လီယွန် ဂိုရက်ဇ်ကာ ကတော့ အသင်း ကနေ ထွက်ခွာဖို့ ပြင်ဆင်နေပြီး ပြီးခဲ့တဲ့ စနေနေ့က ဘေယန်မြူးနစ် အတွက် သူ့ရဲ့ နောက်ဆုံး ဘွန်ဒက်စ်လီဂါ ပွဲစဉ်ကို ကစားသွားခဲ့ပါတယ်။ ကွင်းလယ်လူ လီယွန် ဂိုရက်ဇ်ကာက ဘေယန်မြူးနစ်ကို နှုတ်ဆက် စကားဆိုရင်း ကလပ် အသင်းကြီးရဲ့ မိသားစုဝင် တစ်ဦး ဖြစ်ခွင့်ရခဲ့တာကို တကယ့်ကို အတိုင်းမသိ ဂုဏ်ယူမိကြောင်း ဖွင့်ဟခဲ့ပါတယ်။
ဂိုရက်ဇ်ကာဟာ စနေနေ့က ဘေယန်မြူးနစ် အတွက် နောက်ဆုံး ဘွန်ဒက်စ်လီဂါ ပွဲစဉ်ကို ဆင်နွှဲခဲ့တာ ဖြစ်ပါတယ်။ ဒီပွဲမှာ နည်းပြ ဗင်းန်ဆင့် ကွန်ပနီရဲ့ အသင်းက ကိုလုံးကို ၅-၁ ရလဒ်နဲ့ ဂိုးပြတ် အနိုင်ရခဲ့ပြီး ဂိုရက်ဇ်ကာက ဂိုးဖန်တီးမှု တစ်ကြိမ် ပြုလုပ်ပေးနိုင်ခဲ့ပါတယ်။ ဒီကွင်းလယ်လူဟာ ၂၀၁၈ ခုနှစ်က ရှော်လ်ကေး ကနေ ပြောင်းရွှေ့လာခဲ့ပြီးနောက် ဘေယန်မြူးနစ် အတွက် ၃၁၁ ပွဲ အထိ ပါဝင် ကစားပေးခဲ့ပြီး ၅၁ ဂိုး သွင်းယူကာ၊ ဂိုးဖန်တီးမှု ၄၄ ကြိမ် ပြုလုပ်ခဲ့သလို ဆုဖလား ၁၆ လုံး အထိ ဆွတ်ခူးနိုင်ခဲ့သူ ဖြစ်ပါတယ်။
ကိုလုံးနဲ့ ပွဲစဉ်ရဲ့ ၈၃ မိနစ် မှာတော့ အလိုင်းရန့်ဇ်အရီနာ အိမ်ကွင်း ပရိသတ်တွေရဲ့ တစ်ခဲနက် ချီးကျူး ဂုဏ်ပြုသံတွေကို ရရှိစေဖို့ အတွက် သူ့ကို လူစားလဲခဲ့ပါတယ်။ ပွဲအပြီးမှာ ဂိုရက်ဇ်ကာက အခုလို ရင်ဖွင့်စကား ဆိုခဲ့ပါတယ်။ “ကျွန်တော့် အတွက် အထူးခြားဆုံး အခိုက်အတန့် ကတော့ တောင်ဘက် ပွဲကြည့်စင် ဘက်ကို သွားပြီး ပရိသတ်တွေကို စကားပြောခဲ့တဲ့ အချိန်ပါပဲ၊ ပရိသတ်တွေက ကျွန်တော့်ကို ထူးခြားတဲ့ ခံစားချက် တစ်ခု ပေးခဲ့ကြပါတယ်။”
“ဒါဟာ ကျွန်တော် ဒီကလပ် အသင်းရဲ့ မိသားစုဝင် တစ်ဦး ဖြစ်ခဲ့ဖူးသလို အခုထိလည်း မိသားစုဝင် တစ်ဦး ဖြစ်နေဆဲပဲ ဆိုတာကို ရိုးရိုးရှင်းရှင်းလေး သက်သေပြလိုက်တာပါပဲ။ ကျွန်တော် ဒါကို တကယ့်ကို ဂုဏ်ယူပါတယ်။” လို့ ဂိုရက်ဇ်ကာက ပြောကြားခဲ့ပါတယ်။
ဒီပွဲမှာ တိုက်စစ်မှူး ဟယ်ရီကိန်းက ဟက်ထရစ် သွင်းယူခဲ့တာကြောင့် ဒီရာသီ သူ့ရဲ့ ဘွန်ဒက်စ်လီဂါ သွင်းဂိုး စုစုပေါင်းဟာ ၃၆ ဂိုး အထိ ရှိလာခဲ့ပြီ ဖြစ်ပါတယ်။ ဒါ့အပြင် တွမ် ဘစ်ရှော့ဖ် ကလည်း အသင်း အတွက် ဂိုးသွင်းပေးခဲ့သလို၊ အငှားသက်တမ်း ကုန်ဆုံးချိန်မှာ ချဲလ်ဆီး အသင်းထံ ပြန်လည် ရောက်ရှိတော့မယ့် နီကိုးလပ်စ် ဂျက်ဆန် ကလည်း ဂိုရက်ဇ်ကာရဲ့ နေရာမှာ လူစားဝင်လာပြီးပြီးချင်းမှာပဲ အသင်း အတွက် ဂိုးထပ်မံ သွင်းယူပေးခဲ့ပါတယ်။
ဟယ်ရီကိန်းက အခုလို ပြောကြားခဲ့ပါတယ်။ “ဒါဟာ ဘွန်ဒက်စ်လီဂါ ရာသီကို အဆုံးသတ်ဖို့ အတွက် အကောင်းဆုံး ခမ်းနားတဲ့ နည်းလမ်း တစ်ခုပါပဲ။ ကျွန်တော်တို့ အသင်းဆီကနေ ဂိုးတွေ အများကြီးနဲ့ တကယ့်ကို ကောင်းမွန်တဲ့ ပွဲစဉ် တစ်ခုကို ထပ်မံ မြင်တွေ့ခဲ့ရတာပါ။ ရာသီတစ်ခုက ရှည်လျားပြီး ခက်ခဲလွန်းတာကြောင့် အခုတော့ ကျွန်တော်တို့ အောင်ပွဲခံမှု ကိုပဲ အပြည့်အဝ ပျော်ရွှင် ခံစားရမှာ ဖြစ်ပါတယ်။ အခုလိုမျိုး ပုံစံနဲ့ ရာသီပိတ်နိုင်တာ ကတော့ အကောင်းဆုံး နည်းလမ်းပါပဲ။ ကျွန်တော်တို့ အတွက် အရာရာတိုင်းက အဆင်ပြေပြေ ပေါင်းစပ်သွားခဲ့ပါတယ်။”
“ဒါဟာ ကျွန်တော် တို့ကို အသင်း တစ်သင်း အဖြစ် ပုံဖော်ပေးလိုက်တာပါပဲ။ ကျွန်တော် တို့က အမြဲတမ်း တိုက်စစ်ဆင်ချင်တယ်၊ အထက် ကနေ ဖိအားပေးကစားချင်တယ်၊ ဘောလုံးကို အမြန်ဆုံး ပြန်လုယူပြီး ဂိုးတွေ အများကြီး သွင်းယူချင်ကြတာပါ။ ဒါတွေက ကျွန်တော် တို့ရဲ့ စိတ်ဓာတ်နဲ့ လေ့ကျင့်မှုတွေ ကနေ လာတာ ဖြစ်ပါတယ်။ ပြိုင်ဘက်က ဘယ်သူပဲဖြစ်ဖြစ်၊ အခြေအနေက ဘယ်လိုပဲရှိရှိ ကျွန်တော် တို့က အမြဲတမ်း ဒီလိုပုံစံအတိုင်းပဲ စွမ်းဆောင်ရည် ပြသချင်တာ ဖြစ်ပြီး အခုပွဲမှာလည်း ဒါကို ထပ်မံ သက်သေပြနိုင်ခဲ့တာ ဖြစ်ပါတယ်။” လို့ ဖြည့်စွက် ပြောကြားခဲ့ပါတယ်။
ဘေယန်မြူးနစ်ရဲ့ ရာသီကတော့ အခုပွဲနဲ့တင် လုံးဝပြီးဆုံးသွားတာ မဟုတ်သေးပါဘူး။ လာမယ့် တပတ် မှာတော့ စတုဂတ်နဲ့ ကစားရမယ့် ဂျာမန် ပိုကယ်ဖလား ဗိုလ်လုပွဲစဉ် ရှိနေပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
