင်ဟမ်ဟော့စပါး အသင်း တို့ဟာ လန်းစ် အသင်းရဲ့ အသက် ၂၁ နှစ် အရွယ် ဗဟိုနောက်ခံလူ အစ္စမာအီလို ဂါနီယူးကို ခေါ်ယူနိုင်ဖို့ ပီအက်စ်ဂျီ အသင်းနဲ့ အပြိုင်လုရတော့မှာ ဖြစ်ပါတယ်။

ဒေါ့မန် တိုက်စစ်မှူး ဆာဟူး ဂူရက်ဆီကို ခေါ်ယူဖို့ အက်စတွန်ဗီလာနဲ့ စပါး အသင်း တို့က စဉ်းစားနေကြပါတယ်။ ဥရောပ မှာတော့ အေစီမီလန်၊ အက်တလက်တီကိုမက်ဒရစ်နဲ့ ဖီနာဘာချီ တို့ကလည်း သူ့ကို သဘောကျနေကြတဲ့ အသင်းတွေ ဖြစ်ပါတယ်။

နယူးကာဆယ် နည်းပြ အက်ဒီဟောင်းဝ်ဟာ အသင်းကနေ ထွက်ခွာမယ့် နစ်ခ် ဝေါလ်တီမာဒါနဲ့ ယိုအာနေး ဝစ်ဆာ တို့ရဲ့ နေရာမှာ အစားထိုးဖို့ ယခုနွေရာသီမှာ လူငယ် တိုက်စစ်မှူး တစ်ဦးကို အလိုရှိနေပါတယ်။

အန်သိုနီ ဂေါ်ဒွန် ရောက်ရှိလာပြီးနောက်ပိုင်း နည်းပြ ဟန်ဆီ ဖလစ်ခ်က အသင်းမှာ သူ့ရဲ့ အခန်းကဏ္ဍနဲ့ ပတ်သက်ပြီး ရေရေရာရာ အာမခံချက်မပေးနိုင်ခဲ့တာကြောင့် ရာဖင်ညာဟာ ဒီနွေရာသီမှာ ဘာစီလိုနာ ကနေ ထွက်ခွာဖို့ ပြင်ဆင်နေပါတယ်။ ဆော်ဒီအာရေဗျ ကလပ်ဆီ ပြောင်းရွှေ့ဖို့ကလည်း သူ့အတွက် ရွေးချယ်စရာ တစ်ခု ဖြစ်လာနိုင်ပါတယ်။

ဘရာဟင်မ် ဒီးယက်ဇ် ကတော့ ဒီနွေရာသီမှာ ရီးရဲလ်မက်ဒရစ် မှာပဲ ဆက်ရှိနေဖို့ သန္နိဋ္ဌာန်ချထားပြီး ကလပ် အသင်းဘက်က သူ့ကို အလိုမရှိတော့ကြောင်း အကြောင်းကြားမှသာ ထွက်ခွာဖို့ စဉ်းစားမှာ ဖြစ်ပါတယ်။

ဟိုဆေး မော်ရင်ညိုဟာ သူအဓိက အလိုရှိနေတဲ့ ဝက်စ်ဟမ်း ကွင်းလယ်လူ မာတီးယပ်စ် ဖာနန်ဒက်စ်က ယူနိုက်တက်ဆီ ပြောင်းဖို့ အလားအလာ များနေတာကြောင့် ချဲလ်ဆီး ကွင်းလယ်လူ အန်ဇို ဖာနန်ဒက်စ်ကို ပြန်လည် ခေါ်ယူဖို့ ရီးရဲလ်မက်ဒရစ် အသင်းကို တိုက်တွန်းနေပါတယ်။

ရီးရဲလ်မက်ဒရစ် အသင်းဟာ ယခုနွေရာသီမှာ ပြန်လည် ခေါ်ယူခွင့်ကို အသက်မသွင်းတဲ့ အတွက်ကြောင့် အိုဆာဆူနာ ကနေ နယူးကာဆယ်ဆီ ပြောင်းရွှေ့ဖို့ ပြင်ဆင်နေတဲ့ တောင်ပံကစားသမား ဗစ်တာ မူနော့ဇ် အတွက် နောက်ထပ် ခေါ်ယူခွင့် အပိုဒ် တစ်ခုကို ရယူနိုင်ခဲ့ပါတယ်။ ဒီခွင့်ပြုချက်ဟာ ၁၂ လ သက်တမ်းသာ ရှိမှာ ဖြစ်ပါတယ်။

ဘာစီလိုနာ အသင်းဟာ အက်တလက်တီကို တိုက်စစ်မှူး ဂျူလီယန် အဲလ်ဗာရက်ဇ်ရဲ့ နေရာမှာ အစားထိုးနိုင်မယ့် တခြား ရွေးချယ်စရာ အဖြစ် ဘုန်းမောက် တိုက်စစ်မှူး အီလီ ဂျူနီယာ ခရူပီ ကို စောင့်ကြည့်နေပါတယ်။

ဖာရန်း တောရက်စ် ကတော့ ဘာစီလိုနာမှာ ရှိမယ့် သူ့ရဲ့ အနာဂတ်နဲ့ ပတ်သက်ပြီး ဘာမှမသိရသေးပါဘူး။ စာချုပ်သစ် ကမ်းလှမ်းမှုနဲ့ ပတ်သက်ပြီး သူ မသိရှိရသေးသလို ပီအက်စ်ဂျီ အသင်းက စိတ်ဝင်စားနေတယ် ဆိုတဲ့ ကောလာဟလ သတင်းတွေ ကလည်း စပိန်တိုက်စစ်မှူးဆီ ရောက်ရှိမလာသေးပါဘူး။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်