အာဆင်နယ် ကတော့ ဒီလကုန်မှာ ကစားမယ့် ချန်ပီယံလိဂ် ဗိုလ်လုပွဲမှာ လက်ရှိ ဥရောပ ချန်ပီယံကို အနိုင်ယူပြီး သမိုင်းသစ် ရေးထိုးနိုင်ဖို့ ကြိုးစားရတော့မှာ ဖြစ်ပါတယ်။ ဒါကြောင့် အာဆင်နယ် ကစားသမားတွေ အနေနဲ့ ဒီလကုန်မှာ ကစားမယ့် ချန်ပီယံလိဂ် ဗိုလ်လုပွဲမှာ အနိုင်ရရှိခဲ့ရင် အခုရာသီ ဥရောပ ပြိုင်ပွဲတွေနဲ့ တခြား ပြိုင်ပွဲတွေ ကနေ ရရှိထားတဲ့ အပိုဆုကြေးတွေ အပြင် အင်မတန် များပြားတဲ့ အပိုဆုကြေးငွေတွေကို ထပ်မံ ရရှိဖို့လည်း ရှိနေပါတယ်။
ပြီးခဲ့တဲ့ အင်္ဂါနေ့ညက ကစားခဲ့တဲ့ ဆီမီးဖိုင်နယ် ဒုတိယအကျော့မှာ အက်တလက်တီကိုမက်ဒရစ်ကို နှစ်ကျော့ပေါင်း ရလဒ် ၂-၁ နဲ့ အနိုင်ယူပြီးနောက် အာဆင်နယ်ဟာ သူတို့ရဲ့ သမိုင်းတစ်လျှောက် ဒုတိယအကြိမ်မြောက် ချန်ပီယံလိဂ် ဗိုလ်လုပွဲကို တက်လှမ်းနိုင်ခဲ့တာပါ။ လာမယ့် မေလ ၃၀ ရက်နေ့၊ ပီအက်စ်ဂျီနဲ့ ရင်ဆိုင်ရမယ့် ဗိုလ်လုပွဲမှာ အာဆင်နယ်ဟာ သူတို့ရဲ့ ပထမဆုံးသော ချန်ပီယံလိဂ် ဖလားကို ဆွတ်ခူးနိုင်ဖို့ အခွင့်အရေး ရှိထားပါတယ်။
၂၀၀၅-၂၀၀၆ ဘောလုံးရာသီက ဘာစီလိုနာကို ဗိုလ်လုပွဲမှာ ရှုံးနိမ့်ခဲ့ဖူးတဲ့ အတွက် အာဆင်နယ် ပရိသတ်တွေ ကတော့ အခု ပထမဆုံး ချန်ပီယံဆုကို အသည်းအသန် လိုလားနေကြသလို၊ ကစားသမားတွေ အတွက်လည်း ဒီပြိုင်ပွဲမှာ အနိုင်ရဖို့ ခိုင်မာတဲ့ ငွေကြေးဆိုင်ရာ မက်လုံးတွေ ရှိနေပါတယ်။
ချန်ပီယံလိဂ်မှာ ကစားသမားတွေ ရရှိမယ့် အပိုဆုကြေးများ
The Times သတင်းစာရဲ့ ဖော်ပြချက်အရ အပိုဆုကြေးတွေ ကတော့ အောက်ပါအတိုင်း ဖြစ်ပါတယ်။ ချန်ပီယံလိဂ် ဗိုလ်လုပွဲမှာ ပါဝင် ကစားခွင့်ရတဲ့ ကစားသမားတိုင်းဟာ တစ်ဦးလျှင် ပေါင် ၁၂၅,၀၀၀ အပိုဆုကြေး ရရှိမှာ ဖြစ်ပါတယ်။ ဆီမီးဖိုင်နယ် အဆင့် မှာလည်း တစ်ကျော့စီ အတွက် ကစားသမား တစ်ဦးချင်းစီဟာ ပေါင် ၂၅,၀၀၀ စီ ရရှိခဲ့ပြီး ဖြစ်ပါတယ်။
အာဆင်နယ် အနေနဲ့ ချန်ပီယံလိဂ် ဗိုလ်လုပွဲကို တက်လှမ်းနိုင်ခဲ့တာကြောင့် လက်ရှိအချိန် အထိ ပေါင် ၁၂၄ သန်းခန့် ရရှိထားပြီး ဖြစ်ပါတယ်။ အကယ်၍ ဗိုလ်လုပွဲမှာသာ ထပ်မံ အနိုင်ရခဲ့ရင်တော့ နောက်ထပ် ပေါင် ၉ သန်း ထပ်မံ ရရှိဦးမှာ ဖြစ်ပါတယ်။
ပရီးမီးယားလိဂ် ဆုကြေးများ
အာဆင်နယ်ဟာ ပရီးမီးယားလိဂ် ချန်ပီယံဆု အတွက်လည်း မန်စီးတီးနဲ့ အကြိတ်အနယ် ယှဉ်ပြိုင်နေရဆဲ ဖြစ်ပါတယ်။ အကယ်၍ အာဆင်နယ်သာ ပရီးမီးယားလိဂ်မှာ ချန်ပီယံ ဖြစ်ခဲ့ရင်တော့ ကစားသမားတွေဟာ ပရီးမီးယားလိဂ်မှာ ပါဝင် ကစားခဲ့တဲ့ တစ်ပွဲချင်းစီ အတွက် ပေါင် ၆,၀၀၀ စီ ရရှိမှာ ဖြစ်ပါတယ်။ ဒါကြောင့် ပွဲစဉ် အားလုံး နီးပါး ပါဝင်ကစားသူ တစ်ဦး အနေနဲ့ အမြင့်ဆုံး အဖြစ် ပေါင် ၂၂၈,၀၀၀ အထိ ရရှိနိုင်တဲ့ အခွင့်အရေး ရှိနေပါတယ်။
အာတေးတား အတွက် စာချုပ်သစ်
အခုလို အောင်မြင်မှုတွေ ကနေ ရရှိလာတဲ့ ရန်ပုံငွေတွေကို နည်းပြ မီခဲလ် အာတေးတားရဲ့ စာချုပ်သစ် အတွက် ပြန်လည် ရင်းနှီးမြှုပ်နှံဖို့ အာဆင်နယ်က စီစဉ်နေပါတယ်။ အသက် ၄၄ နှစ် အရွယ် အာတေးတားရဲ့ လက်ရှိ စာချုပ်ဟာ ၂၀၂၆-၂၇ ရာသီကုန်မှာ သက်တမ်းကုန်ဆုံးမှာ ဖြစ်ပြီး၊ လာမယ့် နွေရာသီမှာပဲ စာချုပ်သစ် အတွက် ဆွေးနွေးမှုတွေ ပြုလုပ်သွားမှာ ဖြစ်ပါတယ်။
အာတေးတားဟာ လက်ရှိမှာ အပိုဆုကြေးတွေ အပါအဝင် တစ်နှစ်ကို လစာ ပေါင် ၁၆ သန်း ခန့် ရရှိနေပြီး ကမ္ဘာ့လစာ အများဆုံး နည်းပြတွေထဲမှာ စတုတ္ထနေရာမှာ ရှိနေပါတယ်။ စာချုပ်သစ်ချုပ်ဆိုခဲ့ရင် သူဟာ သူ့ရဲ့ ဆရာဟောင်း မန်စီးတီး နည်းပြ ပပ် ဂွါဒီယိုလာ (တစ်နှစ်လျှင် ပေါင် ၂၁ သန်းခန့် ရရှိနေသူ) ကို ကျော်ဖြတ်ပြီး လစာ အများဆုံး နည်းပြ ဖြစ်လာနိုင်ပါတယ်။
အာတေးတား အနေနဲ့ ဒီရာသီမှာသာ ဖလားတွေ ထပ်ရခဲ့ရင် သူရရှိထားတဲ့ ဆုဖလား အရေအတွက်ကို သုံးဆ အထိ တိုးမြှင့်နိုင်မှာ ဖြစ်ပြီး၊ အသင်း စတင် တာဝန်ယူချိန် ခက်ခဲတဲ့ ကာလတွေ မှာတောင် သူ့အပေါ် ယုံကြည်မှုပေးခဲ့တဲ့ အာဆင်နယ် အသင်းရဲ့ ဆုံးဖြတ်ချက်ဟာ အခုအခါ မှာတော့ အသီးအပွင့်တွေ စတင် ခံစားနေရပြီလို့ပဲ ဆိုရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
