ချန်ပီယံလိဂ် အပြီးမှာ ယူရိုပါလိဂ် ဆီမီးဖိုင်နယ် ဒုတိယအကျော့ ပွဲစဉ်တွေ ဆက်လက် ကစားသွားမှာ ဖြစ်ပါတယ်။ ၂၀၂၅-၂၆ ရာသီ၊ ယူရိုပါလိဂ် ဗိုလ်လုပွဲဆီ ဘယ်အသင်းတွေ တက်ရောက်မလဲ ဆိုတာကို မကြာခင်မှာ သိရှိရတော့မှာ ဖြစ်ပါတယ်။
အစ္စတန်ဘူလ်မှာ ကျင်းပမယ့် ဗိုလ်လုပွဲဆီ ပရီးမီးယားလိဂ် အသင်း တစ်သင်း ကတော့ သေချာပေါက် တက်ရောက်မှာ ဖြစ်ပြီး အက်စတွန်ဗီလာနှင့် နော့တမ်ဟမ်ဖောရက်စ် တို့ဟာ မစ်ဒ်လန်းဒါဘီ အဖြစ် ရင်ဆိုင်နေကြရတာ ဖြစ်ပါတယ်။ တခြား တစ်ဖက် မှာလည်း ဖရိုင်းဘတ်က ပထမအကျော့ ရှုံးနိမ့်မှုကို အိမ်ကွင်းမှာ ပြန်လည် အဖတ်ဆယ်ပြီး ဘရာဂါကို ကျော်ဖြတ်ကာ သူတို့ရဲ့ ပထမဆုံးသော ဥရောပ ဗိုလ်လုပွဲကို တက်ရောက်ဖို့ ကြိုးပမ်းရမှာ ဖြစ်ပါတယ်။
လက်ရှိမှာ ကျန်ရှိနေတဲ့ အသင်း ၄ သင်းစလုံး ကတော့ ပထမအကျော့ ရလဒ်တတွေအရ အခွင့်အရေး ကိုယ်စီ ရှိနေကြဆဲ ဖြစ်ပါတယ်။ ဒါကြောင့် ယူရိုပါလိဂ် ဆီမီးဖိုင်နယ် ဒုတိယအကျော့ ပွဲစဉ်တွေနဲ့ ပတ်သတ်လို့ သုံးသပ်ကြည့်ရအောင်ပါ။
အက်စတွန်ဗီလာ – နော့တမ်ဟမ်ဖောရက်စ်
“VAR က တကယ်ကို ဆိုးရွားလွန်းပါတယ်။ ဒါဟာ အနီကတ် ဆိုတာ အသိသာကြီးပါ” လို့ အက်စတွန်ဗီလာ နည်းပြ အူနိုင်း အမ်မရီက ပထမအကျော့ အပြီးမှာ ဒေါသတကြီး ပြောဆိုခဲ့ပါတယ်။ အိုလီ ဝက်ကင်းစ်ကို ပြင်းပြင်းထန်ထန် ဖျက်ထုတ်ခဲ့တဲ့ အဲလီယော့တ် အန်ဒါဆန်ကို ကွင်းလယ်ဒိုင်က အနီကတ်မပြခဲ့ခြင်းက ပွဲရဲ့ အဖြေကို ပြောင်းလဲသွားစေခဲ့တယ်လို့ အမ်မရီက ယူဆနေတာ ဖြစ်ပါတယ်။
ဗီလာဟာ ပထမအကျော့မှာ ခရစ်ဝုဒ်ရဲ့ ပင်နယ်တီဂိုးကြောင့် ၁-၀ နဲ့ ရှုံးနိမ့်ထားတာကြောင့် အခု ဒုတိယအကျော့ အိမ်ကွင်းမှာ အမှားခံလို့ မရတော့ပါဘူး။ ဒါပေမယ့်လည်း ဗီလာ တို့က ပြိုင်ပွဲစုံ ၃ ပွဲဆက် ရှုံးနိမ့်ထားပြီး စပါးနဲ့ ပွဲမှာ အဓိက ကစားသမားတွေကို အနားပေးခဲ့ပေမယ့်လည်း ၂-၁ နဲ့ ထပ်မံ ရှုံးနိမ့်ခဲ့ခြင်းက အသင်းရဲ့ ယုံကြည်မှုကို ထိခိုက်စေခဲ့ပါတယ်။
တခြား တစ်ဖက်မှာတော့ ဗစ်တာ ပါရဲရားရဲ့ ဖောရက်စ် ကတော့ လက်ရှိအချိန်မှာ အင်္ဂလန်ရဲ့ အတောင့်တင်းဆုံး အသင်းတွေထကေ တစ်သင်း ဖြစ်နေပါတယ်။ ချဲလ်ဆီးကို ၃-၁ နဲ့ အနိုင်ရခဲ့တဲ့ ပွဲအပါအဝင် သစ်တောတွေက ၂ လနီးပါး ရှုံးပွဲ မရှိသေးပဲ ၅ ပွဲ ဆက်တိုက် အနိုင်ရထားပါတယ်။ ဖောရက်စ် တို့ဟာ အခုပွဲမှာ သရေကစားရုံနဲ့ ၁၉၈၀ ခုနှစ်နောက်ပိုင်း သူတို့ရဲ့ ပထမဆုံးသော ဥရောပ ဗိုလ်လုပွဲဆီ တက်ရောက်နိုင်မှာ ဖြစ်ပါတယ်။
ခန့်မှန်းချက်: အက်စတွန်ဗီလာ ၁-၁ နော့တမ်ဟမ်ဖောရက်စ်
ဖရိုင်းဘတ် – ဘရာဂါ
ပြီးခဲ့တဲ့ တပတ်က ဘရာဂါရဲ့ အိမ်ကွင်းမှာ အလှည့်အပြောင်း များစွာ ရှိခဲ့ပါတယ်။ ပထမပိုင်းမှာ ရိုဒရီဂို ဇာလာဇာ ပင်နယ်တီ လွဲချော်ခဲ့ပေမယ့်လည်း ဘရာဂါက ၂-၁ နဲ့ အနိုင်ရခဲ့ပါတယ်။ ဖရိုင်းဘတ်ရဲ့ ဂန္ထဝင် ကစားသမား ဗင်ဆန်ဇို ဂရစ်ဖိုက ချေပဂိုး သွင်းယူပေးခဲ့ပေမယ့်လည်း ပွဲပြီးခါနီး ၉၂ မိနစ်မှာ မာရီယို ဒေါ်ဂဲလ်စ်ရဲ့ သွင်းဂိုးကြောင့် ဘရာဂါတို့ အသာစီးရသွားခဲ့တာ ဖြစ်ပါတယ်။
ဘွန်ဒက်စ်လီဂါ အဆင့် ၇ နေရာမှာ ရပ်တည်နေတဲ့ ဖရိုင်းဘတ်ဟာ အိမ်ကွင်း ရလဒ် အပေါ် အပြည့်အဝ ယုံကြည်မှု ရှိနေပါတယ်။ သူတို့ဟာ ဒီရာသီ ယူရိုပါလိဂ် အိမ်ကွင်း ပွဲစဉ်တိုင်းမှာ အနိုင်ရထားပြီး ရှုံးထွက်အဆင့်မှာ ဂျန့်ခ်နဲ့ ဆယ်လ်တာဗီဂို တို့ကို အိမ်ကွင်းမှာ ၈ ဂိုးထိ သွင်းယူကာ ကျော်ဖြတ်လာခဲ့တာ ဖြစ်ပါတယ်။
ဘရာဂါ ကလည်း အဝေးကွင်းမှာ ရလဒ်ကောင်းတတ်တဲ့ အသင်း ဖြစ်ပြီး ကွာတားဖိုင်နယ်မှာ ဘက်တစ်ကို ၄-၂ နဲ့ အနိုင်ယူခဲ့ဖူးပါတယ်။ ဒါပေမယ့်လည်း ဖရိုင်းဘတ်ရဲ့ အိမ်ကွင်း တိုက်စစ် အင်အားက ပိုမို ပြင်းထန်နေတာကြောင့် သူတို့ ကသာ ဗိုလ်လုပွဲကို တက်ရောက်ဖို့ ရေပန်းစားနေပါတယ်။
ခန့်မှန်းချက်: ဖရိုင်းဘတ် ၃-၁ ဘရာဂါ
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
