စီးရီးအေ အဆင့် ၄ နေရာ အတွက် တိုက်ပွဲဝင်နေကြတဲ့ ကိုမိုနဲ့ ရိုးမား တို့ဟာ ရမှတ်တူ အနေအထားနဲ့ ထိပ်တိုက် တွေ့ဆုံနေကြပါတယ်။ဒီပွဲဟာ နှစ်သင်းစလုံးရဲ့ ချန်ပီယံလိဂ် ဝင်ခွင့် အတွက် အလွန်မှ အရေးကြီးတဲ့ ပွဲစဉ် တစ်ပွဲ ဖြစ်လာမှာ ဖြစ်ပြီး ဖာဘရီဂတ်စ်က ဂရိုက်စိုက် ကစားဖို့ လိုအပ်ကြောင်း ပြောကြားခဲ့တာ ဖြစ်ပါတယ်။
ကိုမို နည်းပြ ဆက်စ် ဖာဘရီဂတ်စ်ဟာ ဇန်နဝါရီလ နောက်ပိုင်း သိသိသာသာ တိုးတက်လာတဲ့ ရိုးမားကို အနိုင်ယူနိုင်ဖို့ ဆိုရင် သူ့အသင်း အနေနဲ့ “ ပြီးပြည့်စုံတဲ့ ကစားကွက်” ဖော်ဆောင်နိုင်ဖို့ လိုအပ်တယ်လို့ ယုံကြည်နေပါတယ်။ မနေ့ညက ပွဲမှာ ဂျူဗင်တပ်စ်က အူဒီးနီးစ်ကို အနိုင်ရသွားတာကြောင့် အဆင့် ၄ နေရာကို တက်လှမ်းသွားပြီး ကိုမိုက အဆင့် ၅၊ ရိုးမားက အဆင့် ၆ နေရာမှာ အသီးသီး ရပ်တည်နေကြပါတယ်။
တဖက်မှာ ကိုမိုဟာ ကိုပါအီတာလီယာ ဆီမီးဖိုင်နယ် ကိုလည်း တက်လှမ်းထားသလို၊ စီးရီးအေ နောက်ဆုံး ၈ ပွဲမှာ ၅ ပွဲ နိုင်၊ ၂ ပွဲ သရေ၊ ၁ ပွဲ ရှုံး ဆိုတဲ့ မှတ်တမ်းကောင်းကို ပိုင်ဆိုင်ထားပါတယ်။ ကိုမိုဟာ ဒီရာသီ စီးရီးအေ ၂၈ ပွဲမှာ ရမှတ် ၅၀ ကျော် (၅၁ မှတ်) ကို ပထမဆုံးအကြိမ် ရရှိထားတာပါ။ (ယခင်က ၁၉၅၀ ဝန်းကျင် ရာသီတွေမှာသာ အခုထက် ရမှတ် ပိုရဖူးပါတယ်)။
ဖာဘရီဂတ်စ် ကတော့ “ရိုးမားဟာ အပြောင်းအရွှေ့ကာလမှာ အသင်းကို အကောင်းဆုံး အားဖြည့်ထားပြီး သူတို့ရဲ့ အဆင့်အတန်းက တခြား အသင်းတွေထက် ပိုမြင့်မားလာပါတယ်။ ကျွန်တော်တို့ နာပိုလီ ဒါမှမဟုတ် ဂျူဗင်တပ်စ်ကို အနိုင်ရခဲ့တုန်းက လိုမျိုး ပြီးပြည့်စုံတဲ့ ပွဲတစ်ပွဲ ဖြစ်ဖို့ လိုပါတယ်။” လို့ ဆိုပါတယ်။
ဆက်လက်ပြီး သူက “ကစားသမားတွေ ချန်ပီယံလိဂ် အကြောင်း အခုချိန်မှာ အရမ်းကြီး စကားမများဖို့ တားမြစ်ထားပါတယ်။ အခုက အချိန်မဟုတ်သေးပါဘူး။ တကယ်လို့ ကျွန်တော်တို့ ချန်ပီယံလိဂ် မဝင်ခဲ့ရင်တောင် ရှုံးနိမ့်သူတွေ မဟုတ်ပါဘူး၊ အသင်းကို ဆက်လက် တည်ဆောက်သွားရမှာပါ။” လို့ ဖြည့်စွက် ပြောကြားခဲ့ပါတယ်။
ဒီပွဲမှာ ကိုမို ဘက်က နီကို ဘက်ကို စောင့်ကြည့်ရမည့် ကစားသမား အဖြစ် သတ်မှတ်ထားချင်ပြီး သူဟာ နောက်ထပ် ၁ ဂိုး ထပ်သွင်းနိုင်ရင် ၁၉၈၅-၈၆ ရာသီက စတီဖန်နို ဘော်ဂိုနိုဗို နောက်ပိုင်း ကိုမို အတွက် တစ်ရာသီ အတွင်း ဂိုးဆယ်ဂဏန်း သွင်းယူနိုင်တဲ့ ပထမဆုံး ကစားသမား ဖြစ်လာမှာပါ။ လက်ရှိ မှာတော့ သူနဲ့ အတူ ဒိုဗီကပ်စ် ကလည်း ၉ ဂိုးစီ သွင်းထားပါတယ်။ ရိုးမား ဘက်ကတော့ ဒွန်ရဲလ် မယ်လန်ကို စောင့်ကြည့်ရမှာ ဖြစ်ပြီး မာလန်ဟာ ဒီရာသီ ရိုးမား အတွက် ၈ ပွဲ ကစား အပြီးမှာ ၆ ဂိုး သွင်းယူထားပါတယ်။
ကိုမိုဟာ ရိုးမားနဲ့ အိမ်ကွင်း နောက်ဆုံး ပွဲစဉ် ၂ ပွဲမှာ ၂-၀ ဆိုတဲ့ ရလဒ်နဲ့ ဆက်တိုက် အနိုင်ရထားပါတယ်။ ရိုးမားဟာ အဝေးကွင်း နောက်ဆုံး ၁၀ ပွဲမှာ ၇ ပွဲ အထိ အနိုင်ရဖို့ ရုန်းကန်နေရပါတယ်။ ဒါ့အပြင် ဒီဇင်ဘာလ နောက်ပိုင်း အဝေးကွင်းမှာ ရမှတ် ၇ မှတ်သာ ရရှိထားပါတယ်။
ထူးခြားချက်က နှစ်သင်းစလုံး ရမှတ် ၅၀ ကျော်စီ ရရှိထားချိန်မှာ ထိပ်တိုက်တွေ့ဆုံကြတာဟာ စီးရီးအေ သမိုင်းမှာ ပထမဆုံးအကြိမ် ဖြစ်ပါတယ်။ Opta ကတော့ ဒီပွဲမှာ ကိုမို အနိုင်ရနိုင်ခြေ: ၄၆.၄ ရာခိုင်နှုန်း၊ သရေ ကျနိုင်ခြေ: ၂၆.၈ ရာခိုင်နှုန်းနဲ့ ရိုးမား အနိုင်ရနိုင်ခြေ ၂၆.၈ ရာခိုင်နှုန်း ရှိထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
