ဘောလုံးသမိုင်း တစ်လျှောက်မှာ အခု ဖော်ပြမယ့် ကစားသမားတွေလိုမျိုး တစ်နှစ်တာ အတွင်း အကောင်းဆုံး စွမ်းဆောင်နိုင်ခဲ့တဲ့ ကစားသမားမျိုး မရှိခဲ့ပါဘူး။ နှစ်သစ် ရောက်တိုင်း ကျွန်တော်တို့ လူအများစုဟာ အရက်လျှော့သောက်တာ၊ GYM ပိုမိုဆော့တာ သို့မဟုတ် အားလပ်ရက် ခရီးသွားဖို့ ပိုက်ဆံစုတာ စတဲ့ ဆုံးဖြတ်ချက်သစ်များ ချမှတ်လေ့ ရှိကြပေမယ့်လည်း ဘောလုံးသမားတွေ၊ အထူးသဖြင့် တိုက်စစ်မှူးတွေ အတွက်တော့ ပန်းတိုင်က တစ်ခုတည်းသာ ရှိပါတယ်။ အဲဒါကတော့ ဂိုးတွေ ပိုသွင်းနိုင်ရေးပဲ ဖြစ်ပါတယ်။
တချို့ ကတော့ သူတို့ မျှော်မှန်းထားတဲ့ ပန်းတိုင်ကို ရောက်ရှိကြပြီး၊ တချို့က လွဲချော်ကြပေမယ့်လည်း တချို့ ကတော့ ပန်းတိုင်ကို ကျော်လွန်ကာ စံချိန်သစ်တွေပါ တင်နိုင်ခဲ့ကြပါတယ်။ ဒီနေရာမှာ ဘောလုံး သမိုင်းတစ်လျှောက် တစ်နှစ်တာအတွင်း သွင်းဂိုး အများဆုံး သွင်းယူနိုင်ခဲ့တဲ့ ဘောလုံးသမားတွေက ဘယ်သူတွေလဲ ဆိုတာ ဖော်ပြပေးလိုက်ပါတယ်။
တစ်နှစ်တာအတွင်း သွင်းဂိုး အများဆုံး စံချိန်- လီယွန်နယ် မက်ဆီရဲ့ မှတ်တမ်း
ဘောလုံးလောကရဲ့ စံချိန် အများစုထဲက တစ်နှစ်တာ အတွင်း သွင်းဂိုး အများဆုံး စံချိန်ကို လီယွန်နယ် မက်ဆီက ပိုင်ဆိုင်ထားပါတယ်။ ၂၀၁၂ ခုနှစ်မှာ သူက ဘာစီလိုနာ (၇၉ ဂိုး) နဲ့ အာဂျင်တီးနား (၁၂ ဂိုး) အတွက် စုစုပေါင်း ၉၁ ဂိုး ဆိုတဲ့ ထူးခြားသည့် စံချိန် တစ်ရပ်ကို တင်နိုင်ခဲ့ပါတယ်။ အဲဒီနှစ်မှာ အာဂျင်တီးနား ကြယ်ပွင့် မက်ဆီဟာ ပွဲပေါင်း ၆၉ ပွဲသာ ကစားခဲ့ရပြီး ကွင်းထဲမှာ ရှိနေတဲ့ အချိန်တိုင်း ၆၆ မိနစ်လျှင် တစ်ဂိုးနှုန်း သွင်းယူနိုင်ခဲ့ပါတယ်။ မက်ဆီဟာ ဂိုးမသွင်းနိုင်ခဲ့တဲ့ ပွဲအရေအတွက်နှင့် နှစ်ဂိုး သွင်းယူခဲ့တဲ့ပွဲ အရေအတွက်လည်း တူညီနေခဲ့ပါတယ်။
အခုလို အံ့အားသင့်ဖွယ် ဂိုးအရေအတွက်ကြောင့် သူဟာ (လက်ရှိမှာ ရာသီအလိုက် မဟုတ်ပဲ ပြက္ခဒိန်နှစ် အလိုက် ရွေးချယ်စဉ် အခါက) ဘယ်လွန်ဒေါဆုကို ဆွတ်ခူးနိုင်ခဲ့တယ်။ သို့သော် ဝမ်းနည်းစရာ ကောင်းတာက မက်ဆီရဲ့ စံချိန်တင် သွင်းဂိုးတွေ ရှိနေပေမယ့်လည်း ဘာစီလိုနာ ကလည်း အဲဒီ နှစ်မှာ ကိုပါဒယ်ရေးဖလားသာ ရရှိခဲ့ပေမယ့် လာလီဂါ၊ စပိန်စူပါဖလား၊ ချန်ပီယံလိဂ် ဖလား တို့နဲ့ လွဲချော်ခဲ့ရပါတယ်။
ဘောလုံးသမိုင်းတစ်လျှောက် တစ်နှစ်တာ အတွင်း သွင်းဂိုး အများဆုံး တခြားသော ကစားသမားများ
မက်ဆီရဲ့ ၂၀၁၂ ခုနှစ် စံချိန်တင် ၉၁ ဂိုးဟာ ၁၉၇၂ ခုနှစ်မှာ ဂတ်မူလာ သတ်မှတ်ခဲ့တဲ့ ၈၅ ဂိုး ဆိုတဲ့ စံချိန်ဟောင်းကို ကျော်ဖြတ်နိုင်ခဲ့ခြင်း ဖြစ်ပါတယ်။ ဂတ်မူလာဟာ အဲဒီ အချိန်တုန်းက ဘေယန်မြူးနစ်နဲ့ အနောက် ဂျာမနီ အသင်းတို့ အတွက် ကစားပေးခဲ့ခြင်း ဖြစ်ပါတယ်။
အဲဒီနှစ်မှာပဲ ဇမ်ဘီယာ ဘောလုံးအဖွဲ့ချုပ်က ဂေါ့ဖရီ ချီတာလူဟာ ကဘ်ဝေး ဝါရီယာနဲ့ ဇမ်ဘီယာ အသင်း အတွက် ဂိုးပေါင်း ၁၀၀ ကျော် သွင်းယူခဲ့တယ်လို့ သိရပါတယ်။ ဒါပေမယ့်လည်း ဖီဖာက အဲဒီ ခေတ်အခါက ယုံကြည် စိတ်ချရတဲ့ သမိုင်းမှတ်တမ်းနဲ့ အချက်အလက် မရှိတာကြောင့် တရားဝင် အတည်မပြုနိုင်ခဲ့ပါဘူး။ အဲဒါကြောင့် သူ့ရဲ့ သွင်းဂိုး အရေအတွက်က တရားဝင် စံချိန်တင် စာရင်းထဲမှာ မပါဝင်ခဲ့ပါဘူး။
ခရစ္စတီယာနို ရော်နယ်ဒို၊ ရောဘတ် လီဝမ်ဒေါစကီးနဲ့ ကီလီယန် အမ်ဘာပေး တို့က ခေတ်သစ် ထိပ်တန်း ကစားသမား စာရင်းမှာ ဖြည့်စွက်ထားပြီး၊ ၂၀၂၄ ခုနှစ်မှာ စပို့တင်းလစ္စဘွန်းနဲ့ ဆွီဒင် အသင်း အတွက် ၆၂ ဂိုး သွင်းယူခဲ့တဲ့ ဗစ်တာ ယောကရက်စ် ကတော့ ထိပ်တန်း စာရင်းနဲ့ ကပ်ပြီးလွဲချော်သွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
