ဒီကနေ့ ညနေခင်းအထိ ရရှိထားသမျှ ဘွန်ဒက်စ်လီဂါ အပါအဝင် ထိပ်သီးလိဂ်တွေရဲ့ နောက်ဆုံးရ သတင်းတွေကို SBOTOP ပရိသတ်တွေ အတွက် ဖော်ပြပေးလိုက်ပါတယ်။
ဘွန်ဒက်စ်လီဂါ ထိပ်သီး ကလပ် ဘေယန်မြူးနစ် အသင်းက ဟယ်ရီကိန်းကို ရောင်းချဖို့ မရှိကြောင်း လူသိရှင်ကြား တုံ့ပြန်ထားပါတယ်။ ဒါပေမယ့်လည်း၊ တကယ်တမ်း ကမ်းလှမ်းမှု အပိုင်းမှာ ယူရို သန်း ၈၀ သန်း ဝန်းကျင် ရရှိပါက ဆွေးနွေးမှုတွေ စတင် ပြုလုပ်သွားမှာ ဖြစ်ပါတယ်။ ဘာစီလိုနာ အသင်း အနေနဲ့ ဟူလီယန် အဲလ်ဗာရက်စ်ကို ခေါ်ယူဖို့ ကြိုးပမ်းမှု မအောင်မြင်ခဲ့ရင် ဟယ်ရီကိန်းဟာ သူတို့ အတွက် ပိုမိုဖြစ်နိုင်ခြေ ရှိတဲ့ ပစ်မှတ် တစ်ခု ဖြစ်လာပါတယ်။
အက်တလက်တီကိုမက်ဒရစ် ဘက်က အပြောင်းအရွှေ့ ဆွေးနွေးမှုတွေကို ဆက်လက် ပိတ်ဆို့နေမယ် ဆိုရင် အဲလ်ဗာရက်စ် အနေနဲ့ ဘာစီလိုနာကို ပြောင်းရွှေ့ချင်တဲ့ သူရဲ့ဆန္ဒကို လူသိရှင်ကြား ထုတ်ဖော် ပြောဆိုဖို့ ပြင်ဆင်နေပါတယ်။ ပြီးခဲ့တဲ့ ဖေဖော်ဝါရီလတုန်းက အပြောင်းအရွှေ့ ကိစ္စရပ်တွေကို ကူညီပေးမယ်လို့ အက်တလက်တီကိုမက်ဒရစ်ရဲ့ စီအီးအိုက ကတိပြုခဲ့တာကြောင့် အဲလ်ဗာရက်စ်က အဲဒီကတိ အတိုင်း ဖြစ်လာလိမ့်မယ်လို့ မျှော်လင့်နေတာပါ။
ဒါပေမယ့်လည်း တခြား တစ်ဖက် မှာတော့ အဲလ်ဗာရက်စ်ဟာ အသင်း ပြောင်းရွှေ့ဖို့ အတွက် အတင်းအကြပ် ဖိအားပေး ဆန္ဒပြတာမျိုး လုပ်ဆောင်သွားမှာ မဟုတ်ဘဲ၊ အက်တလက်တီကိုမက်ဒရစ် မှာပဲ ဆက်နေဖို့ ကိုလည်း လမ်းဖွင့်ထားဆဲ ဖြစ်ပါတယ်။
လစ်ဗာပူးလ် အသင်းရဲ့ ကွင်းလယ်လူ အလက်ဆစ် မက် အယ်လစ္စတာဟာ ရီးရဲလ်မက်ဒရစ်ရဲ့ ပစ်မှတ် အဖြစ် တစ်ကျော့ပြန် ရေပန်းစားလာခဲ့ပါတယ်။ အာဂျင်တီးနား လက်ရွေးစင် ကွင်းလယ်လူဟာ လက်ရှိ လစ်ဗာပူးလ် အသင်းနဲ့ စာချုပ်သက်တမ်း (၂) နှစ် ကျန်ရှိနေသေးပြီး စာချုပ်သစ်ချုပ်ဆိုဖို့ အတွက် ဆွေးနွေးမှုတွေ ပြုလုပ်ခြင်း မရှိသေးပါဘူး။
ရီးရဲလ်မက်ဒရစ် ဥက္ကဋ္ဌ ဖလော်ရန်တီနို ပီရက်ဇ်ဟာ လာမယ့် အသင်း ဥက္ကဋ္ဌ ရွေးကောက်ပွဲ ကနေ ကောင်းမွန်တဲ့ ရလဒ် ထွက်ပေါ်လာမယ့် အချိန်ကို စောင့်ဆိုင်းနေပြီး၊ ထိုနောက်မှသာ သူရဲ့ အပြောင်းအရွှေ့ စီမံကိန်းတွေကို စတင် အကောင်အထည်ဖော်မှာ ဖြစ်ပါတယ်။ ပီရက်ဇ်ရဲ့ စာရင်းထဲမှာ မက် အယ်လစ္စတာ အပြင်၊ အီဘရာဟီမာ ကိုနာတေ၊ ဒန်ဇယ် ဒမ်းဖရီးစ်၊ ချဲလ်ဆီး ကွင်းလယ်လူ အန်ဇို ဖာနန်ဒက်ဇ်နဲ့ မန်စီးတီး နောက်ခံလူ ယော့စကို ဂဗာဒီယိုလ်တို့ ပါဝင်နေပါတယ်။
ဂျူဗင်တပ်စ် တိုက်စစ်မှူး ဒူဆန် ဗလာဟိုဗစ်ဟာ နောက်ဆုံးအချိန် စာချုပ်သက်တမ်းတိုးဖို့ ဆွေးနွေးမှုတွေ ပျက်ပြားခဲ့ပြီးနောက် လာမယ့်နွေရာသီမှာ အလွတ်ပြောင်းရွှေ့ကြေးနဲ့ ရရှိနိုင်တော့မှာ ဖြစ်ပါတယ်။ ဗလာဟိုဗစ် အနေနဲ့ ဘာစီလိုနာ အသင်းဆီ ပြောင်းရွှေ့ဖို့ကို ပထမဦးစားပေး အဖြစ် သတ်မှတ်ထားပေမယ့်၊ ဘာစီလိုနာ ဘက်ကတော့ သူ့ကို သေချာရေရာတဲ့ ပစ်မှတ် တစ်ခု အဖြစ် အလေးအနက် မစဉ်းစားသေးပါဘူး။ လက်ရှိမှာ ချဲလ်ဆီး၊ ဘွန်ဒက်စ်လီဂါ ထိပ်သီး ဘေယန်မြူးနစ်နဲ့ နာပိုလီ တို့ကလည်း သူ့ကို ခေါ်ယူဖို့ စိတ်ဝင်စားနေကြပါတယ်။
ခရိုအေးရှားကို ၂ ဂိုးပြတ် အနိုင်ရခဲ့တဲ့ ပွဲမှာ ခြေစွမ်းပြ ဂိုးသွင်းယူခဲ့တဲ့ ရိုမယ်လူ လူကာကူဟာ အသင်းရဲ့ မရှိမဖြစ် ကစားသမား ဖြစ်ကြောင်း ဘယ်လ်ဂျီယံ အသင်းခေါင်းဆောင် တေလီမန့်စ်က ဖွင့်ဟ ပြောဆိုသွားခဲ့ပါတယ်။
ပြီးခဲ့တဲ့ တစ်နှစ်ပတ်လုံး လက်ရွေးစင် အသင်းမှာ နေရာ မရ ဖြစ်နေတဲ့ လူကာကူဟာ တစ်နှစ်လောက် အကြာမှ အသင်း အတွက် ပထမဆုံး သွင်းဂိုးပြန်လည် သွင်းယူပေးနိုင်ခဲ့တာ ဖြစ်ပြီး ကလပ် အသင်း နာပိုလီ အတွက်လည်း တစ်ရာသီ အတွင်း ၇ ပွဲသာ ပါဝင်ကစားပေးနိုင်ခဲ့ပါတယ်။
တေးလီမန်းစ်က “သူက ကျွန်တော်တို့ အုပ်စုထဲမှာ ဘယ်လောက် အရေးပါလဲ ဆိုတာ ကျွန်တော်တို့ အားလုံး သိထားကြပါတယ်၊ သူ့ရဲ့ ထက်မြတ်မှုတွေ စိတ်ဓာတ် သန်မာမှုတွေက တကယ့်ကို ကောင်းမွန်နေဆဲပါပဲ။ ကျွန်တော်တို့ သူ့ကို တကယ်ကို လိုအပ်နေမှာပါ။” ဆိုပြီး ပြောဆိုသွားခဲ့ပါတယ်။
ရွှေရောင်မျိုးဆက်ကို ထူထောင်နိုင်ခဲ့ဖူးတဲ့ ဘယ်လ်ဂျီယံဟာ လက်ရှိ အချိန် မှာတော့ အကျဘက်ကို ရောက်ရှိနေတဲ့ အသင်း ဖြစ်ပြီး ဒီဘရွန်းနား၊ လူကာကူ၊ ဝှစ်ဆဲလ် တို့လို ကစားသမားဟောင်းတွေနဲ့ ကစားသစ်တွေ ပြန်လည် ပေါင်းစပ်ထားတဲ့ အနေအထားမှာ ရှိနေပါတယ်
။လစ်ဗာပူးလ် နောက်ခံလူဟောင်း ဂျေမီ ကာရေဂါ ကတော့ အန်ဒိုနီ အီရာအိုလာက အသင်းနဲ့ ကိုက်ညီမှု မရှိနိုင်ကြောင်း ကြိုတင် ဟောကိန်းထုတ်သွားခဲ့ပါတယ်။ လစ်ဗာပူးလ် အသင်းဟာ အဆိုပါ ဘုန်းမောက် နည်းပြဟောင်းကို ခေါ်ယူနိုင်ခဲ့ပြီ ဖြစ်ကြောင်း သတင်းတွေ ခိုင်ခိုင်မာမာ ထွက်ပေါ်လာချိန် မှာပဲ ကာရေဂါက စတင် ဝေဖန်လိုက်တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
